影片
以上資料只供參考, 請與餐廳確認詳情
嚟到呢間茶記，佢個位置都幾顯眼，喺正路中心，入去本身想試常餐，但諗落都應該會係普通嘢，就想試吓其他。因為入到去見到個裝修陳設都幾傳統，望吓隔離枱啲食物都唔係話好特別咁，所以就不如試啲唔同嘅嘢睇吓。見到「西式扒餐」都唔貴就叫咗，唔包飯就啱晒添啦，貴三蚊要「煎牛扒」配個「煙肉炒蛋」，不過侍應拎錯咗變咗「午餐肉炒蛋」，照食，連埋「牛油多士」同「熱奶茶」加埋 ，比較普通，係個奶茶有驚喜，係幾好飲。個阿姐做嘢幾有擔當，又吹得，所以坐多陣要多個「精選下午茶」，問定「西多士」有冇花生醬，阿姐仲幫我寫埋多花生醬，厚實又綿密嘅感覺令到個西多勁好食。再飲多杯「熱奶茶」，夾埋成餐，幾滿足。。。
繼續閱讀
這間餐廳的早餐質素唔錯，價錢相當便宜，而且供應到十二點，非常適合假日遲起床的人。我選了炸魚柳，太太點了湯意粉。魚柳相當大塊，炸得金黃香脆，魚柳之外還可選兩樣配料，超級豐富。例如豬柳、香腸、煙肉等都可任選兩樣，今天選了雙煎蛋。此外加了一蚊轉多士。多士口感好好，比白麵包好吃得多。湯意粉也非常大碗，酸菜雞絲辣辣地，令湯底更惹味。不過有時雞絲會比較鞋，不夠嫩滑。鹹牛肉炒蛋放入湯中，又嫩又滑原來好美味。餐廳有個缺點是冷氣不夠凍，尤其現在天氣熱，人多時就更覺。
繼續閱讀
最近因為田灣珍姐結業 所以我和同事嘅早餐飯堂要變陣 開始時都有點煩惱 因為早市嘅飯堂最早其實都未必啱我哋呢班深夜就要出門口嘅早班人 但幸運地終於找到其實我都唔係第一次來這裡食早餐 只是一直都覺得這間只是一間普通茶餐廳🍴所以就唔會太刻意介紹因為我只食佢哋嘅早餐ABC 直到有一次因為同事趕時間 我又突然之間想唔起食咩好 情急之下跟同事食佢食開嘅早餐 就發覺原來這裡的麵餐都幾好食今次這個麵：三餸麵+一杯凍檸茶 價值$33老實講其實都係普通材料 絕對唔係咩日本蛋 意大利香腸嗰啲 但點解都值得推介呢？因為佢哋煮嘅嗰個麵軟硬適中 口感似丁麵 那個蛋又剛剛好有點流心 最緊要係嗰沙嗲牛肉 真係沙嗲汁唔太鹹 但係又食得出佢嗰個重沙嗲味 最值得稱讚嘅係佢落咗好重嘅麻油 係你一食就食得出 如果喜歡麻油味嘅真係覺得好治癒 當然如果好討厭就要留意 可能要轉麵嘅款式了最近經常有網上食客 留意沙嗲牛肉這個食料 所以特別介紹一下 希望多些街坊會留意到 職員好有善 當然又未至於酒店服務級 但都有一個問題真係要留意和解決 就係餐桌衛生 因為疫情關係 本人習慣會在食前抹一抹枱 但發覺清潔完之後 張消毒紙巾係黑色的 証明在衛生方面真係要再加多注意⚠️
繼續閱讀
今次來食個下午茶。朋友見到有魚湯燴銀針粉非常興奮，如果煮得好，可以有家的味道，甚至成為溫暖人心的一道食物。上枱見到份量足夠，有肉有菜有草菇，熱辣辣，好吸引。魚湯很濃但偏咸，有麻油香味，銀針粉質地可以，朋友吃的時候很滿足，全部吃光喝光。不過回家就知後果：要狂灌水！濃湯寶煮出來的「魚」湯再加廚師落鹽重手咗的結果。我點了焗肉醬意粉，正正常常。意粉彈牙，肉醬夠料，味道不過不失，下午茶來說份量適中。價錢方面兩樣都係$36連熱飲，唔貴。
繼續閱讀
下午茶時間的炒粉麵好抵食，全部$36有飲品，有鑊氣，選擇也頗多。叫了星州炒米，上碟香噴噴，米粉打得好，軟硬適中，配料充足，不覺油膩，味道也不錯。稍嫌唔夠辣和唔夠黃，色香味獨欠「色」，但整體來說是高質的。另外叫了忌廉雞絲雜菌燴意粉。這個除了意粉軟硬適中外一無是處。首先個忌廉汁水汪汪，完全掛唔到個意粉，另外是味道淡而無味，真要懷疑是不是廚師瘋狂加水？忌廉汁無味，雞肉無味，罐頭雜菌無味，可說是失敗之作。今餐有好有唔好，本想給個OK評價，但門口食煙問題真係要扣分呀。
繼續閱讀