影片
以上資料只供參考, 請與餐廳確認詳情
相關文章
好多年前食過另一間分店知道連最後一間分店都會係十月底前結束，就趕緊去食最後一次平日12:30 去到，等一陣就有位今日想食牛腩牛肚河，朋友食牛腩撈麵姐姐話就快結業，叫我地加錢食靚腩，話好食好多，既然最後一次食，當然加啦事實上靚腩真係幾好食可惜之後冇機會再食啦
繼續閱讀
疫情都係有上上落落的趨勢，所以而家寫食評都係唔少外賣。今日去左太古坊做野，聽到同事講間大利清湯腩就黎唔做，就去左抓緊最後的清湯腩尾巴。大利清湯腩同中環九記牛腩都頗具名氣，我諗大家對佢認識多都係名嘴蘇施黃都推佢。但而家佢啲分店都執哂，我之前都會喺灣仔幫襯佢地間分店。本想叫個清湯牛腩飯 ，但今日個肚有點頂住，所以叫左個腩粗。牛腩略為瘦左啲，雖然煮得幾入味，但燜得太腍，冇咩口感，俾以前差得遠。而且湯頭都冇左陣令人懷念既油香，同普通茶記腩粗差不多。咁當然，本身對佢都唔太大期望，舊的唔去，新的唔嚟，喺哩個食客要求咁高的香港，淨係食情懷好難喺疫情下站住腳。租約期滿，將於10月25日光榮結業餐廳：大利清湯腩 地址：鰂魚涌祐民街16號地下Address：G/F, 16 Yau Man Street, Quarry Bay#肥誠 #肥誠搵食 #fatshinghk #instagramhk #instagramfood #food #餐廳 #香港美食 #香港餐廳 #灣仔lunch系列 #灣仔 #屯門 #鰂魚涌 #早餐 #午餐 #晚餐 #hongkong #hongkongfood #hongkongfoodie #hongkongfoodblogger #food #foodie #foodiehk #wine #winelover #winelovers #steak #牛腩 #鰂魚涌lunch系列 #大利清湯腩
繼續閱讀
大利清湯腩📍 鰂魚涌祐民街16號地下記憶中係首次踏足太古，朋友介紹去祐民街搵食。同一條街有三間餐廳可以選擇：牛腩麵店、漢堡店同泰國菜。我哋行咗一轉都係返返去第一間嘅大利清湯腩，一嚟因為佢嘅牛腩係香港數一數二出名，二來就係佢快將光榮結業，只係營業到10月25日咋。難得嚟到太古，又經過呢間出名最好食嘅分店，當然要趁佢尚在嘅時候食返一次啦。 💰$35牛腩河 🐮大利清湯腩已經有三十幾年歷史，算係本地清湯腩的元祖之一，佢哋會用新鮮牛骨熬湯底，而牛腩就係新鮮黃牛腩嚟整，雖然我已經無食牛肉接近兩年，但睇到都知啲牛腩好嫩，聞落好香牛味，唔會乾爭爭。 💰$35雲吞粗麵 🥟我自己叫咗呢碗嚟食，雲吞大大粒，食落啖啖肉，蝦肉好彈牙！因為本身想叫撈麵，但落單嘅姐姐聽錯咗，嚟到先知係粗麵。但因為我唔鍾意食粗麵，於是我將成個麵同朋友交換，所以我食嘅係河粉。佢哋嘅河粉好索湯，基本上未食哂碗粉都已經得返三分一嘅湯，食到後半啲河粉開始變得易斷，好在佢嘅粉無咩麻包袋味，而且都好滑身。 💰$35紫菜三寶河 🍡朋友叫咗呢碗三寶河，佢嘅三寶係三款丸，無記錯應該係墨魚丸、魚蛋同豬肉丸。我食咗佢惟一一粒墨魚丸，好彈牙，一啲腥味，食到入面嘅墨魚肉，湯底嘅味都好清，唔錯唔錯。 💰$49雲吞牛腩河 🥟🐮同上面嘅評語一樣，但個人認為雙拼唔係咁抵食，因為雲吞只有兩粒，但牛腩嘅份量又唔係比$35一碗嘅牛腩河幾多，但如果貪心啲想試多款嘅可以叫雙拼嚟食！ 💰$15腩汁蘿蔔 🥕蘿蔔煮得好淋身，清甜之餘吸晒腩汁嘅精華，仲要無渣，價廉物美，推！
繼續閱讀
買咗一個清湯牛腩飯 全部都係瘦嘅 同煲出嚟嗰啲湯渣係完全冇分別 唔知係唔係拎啲牛肉去煲湯 然之後就咁拎嗰啲湯渣出嚟當係牛腩賣俾人食 最近食咗幾次都係咁嘅質素 講明要肥少少但係都唔會理 以後都唔會再幫襯 超級難食嘅清湯腩 個湯仲要超級重味精 蘿蔔又有渣 個飯都係林既 最好食係個包辣椒油 唔怪得門口個老細成日要出來拉生意 雖然算係小店 但係都係唔可以推介…唯一嘅好處就係價錢比較平少少 牛腩飯$54 但係我寧願比多少少錢食正常啲嘅牛腩飯..而家嘅質素越嚟越差
繼續閱讀
8號風球嘅晏晝好多地方都冇開門去到見到有開門就試吓50幾蚊一個清湯腩撈面勁多牛腩 超級抵食又好味！老闆娘一拎啲面過嚟完全嚇親勁大碗 心諗啲牛腩係咪唔使錢😂😂佢撈麵嘅湯汁好清甜好香牛腩味配埋佢嗰度嘅辣椒油真係一絕🥺🥺好少喺出面食飯會飲晒個餐湯但係呢一度個湯真係好好飲！輕微嘅藥材味 又唔會好味精👍🏻成個餐 雖然好大份但因為真係太好味😂所以我都堅持要食晒佢朋友見到我食晒都覺得好震驚😂😂真係可以再encore！10分推介😍
繼續閱讀