今日慕名去長沙灣一間燒味舖，桃源記。佢都幾低調，冇大肆做宣傳，見到好多熟客仔。叫咗個燒腩燒鵝飯，今日嘅E餐。其他abc餐都唔係燒味。 份量都適中，肉係好食嘅值得去試一試嘅。同平時普通茶樓嘅水準係唔同嘅。

尖沙咀既亞士厘道一向都係尖沙咀既世界桃源,雖然尖沙咀人流多,但亞士厘道位置比較偏僻,好多時侯都係搵食先會行到依個地方,時隔多年,再次黎到依一個世外桃源,發現開左一間新既餐廳,叫Auroru Fusion Restaurant,好有意境既名,極光餐廳,仲要係fusion菜,依個年頭fusion菜真係買少見少了,誤打誤撞之下搵到依一間,仲要係良心小店,就試一試佢。

餐廳地理位置雖然比較偏僻,但係餐廳既裝修一啲都唔馬虎,不倫內外都裝修得美侖美奐,我坐既位置係正門口,對正bar台,睇住師傅用心制作美食,加上精緻既內部裝修,真正令人未出發先興奮,同行友人一坐低已經瘋狂打卡,明明食物都未上台。

我同朋友今日就點左竹炭天婦羅蝦卷,波士頓龍蝦海葡萄沙律,芝士涷肉沙津同埋德國腸拼盤。首先上場既係作為前菜既波士頓龍蝦海葡萄沙律,由於係冷盤既關係,上菜既時候餐廳仲同時上左一個冰盤,相信目的係為左保持低溫。餐廳既用心,係依一個細節位已經可以見到。更重要既係,好多人可能會擔心連冰盤上,沙律會變得太涷,而餐廳係依一方面做得好好,冰塊既作用係類似保溫,沙律入口唔會過涷,而係岩岩好既溫度,只講依一方面既調節技巧都可以睇得出師傅既能力係幾好。味道方面,更加係無得彈,首先龍蝦依個食材既肉質同口感由於係低溫下完全保留住,調味亦都近乎完美。最令我喜出望外既係海葡萄,餐廳用左兩種不同既海葡萄去做依個料理,海葡萄係一種超級食物,但怕冷又怕熱超難處理,不過正正就係前面提到過餐廳係溫度方面既處理,完美發揮左海葡萄依一個食材,超清爽,兩種海葡萄既口感又有少少分別,混合一齊更加係超出我意料既好味,餐廳另外再加上芝麻醬,令到層次更上一層樓,實在係精彩。本身點餐既時候,我以為龍蝦肉係主角,但其實海葡萄先係依個菜既靈魂,非常精彩既一道菜,5星推薦。

第二個上菜既係芝士涷肉沙津,餐廳本身已經將芝士同涷肉切粒放入玻璃入面,上菜既時候師傅會係你面前將玻璃打開,將食材放入準備好既沙律低入面,又係一道大飽眼福既菜色。份量方面,唔好睇menu好似得一個玻璃杯,細細份咁,其實成道菜係玻璃杯入面既都係肉同芝士,超級大份,仲要有一份沙律低,同行朋人同我睇到都嚇一嚇,又大份又好睇,重點係又好味,點解可以有咁完美既菜。味道方面,芝士粒同肉粒既口感都係一流,芝士唔會太租,反而係好重芝士味,肉粒既肉味好出色,唔好以為我講既廢話,因為食材有本身濃郁既味道證明左餐廳同既都係新鮮同高級既食材,加上沙律低既新鮮菜及沙律汁,完美配合,真正表現左完美兩個字既一道菜,又係5星推廣!不過美中不足既係餐廳動作太快啦,我影唔切佢開玻璃倒野出黎既一刻,可惜可惜。

