今日遇到一件令人十分氣憤的事！
事源晚上七時，一家人(三人)到藍田啟田商場"君x食軒"晚膳。
我們先點了一個二人套餐，兩餸一湯，兩碗白飯，再加錢要了一客豆沙鍋餅。
食至中途，又加了一個雲吞拉麵。
雲吞麵來的時候，套餐的食物已經食得七七八八，但還是有一個小菜未上！
我們多次招喚waiter，"可能"是太忙，都未有理會。
終於，有waiter理會我們了，但他很明顯是以敷衍的態度：
「應該就o黎ga la，我幫你追追。」
但又走到別處。

幾分鐘後，我們又追另一個waitress，佢居然黑晒口面：「哦~好~」
之後我們再叫任何人，都無人理我們！

我們就問收銀(我們坐收銀隔離)，究竟有無落漏單，佢check完話有落。
細佬就自己走入廚房，同出菜o個個員工講，佢回應會幫忙同廚房講。

在我們食完所有食物，飲完壺水(茶都無！)又無人加的三十分鐘後，終於忍無可忍，要求cancel單，才有waiter認真查。
(同時後面那一枱，一同投訴，食物久久未到，他們已經食完一個餐！
斜對面一樣有相同投訴！)
原來廚房根本無這款小菜！Waitress 叫我們轉第二款，我們當然不肯！！已經呆等三十分鐘了！
我們堅持cancel單，擾攘十分鐘後，佢居然話當我們的套餐單點，收散叫的價錢。(加起來跟套餐價錢差不多)
我們十分氣憤：

1. 無這個餸，應一早跟客人說明。
2. 服務態度差，一點歉意，一聲抱歉都沒有。由始至終，都是以不耐煩的態度對待。
3. 要求不合理；我們點的是套餐，無菜出，要客人白等，是餐廳的問題，客人無要求賠償已是萬幸，有什麼理由要客人買貴單(單點比套餐貴很多，好不好！)
經一番理輪、爭取，才以套餐價錢減單點一個菜的價錢買單離開。

學生時代起，由"小南灣"到"君x食軒"，光顧了十多年，從食物的質素種類，衛生環境到服務水平，只有一次比一次失望！！
食物:
宋嫂魚x - 幾ok
豆沙鍋餅 - 一邊有一層皮，一邊有三層
雲吞拉麵 - 及格
南京燒牛肉 - 無味，部分牛肉過老！咬唔開！
白飯 - 凍o既
蒜泥雲白肉 - 失咗蹤

未曾黎過啟田商場, 今日係約左 peter 仔俾書我先至第一次踏足。由地鐵上一路見好多店舖好多人好熱。

攞完書一齊去食lunch, 本來佢提議去 3盞燈, 但去到門口見隔離好好粥麵門口大牌寫明爐燒味, 個樣好似幾正, 改變主意去好好食。
雖然已經差唔多2點, 但店內居然幾滿人, 遠遠望見入面燒味檔幾吸引，以前食過佢地嘅雲吞麵, 估唔到而家出埋燒味 !

叫左 叉燒飯 $23 連飲品 , 幾 juicy 兼好腍, 份量都頗足夠，peter 要左四寶飯 , 居然成碟食晒，佢話比美心好食, 見隔離都幾多人食燒味, 應該真係唔錯。

