話說我真係好鐘意食肉, 所以平時都好鐘意打邊爐放題, 因為一定食得飽! 同埋宜家放題既質素愈黎愈高, 今次就試左呢間韓燒放題~~
食韓燒就勁鐘意食泡菜, 呢到都係任REFILL, 夾埋燒肉黎食會減低油膩感!
除此之外仲有爐邊蛋, 不過唔知有無得REFILL, 因為太多野食, 食左一次都夠皮!!
呢到要自己寫單, 不過無漏單情況~
除左燒肉, 仲有D熟食, 我地試左炒粉絲, 海帶湯等等, 質素都唔錯!
肉類方面都幾多選擇, 除左豬.牛.雞之外, 仲有D海鮮~
每樣可以叫少少黎食, 我地試左好多款之後都覺得呢到既豬肉係最好食既!
尢其是係護心肉! 因為個汁好甜, 燒完其實有D似叉燒, 好好食!
同埋辣雞肉都好辣好惹味!  呢到既野食都唔錯, 只係爭左甜品! 但都可以ENCORE!

因為疫情關係，好耐無出街食晚飯啦。今日難得可以約朋友一齊吃晚飯，當然要吃盡佢，食豪哋。放題便是最好不過了。 門面裝橫顏色豐富，很有韓風style，加上部份韓文設計，仿佛置身韓國一樣。食飯之余又滿足眼球的旅行慾望。 例行工序，入座前先測體溫，然後才能進入。呢個空間自成一角，有私人空間。 我們入座的在大廳位置，是一張圓枱，坐下不久餐廳侍應提供燒肉套餐一份。各類燒肉工整有序地放在牛型木制板上，每種肉類上有一個小標籖。一目了然。 同時配備醬料、小食和生菜是可以重複添加的。小食方面有泡菜、紫菜和芽菜，夾雜住燒肉進食，可以中和肉味，又挺開胃的。 除咗肉類，還有一些海鮮類，例如魷魚，多春魚是我比較喜歡吃的。 粟米已經弄好一粒粒，加埋牛油一齊燒熱，拌勻，很是可口好味。 芝士燒熱之後可以拌上燒肉食，層次更為豐富。 此刻來一碗熱湯，解渴之余，一洗口中油膩感，又要令人胃口大開了。 飲飽食醉之後，以雪糕作為結尾，一凍一熱帶來衝擊，簡直係滿足。

秋風起，當然要食下燒肉放肆下，呢間韓燒位於旺角，地方企理，唔會太迫，疫情間還算食得安心。今次就叫左278蚊位既 世子御膳 放題。 燒肉： 肉類既選擇好多，花多眼亂。食肉獸們一定不能錯過，由於種類太多，不能盡錄，略試一二後，覺得 牛胸腹，香草五花肉，牛肋骨肉 幾出色，油花均勻，肉味香濃，誠意之作。 燒物： 食燒物除左食肉類，當然唔少得其他串燒啦。雞腎，雞軟骨，雞肉串都好新鮮，無雪味，醃得好入味。當中豬大腸亦是十分出色、此外呢間韓燒還有少見既牛大腸，喜歡食內臟既一定要試試。 海鮮類： 包括 蝦，帶子，魷魚圈同蜆。食材算新鮮，無雪味，鍾意海鮮既一定要點。 蛋： 無限追加。蛋味十足，熟度自己調校。 水冷麵： 食左咁多熱氣野，飲啖啤酒，食啖水冷麵，風味十足。 總結：肉類既選擇多，食肉獸不能錯過，上order 既速度亦很快，侍應換板既時間都算密，大約燒1至2轉 肉就自動幫你換，服務一流，值得推介。

最近約朋友仔食韓燒, 呢間一班人食又得兩個人食又得
一坐低個環境都好有係韓國食燒肉既Feel
首先唔少得有配菜 泡菜好好味唔太辣今次叫左個牛拼盤 每個部位都有, 可以試晒唔同位既肉
全部都好高質素
燒出黎香味好足
唔洗點醬都一樣夠味 餐廳仲提供左生菜
可以包住舊肉食
口感會比較清爽冇咁油膩 今次仲Order左海鮮拼盤
款式齊全好抵讚
有魷魚元貝鮑魚同埋蝦
最推介係魷魚
大大條可以剪開慢慢燒
可以叫一碟同朋友仔慢慢分享
燒魷魚好惹味
未放入口已經聞到香味
食落又夠口感又有味道
而蝦都好貼心分開左一半
大大隻燒到彎曲左就可以食
非常新鮮
燒出黎非常有蝦味
呢間燒肉店真係十分推薦
食物好有質素

