已經好耐無試過咁夜晚餐 呢晚同朋友睇完戲就過黎打邊爐 宵夜時段9:30後入座 ＄198起可以無限時任飲任食到凌晨兩點 120分鐘，超過100款火鍋配料同飲料無限供應 更可以任食澳洲 M6+和牛、美國PRIME牛下肩，美國安格斯牛三角 餐廳整體感覺光猛乾淨，座位寬敞，坐得舒適 外面有小食自助區、醬料 飲品有冷泡茶、啤酒、汽水、涼茶等 我哋揀選咗最平A餐 醉雞湯底，幾滋補 每枱開始都會有一碟免費刺身 用ipad落單 配料都唔少 海鮮都有蝦、沙白、鯇魚骨腩令、鯇魚片、水魷 、花膠等 蝦肉質爽彈，食落好鮮甜 沙白大粒無沙，味道鮮甜 牛肉口感軟腍，牛味香濃 牛舌薄身但好爽口 仲有好多其他配料，響鈴同炸魚皮好脆口 吸湯一流 甜品有好幾款口味嘅雪糕同供應 實在大滿足

今日想食高質養生火鍋，就喺bookmark list揀左呢間同朋友大擦一餐。 湯底揀左大熱嘅藥膳椰子雞涮涮鍋、麻辣鴨血蜂巢豆腐鍋。前者椰子味很香；後者選了中辣，嗜辣者絕對可以揀大辣，因為食唔到辣嘅我完全可以接受（或者因為我避開晒d索汁嘅食材😅），麻辣火鍋跟牛肉就係絕配，每啖牛肉入口都帶著小辣嘅刺激，又有麻香味。 牛肉雪花紋好靚，肥瘦均勻。安格斯牛肉，肉質嫩滑，夠軟腍。安格斯牛頸脊，肉質爽口，較有牛味。 金沙魚蛋，鹹蛋黃控必點，咬開先發覺係流心鹹蛋黃，蛋黃味濃郁，勁好食。 手工三寶丸，應該係豬肉丸、墨魚丸、牛丸，細細粒，真係全人手打製，食落有口感，肉質厚實，唔會溝好多粉。 墨魚丸同手工黑松露墨魚滑一樣最有咬口，因為真材實料，食到好多墨魚粒。 鹵水豬耳，鹵水夠味，爽口又彈牙。 手工梅菜豬肉丸，梅菜味道都幾濃，不過如果梅菜更甜可能會更好味。 脆骨腩，難得係叫左兩round，共6件，件件都一樣係爽脆、彈牙有嚼勁。 蔬菜種類都幾啱我胃口，有萵苣、淮山、紫蘿蔔，三樣都同樣新鮮，只要淥得火喉啱啱好，每件都咁爽脆清甜。 黃金地瓜條，特別之處在於有不同味粉自製shake shake 條，有得玩、又好味，個人幾推介海苔粉，因為夠惹味。 每次任食都帶有一點遺憾，就係總有吃不完的。菜單上仲有好多嘢想食，三星葱溶岩漿貢丸、芫茜燒賣、墨魚腐皮卷、濃芝豆腐燒、爆醬濃芝牛丸……約定下次再嚟。

味火鍋 @yum_hotpot 高質火鍋店 之前食過尖沙咀分店覺得味道唔錯👍🏻又抵食 而家佢哋旺角都開咗分店即刻約埋朋友來食 一個價錢任飲任食😆最正係有火鍋四部曲 頭盤～前菜、湯底、皇牌拼盤、精選配料 種類選擇繁多～選用新鮮食材👏🏻開心食到飽🤩 頭盤有四川麻辣雞煲、芝士焗波士頓龍蝦🦞、 佛跳牆燉湯、老壇酸菜魚～都可以揀 我就叫咗芝士焗龍蝦😄✌🏻好厚口勁正 湯底都有10款不同湯底可供選擇 我叫左椰子雞湯～勁香椰子味🥥 皇牌拼盤🥩精選美國安格斯牛肉拼盤 手切牛小排、牛肩胛、封門柳、牛板鍵 肉質肥瘦均勻～牛肉味濃 時令海鮮火鍋拼盤 元貝、新鮮龍躉片、新鮮海蝦、蜆 新鮮鮑魚、廣島蠔、日式蟹棒 配埋自家製手打墨魚丸 & 蝦丸 海鮮豐富又新鮮 任食火鍋配料、飲品任叫任食～ 上菜速度快～店員服務有禮 *提提大家一定要訂定位 我今晚來到見全場爆滿～座無虛席～😜 #hkfoodie #hkkol #kolhk #foodie #foodies #foodiegram #hotpot #火鍋 #任食 #放題 #牛 #海鮮 #蝦 #美食 #美食推薦 #美食日記 #美食摄影 #尖沙咀 #尖沙咀美食 #旺角 #旺角美食 #yummy #mongkok #mongkokfood #tst #tstfood #火鍋控

