影片
港鐵銅鑼灣站 D4 出口, 步行約1分鐘
繼續閱讀
開飯介紹
Cafe內設有畫廊、香薰，環境寬敞舒適，並設有免費無線上網服務。
繼續閱讀
營業時間
星期一至日
18:30 - 23:30
以上資料只供參考, 請與餐廳確認詳情
早幾個月食過尼間野都覺得okay,所以琴日難得有假,睇完戲諗住上泥食多次, 點知原來轉左手, 唔係之前間cafe, 轉左做私房菜 (Royal Feast) @w@上到泥同個waiter講左兩句, 原來上泥食之前要訂位 @w@不過好好采!!咁岩又有四位既冇泥到而師傅又準備好晒d野食 所以有位可以試下。(琴日個menu係$450)上面尼個就係煎西瓜配魚子醬多士,拎到上台之後waiter建議就話我地食左一粒煎西瓜, 之後先食多士, 跟手先再食埋個兩粒煎西瓜 )而本人太侯琴既關係, 食左一粒先記得影相 hohohohooo!!沙律就係牛油果青蘋果蟹肉沙律,冇諗過原來牛油果同青蘋果可以咁樣夾埋一齊泥食, 反而令到牛油果冇咁"漏", 正 蟹肉都幾新鮮, 同埋沙律菜呀哥仔話係用左陳年黑醋撈過, 食落同出面個d撈意大利黑醋真係差好遠 @w@跟手泥左個熟食, XO醬扒帶子,哥仔話XO醬係師傅自己整既, 都睇得出, 因為乾瑤柱都多過人, hohohohoooo!! 帶子就係北海道泥既, 而伴碟就係用白酒+牛油炒過既京蔥, 食落都幾香口, 唔錯 到個湯就係黑松露野菌湯, 哥仔話尼個湯係師傅用左十幾種唔同既菌去煮,同埋話佢冇落到麵粉, 所以飲落冇咁粉, 我就覺得最大分別係出面個d通常都稀d, 同埋個菌味冇咁重,但尼個一開蓋, 成陣菌味已經出晒泥, 飲落口更加唔洗點講, so far個湯最正 !!!!接落泥另一樣熟食, 白松露海膽蝦雲吞, 哥仔話個海膽其實係海膽醬泥, 師傅將海膽同埋蟹膏一齊煮成, 所以食落口其實都有少少蟹味, 又okay咼 是日主菜本人就揀左鱸魚 (白肉健康d呀!! )本身揀魚都有d驚驚地, 怕會煎到乾晒身, 但師傅煎到火候岩岩好, 個皮好脆, d肉反而好嫩, 同埋個魚上面林左少少甜甜地既汁, 又幾夾 (同台有朋友食左燒雞, 都唔錯, 下次會試下 ;) )去到最尾甜品朱古力蛋糕, 一上台我既感覺係 "嘩..咁細件.....!?"見係師傅親自拎出泥, 緊係炸下佢形喇 但師傅叫我地試下先, 我就明點解咁細件,因為佢好甜, 朱古力味好濃, 反而如果大件的話一定會食唔晒, 太漏, 所以細細件份量就岩岩好 ;)總括泥講師傅不愧係做廚出身, 食物既質素同以前真係差好遠, 有酒店既水準, 但價錢唔洗去到酒店咁貴 五百蚊, 我地都覺得okay, 值得比有餘。鋪頭有好多佢地上報紙雜誌既報導, 師傅真係有d料, 唔怪之得係由煮法, 配菜到份量都拿掐得咁好 ;D最後, 即場訂左下個禮拜會再泥食多次, 今次揀定左$550 menu, 成個menu既菜式都唔同晒 ( 但keep番個湯, 因為真係好正 ), 希望下次到時冇咁多人, 可以隨意影多d環境相分享大家睇 ;)
繼續閱讀
都吾知係咪做生意，我見咁多好評先想試，我尋晚book 好哂，今日下就三點亦都打黎confirm booking , 點知六點又打黎同我講今晚full 左俾吾到位我，咁你想我點呢，得番一個鐘又搵過野食，我絕對吾會再試呢間野
繼續閱讀