有日去左黃大仙行街，順便入左商場覓食，見到呢間韓燒，實在太耐無食過！所以入左呢間～由於平日晚上，所以唔算好多人，唔駛等位，有卡位坐！仲好闊好舒服😍.
.
我地點左深秋燒肉套餐，包括有：特級牛肋骨、醬油牛小排、韓風墨魚、韓式秘製醬油豬五花、蔥醬豬背肉、梨汁雞翼、秘製豬皮同大紅蝦，另外仲包左一個沙律同兩杯飲品，我地叫左青檸梅子梳打同夏恩菠蘿梳打！.
.
一坐低，店員就俾左口罩套同圍裙俾我地，然後裝起配菜同爐邊燒既蛋汁泡菜同芝士粟米～除左沙律之外，其他細碟既配菜、蛋汁泡菜同芝士粟米都可以任添！🤤 超正～包住肉食既一塊塊菜都可以任添！.
.
燒肉到後，店員可以幫你燒，好體貼～我地兩位女生怕輪盡，所以都請店員幫手燒👍🏻 店員好細心燒之餘仲會剪好一塊塊方便我地食～牛肋骨同牛小排真係無得頂，牛肉既肉味好濃郁好juicy！雖然兩者口感不同，但仍然係好高質！呢度有唔同既醬汁點，亦都可以好似韓國地道既食法，就係拎一片生既菜，包住塊肉，你鍾意既可以夾埋配菜一齊食😋.
.
秘製醬油豬五花好好味，好惹味，口感好豐富；豬背肉都好嫩滑；而大紅蝦既蝦肉都好爽！豬皮又估唔到咁樣燒都好好味！.
.
最後飲返杯梳打清新下解下渴！青檸梅子梳打好fresh，梅味濃，加埋青檸真係好爽！而夏恩菠蘿梳打就好香甜，菠蘿味好出！.
.
總括來說，呢餐飯真係食得好滿足，服務好好！會再來食過！👍🏻

第一次光顧Running燒，用OpenRice訂座，很方便 餐廳新開業1-2個月，服務OK，環境乾淨舒服，座位闊落，燒烤冇乜油煙味 110分鐘任食放題，掃描單據嘅QR code，手機落單，上菜都算快同埋大至準確，$188(加一服務費)呢個價錢算合理，牛肉、豬肉、雞肉可以啦，但係魚、蝦、帶子、生蠔等海鮮質素一般，飲品及醬汁的種類及供應都好足夠，算好抵吃 入咗起計，30分鐘前停止手機落單，進食時間尚算足夠，只係Wi-Fi供應得60分鐘，人哋食110分鐘，得60分鐘Wi-Fi，略嫌不足。 將軍澳來講，以呢個價錢同埋食物嘅水準，下次會考慮再光顧的

油塘平價韓燒 - Grill n More • 喺OpenRice買咗coupon，平均每人$128 • 肉類選擇超級豐富，有鴨胸、牛肉粒、豬扒、雞翼，超級多選擇 • 海鮮食材都唔錯，有青口、八爪魚 • 熟食方面款式多元化，有韓式炒粉絲（微辣、有驚喜）、泰式酸辣鳳爪、多春魚、咕嚕肉、炸雞翼、豬腳、壽司卷等等 • 甜品方面都唔錯，有韓國雪條（試咗椰子同士多啤梨味）、大腳板雪條、啫喱同西餅 咁親民嘅價錢就試到咁多嘢，同埋質素都唔錯真係好超值！

而家疫情第三波嚴重，好多政府部門及私營公司都給員工在家工作，加上長達6星期晚市禁堂食，就算而家疫情緩和左小小，但每日都有成二十幾宗確診，重要係好多都係源頭不明，其實都幾恐怖，而家想出街都唔敢出，又唔可以出街食飯，但日日煮都煮都唔知食咩好，好彩比我發現都有間專做外賣韓燒店"Running Pig"，由韓國人主理。 我就揀左韓式烤五花腩套餐 (2人份)，套餐分量好足夠及好豐富，加上配料都好多，最like又有好多款唔同蔬菜同埋果炒酸辣泡菜好開胃，可以開住冷氣安在家中享受呢個韓燒，而又唔會搞到屋企成陣油煙味，勁like