朋友生日，當然要食正啲❤️上網見到「平昌」嘅韓式料理、海鮮、炸物同燒肉嘅款式都好多😍所以就決定揀佢！而且，佢個位置好方便，就喺旺角兆萬中心！ 入到餐廳見到佢啲油罐櫈，加上牆身上面嘅裝飾，真係好有韓國風味😍 佢嘅Menu分別有得揀「set A -大君御膳」、「set B -世子御膳」、「set C-國王禦膳」，我哋糾結咗好耐，最後揀咗「set B -世子御膳」😝因為有醬油蟹任食！ ✨海鮮方面，我最愛係醬油蟹，真係好正宗，勁鮮甜，超正❤️之後唧啲肉落紫菜飯一齊食，真係不得了！一定要食‼️而醬油蝦嗰種啖啖肉，都係必食😍 ✨肉類方面，佢嘅種類真係好多🥰 ✨韓式料理、沙律、炸物，湯方面都好味❤️而且佢每次份量唔會好大，每樣嘢都可以試到👍🏻 好瘋狂‼️佢嘅飲品🥂雪糕🍦、乳酪、甜品係可以任飲任食❤️ 要讚返，店員好貼心，會不停咁幫我哋換烤板👍🏻

超級多可愛喵星人嘅cafe😍店內裝修好靚，地方夠闊落坐得好舒服，最重要有好多空間俾貓貓休息同玩，呢到仲可以加購逗貓棒同罐罐，方便同主子互動🥰好多貓cafe嘅食物都好頹，但呢間全部野食都好高質，貓奴一定要嚟打下卡～ 🌟日式風味蟹柳薄餅 拉絲滿分！係薄底pizza，食落脆口，份量幾大同fd share啱啱好～ 🌟煙三文魚班尼迪酸種包伴黑松露忌廉 黑松露味好香，配班尼迪好夾🥰煙三文魚量好多好足料，薯條仲係熱辣辣兼香脆，食落非常滿足👍🏻 🌟美式車打芝士豬扒伴黑松露燒汁 豬扒厚身又夠霖身，表層芝士香口，配上黑松露燒汁夠晒惹味，值得讚✨ 🌟伯爵茶芝士蛋糕+朱古力布郎尼 兩款甜品甜度都剛好，伯爵茶芝士蛋糕出色，茶味香濃夠清新，蛋糕本身都軟滑，口感同味道都冇得輸；朱古力布郎尼偏苦同硬身，不過襯埋雪糕就係perfect match

香港土地問題，租金問題，如果大家食極都唔走，又真係好難返枱，無得返枱就自然好難做生意！不過，最近發現這間餐廳，唔單止開係旺區（旺角），仲要就算你唔識老闆，都保證你無限時台灣養生火鍋放題！ 環境方面： 餐廳有很多卡位，而位與位之間都很寬敞！尤其是不限時，很適合大家食飽飽坐低慢慢傾下計！ 食物方面： 多款套餐可以選擇：成人套餐最平折扣後$247（原價$308） 每個套餐包湯底，可選擇有19種咁多，當中包括養生涮涮鍋類（藥膳湯底9款）台式麻辣湯底5款！個人推薦（藥膳湯底：藥膳姬松茸雞肉涮涮鍋）喜歡吃辣的朋友（麻辣湯底：麻辣蕃茄牛肉涮涮鍋） 藥膳姬松茸雞肉涮涮鍋 材料包括：當歸，北芪，紅棗，杞子，桂圓，姬松茸，雞肉！這個湯底很甜，就算只是喝，都很養生而不會過補！打邊爐就更加唔會上火！ 麻辣蕃茄牛肉涮涮鍋 這個湯底有別於以往食開的麻辣湯底，不會只得一個辣字，佢有麻辣的同時會帶點甜！感覺很特別！ 前菜無限追加 火鍋未到之前，當然要食一些開胃前菜！當中包括（麻辣手拍青瓜，秘製麻辣木耳）前菜仲可以無限追加 Shake Shake黃金地瓜條 而每一枱都有一份黃金地瓜條，這個黃金地瓜條，即叫即炸，熱辣辣，脆卜卜！配上自家製Shake Shake粉，（甘酶/蕃茄/香辣/海苔）更加惹味！ 而我選擇這個套餐，會有6款牛豬選擇，當中包括： 極上Prime Grade霜降牛小排 極級SRF極黑和牛肩脊肉 極級Prime Crade安格斯牛頸脊 西班牙伊比利亞黑毛豬 極上Prime Grade霜降牛小排 私心推介極上Prime Grade霜降牛小排，極上Prime Grade霜降牛小排，油脂分布均勻，肉質亦很甘甜 除咗肉類，當然會包括其他火鍋配料，當中包括：海鮮，炸物，丸類，蔬菜等無限追加：六十款火鍋配料！ 飲品都超多選擇，除了基本的汽水，罐裝飲品，紙包飲品之外，仲有茶包及熱維他奶！另外，仲有自家製飲品：（包括：自家製桂花烏龍 / 自家製愛文芒果茉莉花茶/自家製黑糖冬瓜檸檬茶/自家製冷泡日月潭蜜香紅茶）都係無限𣈱飲 自家製愛文芒果 私心推介：茉莉花茶+ 愛文芒果，第一次飲，估唔到咁夾！ 當然唔可以無咗雪糕啦！餐廳提供Haagen Daz 雪糕，Movenpick雪糕 整體來說：食物質素唔錯嘅，加上這個價錢，仲可以無限時無限量供應食物！絕對是性價比超高！