第三個上場既係德國腸拼盤,拼盤上面有5種唔同特色既香腸,每一款都係唔同口味,有長有短岩晒唔同人既口味。係依到我想講下我食依個菜既時候一個經歷,就係有一條係芝士腸黎,亦都係我最鍾意果條,我第一啖咬落去,啲芝直噴晒出黎,流晒心超邪惡,仲唔小心噴左出走廊,真係有少少對唔住清潔姐姐。如果係愛食德國腸既人,我大力推薦依道菜,餐廳即叫即整熱辣辣,又多汁好味,講係我食過最好味既德國腸都唔過份,大大大力推薦。

最後係, 竹炭天婦羅蝦卷,做成壽司既天婦羅蝦卷加上明太子醬,又係一道賣相超好既菜式。影相打卡之選。天婦羅應該係即叩即炸,超脆,食落好爽口,壽司既飯用左燸米,比一舨既壽司更飽肚,紫菜方面,唔係平時食到既紫菜,唔脆但係紫菜味濃,脆既部份由天婦羅補充返,整體黎講配合得非常之好,壽司上面既明太子醬亦起左錦上添花既作用。不過不幸地,由於餐廳既食物真係太大份啦,我同一位同行友人去到依一刻已經完全食唔晒了,所以打包左,但最神奇既地方係打包後脆度依舊,實在係太滿足啦。

有時真係拗爆頭唔知食乜好，好食嘅又貴，太平唔好食又係嘥quota，完全冇靈感啊🤪好彩今次撞正一間餐廳，食燒味都出名價格合理👍嘢食都出乎意料地好食😝 #桃源記 💛燒鵝叉燒飯$58（評分：7.9/10） $58包埋嘢飲，性價比都幾高，最重要佢個叉燒成6-7舊咁多，燒鵝都成五舊，加上飯量又係好足😱連我呢個大胃王都嗌飽😹 份量多不在話下，叉燒蜜汁香濃，肥瘦得宜，（形容到成個美人咁樣🤩），好啱我食呀！燒鵝比叉燒更加出色，個皮雖然冇攞去炸😂😂😂但都十分之香脆，鵝味十足😎 至於跟餐嘅杏仁霜就十分之麻麻，我會比大約5分，因為飲落去真係冇杏仁香味同埋溝咗好多水，但整體都算係滿足嘅一餐😚 店名：桃源記 地址📍：長沙灣長發街10-10B號長發大廈地下F號舖

位於長沙灣的桃源記 吾通好似世外桃源咁？ 原來最出名係燒味啊！在店自設燒味工場，每日新鮮出爐！不過餐廳吾只係賣燒味架！ 今次就試左佢嘅特色小炒，好有煮家飯的感覺，最重要分量好夠。☺因應疫情措施，現家外賣仲有優惠添啊 不過美中不足係個湯偏味精味。 #桃源記#foodie #到處食😋 #平民價

甚少踏足深水埗，總覺得這裏是人多擠擁的地方。今天有事過來一趟,又下着大雨, 誤打誤撞來了這個桃源之地。 午餐時間，肌腸漉漉 看見這裏主打牛牛，不想踞扒便點了一客漢堡及earl grey tea ✨和牛漢堡配薯條 外型不大也不小，和漢堡的份量相稱 內裏夾着生菜芝士及新鮮蕃茄 漢堡也有一吋厚 十分足料 每一口都嘗到烘得香口的包及爆汁的牛堡 包裏更有松露沙律醬 令其更香口 每一口一點也不乾也不油膩 注意哦 吃爆汗的burger 是顧不着儀態的 但絕對值得 好吃得要損手指 ✨Earl grey tea 本以為平平無奇的tea bag 店員也細心的用上tea pot 看見你快喝完了 也會殷勤的添上熱水 在這裏感受到他們對顧客的用心 一頓高質的飯，實為這陰沉的天氣添上陽光☀️

