如果你食厭了元氣壽司和壽司郎，又想平平哋食下壽司，相信依間位於新蒲崗嘅壽司店幫到你。 小店內大概有10來個位置，魚生款式頗多；茶水選用蜜桃茶作招呼。玉子燒驚為天人，必點！wasabi 也是用即磨山葵，以價格來說算是十分有心。熱食炸餃子即叫即做，外脆內多汁。惟一要挑剔的是丼飯太多，魚生料則比較少，若兩者能取得平衡更好。 🔸豪華海鮮丼 🔸甜蝦壽司（1pc) 🔸海膽壽司（1pc) 🔸玉子燒（1pc) 🔸北寄貝壽司（2pc) 🔸三文魚腩壽司（1pc) 🔸油甘魚壽司（2pcs) 🔸八爪魚刺身（2份） 🔸北寄貝刺身（2份） 🔸炸餃子

突然好想食壽司，唸起屋企附近有間元氣壽司，所以就行落街食了🍣 🩵壽司：極上吞拿魚（本鮪大拖羅/吞拿魚/長鰭吞拿魚）$36 🩵壽司：炙燒牛油赤海蝦$28 🩵壽司：紅白富士山吞拿魚$20 🩵壽司：海膽黃金燒巨大M size珍寶帆立貝$50 🩵壽司：炙燒大切三文魚腩$26 🩵小食：炸雞翼$27 🩵小食：明太子厚燒玉子$15 🩵主食：牛肉烏冬$36

一家大細最啱去食元氣，但係馬鞍山呢間星期六日下午時間去要等位等勁耐，起碼一個鐘。 發現而家元氣壽司嘅選擇越來越少，之前有好多卷物，而家都冇咗。餐單好似只有三文魚同吞拿魚，所以都冇食太多，陪小朋友叫咗角落生物限定壽司試就算

近這半年因想嘗試減食澱粉質，我和老公也少了去食壽司，但最近去完位於V Walk 嘅壽司廊後，好想再尋找返「元氣壽司」的味道，所以就和老公再去我哋喜愛的青衣城「元氣壽司」食番餐! 這間壽司店長期都有很多捧場客，適逢今天是星期五晚，我們大概晚上6時許到達， 由於時間尚早，我們等了大概十分鐘就有枱，好快有位呀! 由於都有一段時間冇幫襯， 入到店內，見到佢哋轉咗內部裝修，店鋪變得colorful咗，卡通化咗! 入座後，我們急不及待掃QR code點食物， 見到佢地個menu好開心，因為實在有好多選擇，而且在不同時令就有不同季節限定，好吸引呀! 問心而論，小妹真心覺得「元氣壽司」好食啲! 不論魚生質素、食材新鮮程度、款式選擇，都是非常有水準! 特別是凡立貝、酥炸生蠔、燒鰻魚、油甘魚、吞拿魚、牡丹蝦、燒牛肉、飛魚籽、軟殼蟹、蟹膏蟹肉等等。。。好好味呀! 不過，其中有一款新出的玉子燒蟹柳壽司就一般般喇，玉子燒和蟹柳硬軍軍，好似整左好耐咁，令我哋有啲失望囉! 但整體來說，元氣啲壽司係好味和新鮮的! 到今天仍有咁多fans支持，的確係有「元氣壽司」的成功原因! 食完今餐後，小妹會儲下quota先，好快再嚟食過!!

連續寫咗兩篇關於V Walk食肆嘅食評，今日想講講位於V Walk 新開的「壽司郎」。 這間壽司郎位於V Walk 2樓盡頭，正正與「元氣」壽司舖位相反方向 (一個向左走一個右走)，各有各的擁躉捧場客，唔洗爭! 由於老公從未光顧過「壽司郎」， 我地去完V Walk 嘉禾戲院睇完12怪盜後，已經是晚上7時多，跟著就行去「壽司郎」看看兼取票! 可能正值晚飯時間，壽司郎門口人山人海，我們要等126張枱呀! 等了差不多1小時，终於輪到我們! 我們先看tablet 個 Digital Menu， 種類比起「元氣」較為少，但價錢相對比較平民化，比「元氣」平一點! 我們一口氣點了14碟壽司，可能多人食的關係，魚生壽司流量快，所以魚生質素望落很新鮮、又有光澤，特別是油甘魚、吞拿魚、帶子、海蝦、三文魚、飛魚籽等，非常好味～Oishii desu! 至於熟食和其他壽司，小妹覺得軟殼蟹壽司不錯；但其餘的就一般啦，如鰻魚、牛肉、玉子蛋、鯖魚、蟹柳蟹膏等就普普通通，小妹覺得這些款式在「元氣」質素較為好味點! 甜品方面，我們點了一個朱古力心太軟，味道尚可，不過不失! 縱觀而言， 「壽司郎」是比較大眾化而且性價比高，送遞壽司服務也很快，員工服務也很好! 有良性競爭是健康的，正所謂知己知彼百戰百勝! 加油加油啦!