我哋上個禮拜一行四人去食晚餐，唔使諗就揀咗hesheeat。 煎豬鞍扒配蜜糖薯仔粒 蜜糖薯仔粒好食，豬鞍扒做到juicy，不過食到尾有少少乾。 燒雞黑松露燴意大利飯 燒雞調味同肉質都做得幾好，黑松露好香，仲有啲芝士。 安格斯牛肉芝士漢堡配薯條 切開個牛肉係好多肉汁，配埋洋蔥同半溶嘅芝士，好食。 三文魚明太子忌廉意粉 忌廉汁ok，明太子味不太出，但幾欣賞佢有紫菜，即刻變咗和風。🎏

今日同朋友一齊去左女人街食lunch,發現一間好特別嘅粉麵店，又見到有明星幫襯，忍唔住好奇心入左去😆 招牌魚頭粉 魚頭好大份，煎到金黃香脆，食落好香😋湯底好鮮甜揀左少辣，愈食愈有勁☺️佢哋仲可以免費加粉 特色肥牛粉 好大癲，成碗粉麵鋪滿牛肉，好吸引🤩牛肉非常新鮮，肉味好濃，好好味下次可以試吓佢哋嘅特別版八寶粉，入面咩都有，仲只係$68🥰我哋仲點咗醉雞翼 如果平時食牛腩粉麵厭厭地，可以去試下呢個湖南粉麵☺️而家新張優惠，仲可以送飲品/炸蛋

我係檸檬茶愛好者🍋 不時行街都會買一杯手打檸檬茶飲 🍋 手打鴨屎香檸檬茶 一種口感清新、味道獨特的茶飲，由鴨屎香茶葉和新鮮檸檬製成。鴨屎香茶葉是一種名貴的茶葉，產於福建省武夷山區，茶葉呈現深綠色，茶湯清澈透明，香氣獨特，口感醇厚🍹手打鴨屎香檸檬茶不僅口感清新，而且具有多種營養價值。鴨屎香茶葉含有豐富的茶多酚和維生素，能夠提高人體免疫力和抗氧化能力；檸檬含有豐富的維生素C和檸檬酸，能夠幫助消化和排毒，還能夠提高皮膚的彈性和亮度✨

呢間點心到下晝做點心，夜晚做大排檔小炒，今日同個朋友兩個人又想食點心食呢間就啱啱好，樣樣都比較細碟~ 黑金流沙包 $27 每次黎都必食🔥鬆軟嘅黑色麵包包住流沙鹹蛋奶黃🤩仲有3粒咁多~ 原隻蝦燒賣（2粒） $17 可以叫2粒實在太好了~蝦肉大大粒飽滿 黑松露菜苗餃 $30 幾特別嘅點心，有菜有蝦有黑松露，少量嘅黑松露放面都帶來陣陣香氣 鮑汁鳳爪 $32 炆到好入味好軟腍 鮮竹牛肉球 $26 醬皇金錢肚 $28 香茜牛肉腸 $28 其餘都係酒樓嘅水準✨

