影片
港鐵鰂魚涌站 B 出口, 步行約4分鐘
繼續閱讀
電話號碼
98850232
營業時間
今日營業
11:00 - 15:00
16:30 - 20:30
星期一至日
11:00 - 15:00
16:30 - 20:30
以上資料只供參考, 請與餐廳確認詳情
有次走到過來鰂魚涌，看到一家門面黃黃的，光鮮而亮麗的小店「蛋爺」，帶點覇氣的名字，主打就是蛋包飯，很有吸引力的專門店，就算不是蛋控，也很有興趣一試。雖然主打外賣，但裡面仍有少量高腳枱椅，可以讓客人堂食，不過，觀測所見，還是以外賣客為主，看上去感覺更多是街坊來的。剛好窺探到廚房內部，不單貨物擺放整齊，而且，地方十分整潔，絕不會擔心衛生問題。從門外的餐牌所見，除了多款蛋包飯之外，還有一系列蕃茄通粉、烏冬及炒麵，以及小食。此外，可以加配餸料，加配套餐……等等選項。蛋包飯作為主打，就當然要一試，款式實在多，較少吃牛舌，就來一客「鹽燒牛舌蛋包飯」（$65）。拿上手已感到很有份量，厚切的牛舌燒得焦香，咬下去柔軟卻帶點韌勁，非常有口感，而且牛舌獨有的氣味是其亮點，灑點鹽調味，味道已很好，此外雞蛋煎成旋風式形狀，而且，炒得嫩滑又富蛋香，再配上軟糯的珍珠米，整個蛋包飯確實做得一流，物超所值！除了蛋包飯，蕃茄系列亦都十分吸引，所以，另一主食就選了這個「秘製雞扒蕃茄烏冬」（$58）。單看色澤深紅的蕃茄湯底已經信心十足，試一口蕃茄味濃郁鮮活，非常對辦；而入口烏冬非常之滑漏，有麵粉香，兼且不會像一些平價的有陣陣酸味，加上雞扒煎得香口，雞肉嫩滑可口，兼且醃得入味，不愧為秘製。凡惠顧主食，都可以加$15配沙律或小食及飲品，當然不會錯過這優惠吧。小食方面選了這兩款「南瓜薯餅、 芝士年糕」，前者炸得香脆，果真很有吃薯餅的口感，但入口卻有滿滿的南瓜香甜味；而年糕炸得不油膩，外脆內軟，更有香濃芝士味，是十分出色的小食。如果套餐加配，餐牌標明餐飲是「百香果水果茶」，但店家很好人，讓我們可以其中一枝改「冷泡大紅袍」，百香果水果茶內還有檸檬、青檸和柑桔，入口涼快清新，果香味十足，甜度又剛好；而大紅袍是無糖的，茶味幽香，味道細膩，入口甘醇舒服。雖然小店主打蛋包飯和蕃茄系列，但最重要是貴精不貴多，做出質素，無論蛋包飯，還是蕃茄烏冬，都讓人有喜出望外之感，是值得再光顧的小店！
繼續閱讀
中午在鰂魚涌海濱花園跑完步，順道買外賣回家醫肚。見到海光街小店【蛋爺】鮮黃色門面甚是搶眼，原來主打蛋包飯及蕃茄湯面，價錢頗為實惠，一於試試看。秘製雞扒蛋包飯 ($58)是店內名物，甫打開見到雞蛋炒得飽滿細嫩，還帶著濕潤蛋汁非常誘人。雞扒外皮煎得微微焦香，加上甜甜燒汁很下飯。咖喱脆脆豬蛋包飯 ($58) 吉列豬扒厚切，炸得香脆不油膩。咖喱汁偏向日式風味，香口而不會太辣，拌著珍珠米吃，色彩與口感都非常豐富。龍蝦湯 + 一款小食 加配 (+$30) 蛋包飯加$30可配龍蝦湯及一款小食。"餃子皇"漲卜卜炸得非常酥脆，咬下還有肉汁不會太乾。"龍蝦湯"鮮味不算濃郁，尚有改進空間。
繼續閱讀
今日幫襯鰂魚涌龍景大廈呢間蛋包飯外賣店，雖然主打外賣，但裏面仍有少量的高腳枱椅，客人仍可以堂食👌呢度價錢親民，選擇多，仲有好嘅服務態度👍安格斯牛蛋包飯～一打開外賣盒，有驚喜，非常足料，安格斯牛鋪滿整個飯盒面，而且牛味非常濃郁，油脂分布平均，雞蛋又香又滑，仲帶點蛋汁，米飯用上珍珠米，粒粒飽滿圓潤❤️秘製雞扒蕃茄烏冬～濃濃的蕃茄湯底，真材實料，雞扒大塊厚肉，非常嫩滑😋章魚燒～大大粒，外酥內軟，美味可口👍
繼續閱讀
外賣店最出名就梗係佢哋嘅雞蛋菜式！餐牌選擇非常之多，心大心細嘅我最後叫咗蒲燒鰻魚蛋包飯❤️❤️鰻魚非常之肥美可口，夠晒大條兼厚身！魚肉肉質勁嫩滑，而且調味非常之啱啱好！秘製雞扒蛋包飯❤️❤️雞扒份量非常之滿足，入口啖啖肉，食起上嚟唔會好油膩，醬汁鹹鹹甜甜惹味可口！兩碗飯嘅蛋都非常之嫩滑，香濃嘅蛋香味配上粒粒分明 夠晒煙靭嘅日本米飯，食起上嚟真係超級無敵勁滿足❤️另外再加多個小食同兩款飲品！而家如果單獨買大紅袍夠一打$10 一支tim😎 如果開party人多嘅話，絕對抵飲又抵食
繼續閱讀
鰂魚涌愈開愈多食店 最近又發現咗呢間Eggdicted😆作為蛋控嘅我當然唔會錯過啦雖然主打外賣🥡 但係都有少量嘅位置堂食老闆推薦秘制雞扒蛋包飯同金菇肥牛卷蛋包飯果然呢度嘅主打係滑蛋 返屋企仲keep到旋風嘅形狀頂部仲見到小小嘅蛋液 食落口真係好嫩滑秘製雞扒其實係照燒雞扒 照燒汁甜甜地雞扒好大塊又厚切 食落好juicy 好開胃金菇肥牛卷有四大件 牛肉肥瘦適中即叫即整 食落口唔會好老另外因為好想飲龍蝦湯就轉左套餐加$30就可以有小食加龍蝦湯吉列蝦有兩件 食落外層嘅脆漿唔會好厚返到屋企都仲係脆嘅 蝦肉比較結實龍蝦湯飲落有濃厚嘅龍蝦味 但唔會假口感夠晒smooth但飲完冇話好膩 另外仲新推出咗大紅袍冷泡茶添飲落清清地 唔想飲汽水有得揀冷泡茶健康好多
繼續閱讀