埋單合共$51有飯有野飲, 算幾抵食，唯一不滿係座位幾迫。
但估唔到好好做燒味都有驚喜, 第日又多一個地方食野！

今晚帶埋老婆仔同屋企人一齊黎食PIZZA HUT
我地係HAPPY FRIDAY黎食
由於妹妹要買電話 所以我地過黎拎飛仔先 要排20張台
之後就去買 呢部試下果部試下 足足加埋成粒鐘先買到
買完之後返過黎繼續等啦 點知仲有成10張台先到
不過我地都等啦 等多差唔多成半個鐘先有位
每次食呢間PIZZA HUT都食得幾GUR下
因為 呢度D服務算係唔錯 食物又快
咁又令我想起 之前母親節去左藍田啟田商場果間PIZZA HUT囉
旺角呢度每日都應付咁多客 但佢地既食物速度快 員工又足夠有禮貌
係值得一讚 之前藍田果次 員工雖多 但服務一般
廚房又應付唔到堂內食客需求 我地叫左個PIZZA都要等成個幾鐘
又有點冷待堂食客人 較為專注外賣客 有點過份
而這間旺角PIZZA HUT一直係我首選
旺角的兩間PIZZA HUT這裡無論食物水準 服務都係一流
好比朗豪坊對面果間 即使果邊唔洗等位排隊
但食過一次都怕怕 更莫講話 藍田果間
PIZZA HUT一間咁大集團 唔知點解個MANGEMENT咁唔統一

講返今餐我地五個人叫左呢幾樣野
三文魚蜆肉螺絲粉 - 偏咸 較濃味
肉醬千層闊麵 - 水準之作 每次必叫
煙三文魚班戟 - 會員卡優惠 有四件 我無吃 但家人說幾好吃
大千島海鮮芝脆批 - 料很足 汁很好 皆因千島汁是我最愛
五個人食呢幾樣野都幾飽下
唔錯 食PIZZA HUT 呢間分店真係不二之選

昨天中午剛好改掛3號風球, 屋企無飯開, 於是落街到附近啟田商場二樓既美心快餐開飯。
我要了燒雞脾鮮茄炒蛋飯 + 一杯凍奶茶, 30幾蚊(好似係37蚊, 我用八達通俾既) 隻燒雞脾面有一"浸"芝士響面, 食落都ok, 碟飯既問題在於鮮茄度, 係就係鮮茄, 弊在係鮮茄撈枝裝茄汁, 而唔係新鮮茄汁! 枝裝茄汁甜味甜到漏, 完全蓋過鮮茄的味道! 真係幾失望!

另外要提既係杯凍奶茶, 一直以黎我都有幫襯開呢間美心, 幾乎次次杯飲品既杯面, 有一半面都有飲料倒漏落黎既痕跡! 賣相真係有點核突囉! 雖然呢間只係一間快餐店, 可能會話唔駛要求咁高呀嘛, 但係我都希望佢做到每一樣都可以保持一定的質素, 唔單只係食物, 食具,同環境清潔方面要好, 食物,飲品既賣相都應該注重一下!

尋日8月16日同我個friend 去左貴
公司旺角花園街3-5號鴻威大廈1樓B面舖既分台, 發覺貴公司既服務水準好有問題,去到果時2:00左右,見到餐牌有午市,點知叫果陣先知係下午tea
time,唔記得換餐牌本來唔緊要,唔係今次投訴既main point
廚房出野食竟然可以快過杯野飲lor,叫左兩杯凍檸茶,可以食完曬成個tea都仲未來,吹左3-4次,應就應左我地,不過冇去拎,從我地既位置可以見到bar
台好多野飲放係度,但係冇員工去拎,但係員工唔係忙架wow,係度傾下計,笑下,仲有我地見度係好多時係個bar
果個拎埋d野飲出去,點解其他staff
行來行去傾計都唔幫手呢,仲要點解要等埋成個tray滿曬野飲先拎出去呢,行多幾轉都唔會好煩je,反而仲冇咁亂添,唔只我果張table,好多張table
都等左d野飲好耐,第一次吹果時個staff話咖啡機壞左,咁壞左係唔係應該一早講,而唔係人地問先講呢,應承左幫客跟跟,不過就冇去做,吹左幾次,其中包括黑衫,吹多兩吹仲要黑埋面比人睇添,埋單果時又係慢.收銀可以冇人,但係d staff又係冇乜野做
投訴完,觀塘康寧道11號冠天閣高層地下lee間比較dirty
只有觀塘啟田村啟田商場303號舖lee間貴公司既分店仲可以比到信心我同我d
朋友
我試過send email比椰林,不過佢地reject左我email lor