食飯盒的日子，開始留意附近有無平靚正茶記 見到桃源記 乾淨坐得好舒服，價錢都是街坊價，within $50有找！ 蘿白牛腩飯 $48，好好食，份量又多，煮得好入味，正。 在深水埗長沙灣，用這個價錢吃到一個午餐真的很經濟實惠，最難得的是地方乾淨，好舒服。我今次吃的是A B C D餐以外的午餐 - 雞翼煎雙蛋，質素非常高，蛋好流心，雞翼肥英，是香港人喜愛的高質頹飯！

餐廳：桃源記 (長沙灣) 地址：長沙灣長發街10-10B號長發大廈地下F號舖 每日一杯咖啡成為咗我嘅日常習慣☕️，除咗去coffee shop/cafe飲咖啡之外，我都幾鍾意去茶餐廳飲港式咖啡🇭🇰 行經長沙灣果頭，見到呢間桃源記有下午茶餐，就入去嘆返個tea😎，下午茶餐最貴都係$39，仲有平價粉炒麵飯食，都係$38咋！而我黎食下午茶嘅目的係為咗杯咖啡😂 叉燒切雞瀨粉 $36 好耐無食瀨粉，叫咗個雙拼燒味瀨粉，份量都算okay，每樣有6-7件👍🏼，仲有幾條菜芯添，識食嘅一定係將薑蔥撈埋入去碗粉一齊食🤤，嘆埋杯咖啡，有個幸福下午有幾難😆

近排天氣太悶熱，整個人都厭厭的，最佳活動之一便是和老婆大人吃個美美的下午茶；嘆住享受玻璃窗外的陽光。

並不是銅鑼灣、金鐘、尖沙咀等下午茶熱點，而是離觀塘地鐵站僅數分鐘路程、位於一商廈內的小桃源。

進門後，視線便被這白與黑的水吧所吸引，説是白與黑；其實以黑為主，是暗示着人心都是偏向曳曳居多嗎？下午茶以外，晚上來喝上一兩杯也不錯呀！

店內的擺位毫不擠迫，枱與枱的空間均相當足夠，卡位亦可容納六至八人共用。

露台相當寬敞，最啱經常喜歡「深呼吸」的人士，秋冬更是BBQ樂園。

另設多款遊戲設施：飛鏢機、夾公仔機、桌上足球機，邊吃邊玩，各有喜好，皆大歡喜。

安坐不久，便見侍應奉上色彩繽紛的「鳥籠」，三層各擺放不同的美食組件，共20件的美點分為4款鹹點及6款甜點；另配2杯自選飲品 (Cocktail 或Mocktail)，兩位盛惠$268，此「情」此「景」相信並不易求吧？

四款鹹點分別為蝶豆花薄荷雞絲米紙卷 、蝶豆花帶子壽司、藍莓蘑菇羅蘭士撻及蝶豆花粉絲蟹肉杯；而其中的粉絲蟹肉杯及 蘑菇羅蘭士撻就最得我倆心，前者帶有泰式微辣的風情，開胃清新，後者帶有濃郁的蘑菇香；配香脆的牛油撻底，真係無得輸。

六款甜點，有藍藻忌廉芝士麵包片配無花果、藍莓英式烤餅、雲呢拿黑莓蛋糕、蝶豆花及士多啤梨慕斯迷你雲朵、紅桑子杏仁撻 及白朱古力野生啤梨芝士布甸；其中香滑的忌廉芝士麵包、美味的黑莓蛋糕及夢幻的迷你雲朵最令人回味再三！

兩款特色飲品分別是Herb - jito 及 Fibre - jito。

Herb - jito ( Cocktail ) 左～
香茅、冧酒、青檸、薄荷葉、薑汁氣水和蝶豆花的組合，酒味不濃，非常清新怡人，在薄荷、香茅的帶動下；更顯涼快解渴！

Fibre - jito ( Mocktail ) 右～
奇異果、紅莓汁、薄荷葉、蝶豆花及梳打的組合，淡淡的紫藍色十分迷人，酸酸甜甜的很是醒胃；深得老婆大人喜愛。