開心果 /榛子🌰/ 芋泥/ 草莓🍓糯米池 共4粒 $38 佢哋嘅糯米糍即使係隔夜食外皮依然係煙靭軟糯，入面嘅餡料仲有脆脆喺入面，整體口感好好！❤️ 焦糖布丁蛋糕🍮 $38 呢一個焦糖布丁蛋糕，口感非常豐富，入面仲有流心添！ 🥐扁牛角可頌 $38 呢個近排好似都好興，終於有機會買黎試吓，我今次揀咗朱古力味同埋開心果味兩款，戒左一晚先食仍然非常酥脆！🤩🤩 帝王咖啡蛋捲☕️$70 鍾意食蛋捲嘅一定唔可以錯過！咖啡味非常濃郁，下晝做個小食配熱茶Perfect！🤎 QQ球6 粒（只有旺角分店有） $48 每日都見到勁多人出爐時間排QQ球，超多款唔同顏色唔同口味，其中我最推介嘅就係朱古力同埋開心果味！ 麻糬波波 $28 麻糬波波有唔同口味，我今次就揀咗朱古力🍫、抹茶🍵同埋芝士🧀一袋有五個，平均$5左右就有一件🈹🈹🈹建議大家食之前入微波爐叮20秒，口感就更加軟糯好食！ 章魚小丸子包$16 入面真係有粒章魚小丸子，幾得意㗎！ 奶茶 $14 奶茶嘅味道都幾香濃，又唔會太甜，$14可以啦！

先嚟一個刺身大拼盤 紅蝦，甜蝦，帶子，北寄貝，三文魚腩，希靈魚，樣樣齊 外面都有熟食凍盤海鮮 蝦，青口，翡翠螺 & 大量水果 不過要留住啲戰鬥力忍忍手唔夾住 肥美嘅鵝肝多士 大大隻的花雕浸鮑魚 滿滿骨膠原的鮑汁魚肚 即叫即燒卜卜脆的紅燒乳鴿 肥瘦適中燒得生熟程度啱啱好的孜然羊架 上湯龍蝦伊麵 大大件的龍蝦肉 蒜蓉燒石蠔 至啱不吃生蠔只吃熟蠔的我 蒜蓉粉絲焗扇貝 大大盤榴槤蓉 任食 放在水果區那邊 我拿了滿滿的一碗，邊吃熟食邊吃榴槤肉，大滿足 這裏有椰皇燉鮮奶蛋白 我還自製外面在糖水舖動輒都要五六十元的榴槤椰皇燉蛋白添，回本 任飲任食區還清酒梅酒任飲 大量雪糕雪條水果甜品任食

旺角呢間飲咖啡一流 有別於一般咖啡店 呢間唔會搵到寧靜 人來人往 夾雜着唔同嘅聲音 有成十幾層樓高嘅朗豪坊裏面 係另一番體會 飲咖啡好講究 口味上FLORAL, FRUITY, NUTTY 咖啡豆出產地： Ethiopia Yirgacheffe Kochere Brazil Minas Gerais Panama Gesha Blend 另外同你講埋tasting region & process 煙三文魚椰菜花飯 煙三文魚泡菜 黑朱古力咖啡 炒得幾香椰菜花粒好多 反而白飯好少 食少啲碳水呢點幾好 會偏向辣味 可能黑胡椒落得比較多 煙三文魚泡菜都係偏辣 黑朱古力咖啡好飲 唔怪之得咖啡咁出名

每次經過都超級多人排緊隊，不過今日經過竟然唔需要排隊 （可能只係around 5:30pm度未到食飯時間），咁就即刻衝入去坐低啦 🙌🏻🙌🏻 睇到個meau 發現真係有勁多選擇，芝士癮發作所以今次係選擇有芝士既 M size 牛丼 「熱溶三式芝士牛丼」 🤤🤤🤤 點完餐好快就有得食啦 👏🏻👏🏻👏🏻 熱辣辣既芝士同牛肉鋪滿整個飯面，芝士溶得岩岩好，同個牛肉好鬼match，再加埋牛肉汁，簡直係好好食 ！！！ 咁大碗都只係 $45 😈😈😈 而且仲有優惠，加 $10 就可以配埋沙律套餐 🥗🥗 同埋飲品添！！我揀咗佢哋既特製冰紅茶 🥤 初初睇到甘平以為好細碗就叫左m size, 其實原來都唔係細 🤣🤣 建議細食既女仔叫s size就夠 😅😅 我叫左m size 只能夠食到一半有多就巳經好飽 👍🏻

食物落單後好快送到，服務員個個都好有禮貌，細心貼心，今時今日服務態度值得一讚再讚👍👍👍👍👍👍，任飲罐裝啤酒都主動提供啤酒杯仲幫我倒入杯內享用，比起國內更有水準，刺身樣樣新鮮，生蠔就麻麻唔肥（可能唔係時令），牛舌厚簿都好味，每樣熱食都熱辣辣送到我哋面前，好有質素，雪榚雪條我哋本來想出去拎，服務員聽到就立刻集齊哂種類送到我哋面前任我哋選擇（當時仲係全場滿坐，個個超忙碌）見我哋自拍又主動幫我哋影相，我一定會介紹朋友嚟再幫襯