第二次寫食評 這次寫是主要因為多重性質的推動: 1.好朋友傑仔的生日,認識多年你都是比我更搞笑...哈哈.2.這餐廳的服務誠意,我自己都是飲食行業,很喜歡認真做飲食的店.3.小鋪竟然會有海產例如:生蠔,法國羔蟹,價錢做得好平. 其他的食物菜色都很新鮮美味.***不過註明意大利菜色,但都不太多意大利料理選擇,西式食品為主,但質素比想像又好很多.~~~~~~~~~~~~~~~~~~~~~~~~~~~~~~今次我們朋友6人晚飯,選這店原因是其中一個朋友介紹話間餐廳坐得好舒服,可以容易D傾偈,所以就試下.入去第一個感覺很靜有音樂,我地因為早到,坐下得我地幾個講野好似好大聲,有D好唔好意思咁~~~D服務員好快就俾我地幾杯水同餐牌,亦見到著制服的廚師同我地打招呼,不久滿坐之後就熱鬧了起來.~~~~~~~~~~~~~~~~~~~~~~~~~~~~~~這次我地選擇多種食物,介紹最記得的幾樣菜式:1,烤雞~ 這是跟二人餐的主菜,味道十分十分好...出來時很香,外皮脆,肉身夠汁,醃味很正,印象最深刻.GOOD2.湯~ 周打蜆湯...又真係有新鮮有殼蜆wor...雖然不多,但夠誠意,味道好鮮,湯其他配料都多,有件蒜蓉包. ***一段時間就會轉湯款.3,法國羔蟹~ 我地單叫一份. ((( 超多羔 很可口 ))) 肉質都很甜,伴了點沙律菜,好味~~~4.生蠔~ 竟然會有!! 仲好新鮮,用义按蠔身仲生動的. 蠔好似係美國.還有其他的食物都很好,價錢我們6人合共$8XX幾,一打生蠔,又蟹又兩個二人餐再加D小食都算抵食,仲要好食.***食食下先記起無影相,得一張~~~服務員好禮貌~ 男的服務員應該是老闆. ***題外話: 男的服務員,感覺個樣好有氣質,好似拍戲的演員,又講唔出係邊個~~~非常感覺到你們的誠意,我地會再嚟食~~~
繼續閱讀
已經唔係第一次想上黎試, 但咁岩上兩次都包場無得訂位, 今次朋友生日揀左LEE度包場, 終於可以試一下LEE度。先講位置, 間CAFE係樓上9樓, 由SOGO行過黎唔洗兩分鐘, 不過唔算易搵, 因為係尋常大廈入口, 雖然有大廈水牌, 但真係行過左都未必知。佢地包場係4小時計, 我地7點先開始, 但係6點左右就比我地上黎放低蛋糕加小小佈置一下。個場幾靚, 有好多畫(有D靚有D唔靚^^), 中間有大空位比我地玩GAME, 食物就預設放係近窗位置。我地原訂7點半開始食前菜小食, 不過STAFF見我地7點多仲有好多人未到, 就即時同我地夾過出食物既SCHEDULE, 好細心。最後成8點先開始食小食, 有雞翼, 薯蓉, 鴨胸沙律...ETC. 最正係個薯蓉, 一食就知係手打自製 (同KFX d 薯粉口感完全唔同), 牛油味好香, 又滑。另外炸物都唔錯, 個薯角好香口, 受歡迎。大約半個鐘之後就出主菜, 有3款pasta 同1款risotto。pasta我既首選係忌廉雜菌雞柳意粉, 個汁好香, 唔會太膩, 配料又多。risotto我食時已經有d乾身,硬, 味道ok但口感一般, 但係我朋友就最鍾意個risotto, 佢話好creamy, 可能佢食時熱辣辣就好d , risotto凍左就唔好食。之後我地玩game, 傾計...到走之前1個鐘就食埋個甜品, 朱古力班士尼! 超好食, 好似蛋糕仔, 熱食好正。最後我地11點左右走左, 臨走d staff仲會送客又幫我地睇有無漏野, 總而言之算係包場既一個好選擇。
繼續閱讀
因為係樓上cafe.個入口不太起眼.我同友人盲中中經過左幾次都唔知-__-上到去間cafe又係另一景像;D成間cafe都主要以畫為裝飾.係最入既角落仲有間房仔專擺d畫具.問一左問原來呢度除左食野.仲可以book場係度畫畫.仲有專人指導.連我呢d零藝術天份既人都想試下去玩xd成個環境都好舒服好relax.係台上面仲有呢個小擺設.我地最後叫左個2人餐:個湯唔錯.不過如果係配plain bread我仲覺得好d.蒜容包同湯既味唔會一齊咁重個前菜不錯.不過我自己唔太鍾意食牛.所以食得唔多.但個春卷幾好味.夠脆夠料.兩個意粉都好好味好juicy.不過只好怪兩個女仔太細食.真係食唔哂xd就係因為佢我地都要留肚食xd好好味好重朱古力味好正;)不過每人食兩粒就已經肚到傻左hhhaahahah我同友人傾計傾到左住人地收工.不過佢地仲好nice咁同我地講野.感謝你們;)會再來的;)
繼續閱讀