今次去咗‘元朗YOHO MALL元氣壽司分店’食午餐，我用咗唔同嘅角度去分析一下今次嘅餐飲體驗。 份量：叫咗四款嘢其實都好夠飽 。 味道：蔥香油甘魚蔥油味調得好好，另外魚冇腥味。蟹雙式壽司係期間限定我覺得味道正常。元氣卷嘅三文魚有少少腥味，唯有食返啲黃薑辟味。大阪章魚燒係我在元氣壽司的至愛之一雖然價錢略貴但好好食。 新鮮度：除咗三文魚有啲腥其實OK嘅。 餐飲：無限抹茶粉加熱水供應 上餐速度：相當迅速 店員態度：良好 店內環境：當我打開黃姜盒嘅時候發現有大量紙巾在內，令我驚訝立即叫職員更換，他亦表示憤怒。 交通地理：在YOHO MALL 十分方便 付款方法：銀聯卡 人均消費：10%服務費後$108.9 Wifi：有Wi-Fi Password提供，可免費上網。

因為要換購日本設計師限量嘅元氣碟子， 所以星期一就去到新都會廣場嘅元氣壽司分店， 佢嘅新幹線列車係分開兩卡有四格，比起平常見到嘅一卡有四格嘅設計，有少少唔同，幾有趣。 仲有個有趣位係，新幹線列車，去到轉彎位 會減速，並且轉彎，唔會飛啲食物出嚟嘅，好安全，幾得意。 食物方面就正常，一如以往，最推介一定係帆立貝，牛油果軟殼蟹，牛油赤海蝦，開心果蛋糕，仲有巨峰梳打 那天係星期一放工嘅夜晚，非常少人，放工去到就可以直入，座位非常多 成功換購限量版，日本畫家設計嘅碟子一個

今日去v walk行街買嘢, 行到攰又肚餓想食壽， 見到元氣壽司即刻行咗入去， 咁啱係午後之選時段， 揀咗一個極上壽司定食， 定食有好多款壽司， 油甘魚壽司， 炸海老壽司， 北奇貝壽司， 壽司食材新鮮， 壽司飯軟硬適中。 跟定食仲有三文魚刺身三件， 刺身非常新鮮仲有魚油味， 仲有燒章魚丸， 加上紫菜同埋呢個醬燒汁， 熱辣辣非常惹味， 同埋我最鍾意食嘅日本蒸蛋， 蒸蛋材料豐富， 有帶子鮮蝦同埋魚片， 食落非常軟滑， 蛋味香濃熱辣辣， 令人食落去非常回味.

我幾鐘意食開心果蛋糕🍰，發現元氣壽司出左“期間限定”，就約埋婆婆一齊食晏就。


松葉蟹龍蝦濃湯拌烏冬🍜
檸茶食到舐舐脷😋，烏冬軟滑彈牙配上濃郁嘅龍蝦🦞濃湯及鮮甜味美嘅松葉蟹，🦀將烏冬撈埋一齊食， 每一啖都滿載鮮味。




濃厚生朱古力 – 開心果味🍰
如果鐘意食開心果一定要試，一入口充斥住滿滿既開心果味，真係好好味😍，美中不足係有啲細過，不夠過癮。




檸茶勁古惑😜，啲壽司食晒啲餸，靜返啲飯比我，仲要係到偷笑😝。







📌元気寿司

📍荃灣青山公路 - 荃灣段398號愉景新城1樓1027號舖

星期日下午來到圍方元氣壽司，二人入座不用等位。 元氣推出$10兩件壽司優惠，共有二款壽司可選，玉米蟹柳福袋（原價$17）和柚子胡椒鰈魚（原價$16），我們也享用了。 食物方面： 玉米蟹柳福袋十分足料，福袋設計也很精美，不錯，柚子胡椒鰈魚沒有魚腥味，價錢十分便宜。另外點了幾款三文魚產品也是不錯吃。 最後二人一共$152 ,十分便宜。

大切生三文魚同埋北海道三文魚籽軍艦都係$17，三文魚有兩件，三文魚籽軍艦就一件，全部都好香好好味，魚味十足，三文魚都夠肥美，三文魚子好新鮮，夠晒鮮味！😗😗 北海道大生帆立貝同海膽軍艦就都係$22，帆立貝真係好大粒好厚身，好鮮甜，肉質鮮嫩，海膽軍艦亦都係充滿海膽嘅咸香，加埋有啲魷魚，味道口感都好好😚😚 估唔到吞拿魚三味都係$17，三件嘅吞拿魚分別係赤身，拖羅同埋吞拿魚蓉，每一件都有唔同嘅口感，赤身有啲嚼勁，有少少筋，但係魚味好香，拖羅就入口即溶，超級肥美，吞拿魚蓉亦都係好軟綿，魚味滿滿😙😙 而香辣京蔥絲長鰭吞拿魚都只係$12，長鰭吞拿魚又係夠晒肥美，夠晒鮮味，肉身好軟綿，加上京蔥絲，辣辣地更加鮮味😘😘
最後炙燒鹽味檸檬WAGYU烤牛肉又係驚豔，牛肉好厚身，燒到外邊有啲脆，入邊好軟腍，牛味香濃，酸酸地鹹鹹地，味道特別🥳🥳

