影片
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
魚眾不同不同地方都有分店，主打酸菜魚，可以享受特色風味。今日去咗海怡半島分店。餐廳位於海怡西商場，座位非常多。多款招牌菜，適合多人享用，仲有一人套餐。檸檬酸菜湯鯛魚片大量配料，鯛魚片爽脆，魚肉鮮甜 ，刺少肉多，口感滑溜。魚湯鮮甜，味道適中，酸爽開胃。配上白飯，非常飽肚。胡椒豬肚鷄煲非常足料，豬肚厚實爽口，雞肉嫩滑，湯味濃郁，充滿胡椒味。配上最佳拍檔薯粉，吸收湯底精華，滋味十足。紅糖糍粑糯米新鮮，金黃軟糯，外酥裡嫩。脆口糍粑，裹上紅糖，非常香甜。凍奶茶茶奶比例恰到好處，甜度適中。
繼續閱讀
唔食得辣嘅我，身邊有太多食得辣嘅朋友🌶️每次食酸菜魚一係就大家為左就我冇得食辣，一係就我食得好辛苦😂好在係屋企附近搵到間可以一人一份嘅酸菜魚，可以各自揀返啱自己口味嘅湯底😆當然想一班人一齊share都冇問題，佢地都有大大碗正常3-4人份！👍🏼*最緊要係有得配薯粉*👍🏼- 我之前有食過蕃茄湯鱸魚 $78🐟魚片好滑/冇骨🍅蕃茄湯底幾鮮味配菜揀左萵筍🥬豆腐- 今次食嘅係(唔辣)老壇酸菜湯鯛魚 $78🐟魚肉好滑/魚皮係爽脆/魚皮會有少少碎骨🦴 🍲湯底酸酸地又唔辣所以幾易入口配菜揀左萵筍🥬蘿蔔- 朋友食嘅係青花椒酸菜生魚片$73🐟朋友略嫌生魚片嘅骨有啲多，唔大鍾意🍲湯底就幾滿意，覺得味道適中配菜揀左豆卜同豆腐
繼續閱讀
今日入海怡東逛西逛，也看看有什麼餐廳吸引，最後落腳商場一樓的魚眾不同酸菜魚。酸菜魚吃不少，這間與眾不同的地方是可以一人一碗，不用迎合別人口味，就是愛這種自由。另外除了酸菜魚外，還有水煮魚、雞湯、炒飯、煲仔飯等等。我和先生就分別點了酸菜魚和花膠雞湯，都非常滿意。🏅鱸魚片+老壇酸菜湯+白蘿蔔+娃娃菜+薯粉=$78以上所有全都有選項，配搭自由。薯粉等主食是分開上，避免浸得太腍無口感。湯底酸辣得來很順喉，有魚湯鮮味。每碗都份量十足，整碗都是魚片和配菜。🏅一人專享花膠濃湯雞煲+米線=$80雖說是一人專享，但好夠份量。花膠兩大件，軟腍無腥味。雞件四大件，黃油雞有雞味。雞湯濃郁清甜，滾熱辣的非常暖胃。🏅凍西洋菜蜜（+$12）🏅利賓納梳打特飲（+$12）兩杯飲品都有檸檬片，有誠意。
繼續閱讀
位於海怡廣場，新開咗一間酸菜魚😉因為近上班嘅地方，所以放工試一試🤣晚上七點幾嘅時候，已經滿坐好受歡迎🙂檸檬酸菜湯鱸魚片 $78好特別嘅湯底，因為湯底有檸檬片浸住多小時，所以食到有檸檬的果酸和清香，酸菜如果再酸一些會比較好😌鱸魚片入口即溶，十分好滑，容易散開😳配菜有黑木耳和蔥花，自己加了金針菇和薯仔，薯仔好大塊，好爽口，金針菇入晒酸菜檸檬味🤤薯粉正常發揮花膠濃湯雞煲$80值得一試✅ 十分濃郁花膠湯底，花膠份量適中，雞肉啖啖肉，好入味🐔配搭白飯一齊食，唔錯🤭📍魚眾不同酸菜魚（海怡廣場）鴨脷洲海怡路12A號海怡廣場西翼1樓115A-116號舖
繼續閱讀
一向都喜歡食酸菜魚的，見有新餐廳開於是就去試下，叫了一個老壇酸菜湯鱸魚片餐，一個山城毛血旺餐，花膠濃湯雞煲餐和一碟雞絲炒飯。每個餐都跟一碗白飯，但D飯比較硬，似國內的米，所有食品都偏咸似有很重味精。酸菜魚如果有寬粉在底和多一些芽菜應會好食些，個山城毛血旺明明寫明有蘿蔔的但一件都唔見，個花膠濃湯雞就有一件花膠的，但雞件較細件。但這價格都可接受的。但衛生希望能有改善，装飯的飯碗有污積的，餐具不夠乾淨。
繼續閱讀