這個「藍色夢幻下午茶」供應期由即日起至2020年7月31日 (3:00 pm - 5:00 pm)，正是大熱暑天的一大消閑、吃喝、打卡好去處！

Angel & Devil
地址: 觀塘駿業街58號4樓
電話: 31033808

舊時成日食呢間餐廳，今日難得去咗附近，之後就去桃源島食，但點知今次黎又係無炸芋丸食🤦🏻‍♀️上次黎又話無，其實係咪無咗呢種小食？又再一次失望。之後叫咗肉操豆腐飯同糖醋排骨飯😋但愈食愈熱，因為無咩冷氣，食到好熱💦所以一食完就想走。

一連四日的五一黃金週，當然要響應呼籲；繼續大大力懲罰黃店啦，是日目標係曾光顧過的、一間遠離塵囂的咖啡店，亦順便當郊遊吧。 這兒的蛋糕相當有水準，有味道、有構圖；老闆娘Helen確是心靈手巧。 焗烤甜橙蜜柑合桃蛋糕～ 整件蛋糕完完全全充斥橙與蜜柑的甜香；果肉細嫩多汁、甜中帶微酸，濃濃的生果香味，美味真是得來不易。 士多啤梨忌廉蛋糕～ 一絲絲的果肉與香滑的忌廉，混合一起後口感更佳， 只吃一件實在有點不夠。 Nekisee 咖啡～帶有陣陣桃子、藍梅果醬、水果、奶油 及 牛奶巧克力香味，酸度不高，餘韻悠長。 Yipgachefe～帶有野薑花、佛手柑、檸檬酸 及白桃滋味，優雅的酸值，保留耶加雪菲獨有的韻味。 更可賣些「掛耳包」回家慢慢享用，記得要預早預訂呀！ 家．啡 地址: 大埔汀角路蘆慈田村24號地下 電話: 23300233

有日無辜辜無聊聊走到長沙灣食個下午茶！ 見到間桃源記 ！入去食番個下午茶先！ 嗌咗個叉燒油雞瀨！！ 等咗好耐終於嚟啦 見到碗嘢 好有驚喜呀！ 五嚿叉燒、 四嚿小油雞！ 瀨粉一大啖！ 冇睇錯 係一大啖咁多！！ 要食就快啲啦！ 一口燒味瀨快啲食啦！！！ 只此一家 絕無其他！！ 一啖足以食飽你正呀！ 店員竟然話 下午茶就是這樣的，要食就食正價啦！

在烽煙四起，病毒瀰漫的一個黃昏，我和朋友走進荃灣的校長燒肉。然而個多月已沒有外出用膳的我，來到門口，口水已經急不及待失控地外流。坐下來，發現地方相當寬敞，再加上人流不多，在鬧市中實在難得。剛坐下，我便有一股衝動想立即走出去拿食物，但朋友說：「不急，有兩小時呀！」 有甚麼可食呢？豬，牛，雞，魚，肉 丸等一應俱全，真令我食慾大振。於是各樣取了一些，回到位子上，原來爐已開了，上面還放了油紙，不怕黐底呀！一面煎，一面聊，一面吃，時間真如箭般飛逝，加上酒水任飲，已經飲飽食醉了！但是，還有.......當然是最後的----雪糕，一大球的加上脆皮，在已經沒有空位的肚子還真能夠擠出一點空間來。多暢快的晚上，多久沒有的飽足，真是樂以忘憂呢！