沙田又重開元氣壽司店，為於新城市廣場內裡，人流集中地今次裝修後有很多卡坐位同做了高速線火車🚄送遞，可以保持壽司新鮮度由食客自行用二維碼點餐，真的方便快捷同時小朋友見到火車🚄行來行去，都會坐定定望實駕列車🚄。 今次特別來吃其中一個原因就是這裡推出左—— 巨大M Size 珍寶帆立貝，俾平時帆立貝壽司增量60%🍣，超大件肥美的珍寶帆立貝壽司真的超級厚，一件切開一半放在壽司面上，可以張整件壽司完全遮蓋住，超吸睛打卡一流，味道方面毋庸置疑超新鮮超甜美味，嫩嫩的吃一件真的不夠喉。 吉列蠔伴龍蝦濃湯醬🦪，這款配搭很新穎吉列蠔加入龍蝦濃湯醬汁一起吃，口感幾特別夠鬆脆。 炙燒脆蒜赤海蝦🍤，原隻赤海蝦很鮮甜超爽好彈牙，再配埋脆蒜味道幾夾。 油甘魚天🐟，雪白魚身很爽甜又新鮮，平時比較少吃。 日式海鮮茶碗蒸🥚，這款是長青食品每次來這裡也要點這個日式海鮮茶碗蒸🥚，蛋很鮮甜嫩滑，還有日本魚蛋、蟹柳、蝦仁和雞肉等。 其他還有吃～～～炙燒味噌左口魚裙邊，珍寶虎蝦， 大切親子三文魚，牛油味噌燒大切三文魚，油甘魚腩，吞拿魚，酥脆魷魚鬚和脆蒜炙燒日本鯛魚。

我同個仔都係超級飯桶。 醒你地個隱藏menu每次去元氣壽司都同個仔一人啪一兜壽司飯！真係好好味，飯粒分明，好似雲朵咁輕柔但又有種煙韌既口感，日本米真係無得頂，加上調味得剛剛好既壽司醋，我空口食兩碗easy job! 炙燒蝦又係必食，熟蝦同輕輕燒過既mayonnaise加上黑胡椒粒，簡單的美味。 赤海蝦比甜蝦更好食，係爽口的質感，唔似甜蝦一咬成pat漿。之前佢有加過其他醬喺面，不過始終係牛油赤海蝦世一！ 午市套餐既刺身飯就一般，不過比起散叫平好多，略嫌三文魚腩太腥，玉子燒太乾，因為d飯先叫 唔知食乜嗰時多數都會食元氣下午茶時段真係好抵！

前些時日,與朋友去青衣城逛街,順道去「元氣壽司」吃午餐。壽司店裡店面不大,座位不算多,整體環境極簡風格,給人很悠閒的感覺。 我們首先點了一份炸蠔壽司,中落蠔肉鮮嫩多汁,外悉炸得金黃酥脆,吃起來滋味無比。另外一道章魚燒也令人驚喜,章魚粒粒每一口都帶著香甜的口感。除此之外,店家還提供很多精緻小玩意,像是章魚仔、蛋壽司、雞翼等,口感都恰到好處,尤其是蛋壽司鮮嫩順口,簡直讓人吃不夠。最後,一包小份的支豆也能夠打發,而且價格公道。每一道都很滿意。以後再去青衣,「元氣壽司」也是必定光臨的地點。

觀塘教會崇拜🤩後食一汁一菜，之前話冇BB櫈同埋冇位所以冇食。今次剩係帶陳皮妹出街，所以一家三口試下。入到去最後一張四人枱，好彩，QR code落單，叫咗和風定食（$109），升呢法式龍蝦🦞濃湯🍲（+$10），幾好👍🏻飲，有龍蝦🦞肉，小食揀咗明太子🤴醬厚燒玉子，凍食，味道👅一般，主菜揀咗自家製野菌醬燒和牛漢堡扒，點知個醬係酸，唔🙄啱我，俾錢🤌時反映咗俾收銀聽，收銀問返厨房先知加咗茄汁🥫所以酸😅，飯🍚升呢做北海道蟹膏蟹肉味噌飯（+$20），不過質素似元氣壽司🍣，下次唔會加錢，餐飲揀咗熱日本🇯🇵綠茶🍵，出奇地好飲，好清新，唔係開粉嗰d。另一個餐叫咗咖喱🍛定食，湯🥣揀咗北海道產甜粟🌽雞肉🍗豆乳濃湯🍲，唔錯👍🏻，但冇尋日荃灣洋食屋咁好飲，主菜叫咗豚肉丸子🍡豆乳咖喱🍛飯，咖哩幾好👍🏻食，送飯一流，餐飲凍蜜桃紅茶。甜叫叫咗一汁一菜拉提拉米蘇（$49），唔係好明加「一汁一菜拉」做乜，不過味道都ok，大份。食飽大滿足😌