今天來到只成一角的將軍澳，這裡人流不少，食律應有盡有。有間新韓式《Running 燒》開了分店在此，價錢仲好抵！ 🤩 肉、海鮮類由QR code 點菜，職員負責上菜以確保衛生。每次點餐的份量按人頭計算但全程須時不長。 即使小妹點了很多次，職員沒點抱怨😛 牛肉中至愛烤牛肉、雪花牛仔肉等 而豬有黑豚腩肉、辣味五花肉等等 特別已醃製好又多蒜更食得津津樂道！羊蘇味只有一點點，對羊痴小妹再濃一點更好😛 海鮮種類有魚、蝦、貝殼、炸物 包羅萬有 肉質素新鮮又滿意。 環境開揚，多人仍感到地方寬敞，適合跟三五知己慶祝，小妹注重身上的油煙味一點也沒有。 7時前晚餐任飲任食埋單用不到 200蚊，己包捨熱食、沙津吧、甜品、飲料等等 😱 服務態度由入座至埋單都有良好又快捷，特別隔座客人要求換網都立即處理而不會讓客人久等

#韓國菜 #韓國餐廳 #韓燒 #燒肉 #烤肉 #烤牛肉 #燒牛 ，收加一服務費。環境寬敞，有點像印度餐廳感覺。提供玄米茶～ 今次試 #燒牛肉 ，但沒有提供鹽和調味料，只有麻油，較原汁原味和淡 #烤特級雪花牛肉 #雪花牛肉 $255@150g 牛的味道濃郁，算不錯👍🏻肥瘦適中 #烤牛脷 $130@100g 不夠薄切和大片，燒起來一係唔熟，一係熟得滯好硬😂嘛嘛地-3- #燒元貝 #烤鮮帶子 $165+1 超大隻，同餐牌差好遠，沒有蔥粒。好多汁，小小鮮甜，但要燒好耐，也可以一試🤔 食烤肉的價錢偏貴，還是午餐比較抵食～份量比牛角多一點點，但是牛角的質素好像比較好🤣日式烤肉好像較好吃 旁邊有免費任拎的前菜，晚上8點的時間已被拎光了🤣🙈收10點 ᶘ ᵒᴥᵒᶅ個人口味評分：6.5/10

／喜來稀肉／銅鑼灣／ 雖然無影低，但依度提供嘅前菜很不錯，基本泡菜之餘，仲有辣沙律，同埋一碟青辣椒洋蔥青瓜，好解膩。 唯獨想吐嘈吓，依款爐由於中間拱起，燒燒吓好易滾咗啲肉落去未熟嘅爐邊蛋度(´･_･`)同埋都好易燶，要不時用舊肥膏產乾淨或者叫人嚟換個新嘅先用得 ｜牛大腸 ｜ $160 ｜ 咁多款肉中最好食，味道最濃。建議每面燒2-3分鐘至金黃色，再剪開細細粒，烤到啲油漏出嚟，就會好好食。另外佢唔係一圈圈，而係一條腸開邊切開一半，見到係清潔乾淨，同時脂肪亦保留到 ｜牛舌 ｜ $148 ｜ 一大盤嘅牛舌，基本上放上爐5秒變色就可以反轉，變埋色就食得。不過味道就普普通通，都係中意厚切而食落又爽口嘅多啲 ｜五花肉 ｜ $123 ｜ 好怕五花肉得一大堆肥膏，依款唔會，分佈幾平均，煎到兩面金黃就煎開一塊塊，等四面都烤脆嚟食口感更好。五花肉同生菜好夾，配泡菜、蒜片、點啲韓式辣醬，中意可以剪多粒青辣椒同加啖飯，好好味。加上五花肉會keep住出幾多油，算係最唔怕痴底嘅肉 ｜護心肉 ｜ $158 ｜ 其實已經拎咗幾舊去燒，本身份量都係滿一碟，聽聞護心肉係必食，不過未到話驚艷到我，有時係幾爽口，但有時咬落口就feel到無咁嫩 ｜喜來烤肉 ｜ $138 ｜ 砌成玫瑰花形狀，紋路都幾靚，又係偏薄身，所以好快熟。食落口幾香牛味，建議點佢嘅鹽油 爐邊蛋係整定嘅，一邊芝士蛋一邊泡菜蛋，未開爐見到其實芝士量唔多，但再refill就多好多芝士，即刻濃味返 嗌多枝燒酒，加一埋單$890，其實套餐幾抵食不過只可以揀一律牛或者豬，當中又未必有想食嘅肉，所以最尾都係散嗌