聽講呢間「Daily 13」有超抵食甜品放題 就係呢一點，就有足夠理由拉埋肥🐽一起去🙆‍♀️ . 環境滿意度：🤩🤩🤩🤩 餐廳位於荃灣嘅一間工廈 以為夠隱蔽冇咩人去🙈 點知8點幾到達，全場幾乎都仲坐滿哂人 大門前有個巨型綠草牆 周圍仲放置左各款盆栽 配上純白色既色調，散發出悠閒嘅氣息 門口位亦放左酒精搓手液同消毒水 係今時今日黎講，呢點好加分呀😍 . 餐牌滿意度：🤩🤩🤩 以西式為主，意式粉面飯同小食各有十款 扒類有三款，飲品方面，款式反而更多呢🙈 . 🔸西西式櫻花蝦辣蕃茄汁大蝦意大利粉 $128 味道滿意度：🤩🤩🤩🤩 每條意粉都沾到蕃茄醬，吾會覺得醬汁吾夠 意粉煮得恰到好處，口感彈牙 大蝦嘅處理手法值得一讚👍 將蝦殼剝再開邊炒，蝦肉更易入味 咬落非常爽口又好Juicy💕 . 🔸蒜香辣椒煙肉鴨胸肉意大利粉 $118 味道滿意度：🤩🤩🤩🤩 呢款意粉味道比較惹味😋 加左蒜粒同辣椒去炒 意粉吸哂蒜香味，食落辣中帶酸，香口又開胃 當然，仲有吾少煙肉，鴨胸肉同燈籠椒做配菜 口感豐富🥳 . 🔸焦糖拿鐵 $18 青蘋果紅茶 $14 味道滿意度：🤩🤩🤩🤩 跟餐價，飲品半價👍 拿鐵嘅焦糖味突出，入口香滑 青蘋果紅茶有驚喜🙆‍♀️ 茶香味濃，竟然仲有多種水果係入面呢💕 有雪梨，香橙，蒟蒻等，口感豐富 . 🔸甜品放題 $38 味道滿意度：🤩🤩🤩🤩🤩 放題有十款甜品！ 有泡芙，雪糕，窩夫，慕斯，芝士蛋糕等 求其食兩款都已經回哂本啦🙈 我最like法式栗子蒙布朗🙆‍♀️ 表面嘅栗子蓉超多呀！ 肥🐽最like日式軟滑芝士蛋糕 果種滿嘴都係濃郁著芝士鹹香 綿密濕潤嘅感覺，超正😋

多番提及，大埔最出名那家蛋撻店，基本上只有蛋撻吸引，服務惡劣，但其實蛋撻也不算非常過癮，因為如果到其他麵包店，出爐蛋撻其實也不會比它特別遜色。 因此就發現在大埔中心另一間桃源麵包店，麵粉又相當之香濃，後來再毅然到大埔墟這間三哥看一看，看到沒有什麼食評，但裏面好像挺懷舊，應該都有一段歷史。 碰巧有次看見有兩款芝士火腿，一款就是鋪在面頭，令一款就是蘊含在麵包內裏的，我就買兩個，一樣試半個。 鋪在面頭的，火腿芝士當然就盡在面頭，但麵粉相當香濃，味道帶點兒麥香，是近年很少在其他麵包店可以嚐到的。 當然，最出色的也是芝士和火腿都埋藏在麵包內裏那一款，翻熱之後，芝士半融的狀態，融入麵包當中，有加點火腿，味道相當可口。 令一次就是沙律香腸以及美式熱狗包，同樣亦都是兩款不同的香腸，沙律香腸，有點兒沙律醬在內，香腸味鹹，味道也不錯。 反而令一款美式熱狗包，就好像韓式那些日本，有條香腸在中間，外圍包着麵包，然後拿去炸，雖然有輕微帶油，但麵包的麵粉確實是香氣四溢，難以忘懷。 這兒也有肉鬆包，肉鬆不多，也舖面頭，奶油帶甜，但份量略嫌偏少，較其他包類遜色

由於正值香港運動影響，發現所有食肆人數非常少，今日去到桃源只有十張枱唔夠開了，而有一半唔開。 這間酒樓食品質素亦保持得非常好，片皮鴨很優惠，湯好好味，义燒就一般，可惜忘記影相。Anyway, 感謝店員誠意推介👍