影片
港鐵銅鑼灣站 E 出口, 步行約2分鐘
繼續閱讀
電話號碼
28809868
營業時間
今日營業
12:00 - 22:00
星期一至日
12:00 - 22:00
公眾假期
12:00 - 22:00
公眾假期前夕
12:00 - 22:00
以上資料只供參考, 請與餐廳確認詳情
有關獎賞計劃
相關文章
♠️瑪姬皇后生日，梗係揀返間高級餐廳同佢自high下啦！📌《GYOJASANG》兩三年前漩風襲港🌊，風靡一時，係銅鑼灣「FASHION WALK」佔據了一個頭位位置，可說是風頭躉🤠。熊妹記得當時同豬朋狗友們晚餐時段到來等了大概1-2小時才能入座，誇張到爆😱。📌主打各款高級韓食，以精緻高檔次取勝🔝，係香港好少數的高級韓式居酒屋，所以排幾耐隊都值得🥲。📌裝潢依然另人眼前一亮，有室外室內雅座，室內有一個包廂位，適合大夥兒聚餐，又有高檔梳化位🛋️，仲有一排四人枱位，餐枱大大張，枱與枱之間有一段距離，空間感十足。前菜一坐低點餐後，店員會立即捧上掠拌前菜三款讓客人先品嚐。有蒜蓉菠菜、辣味茄子同豆芽菜。辣味茄子煮得好軟淋，調味適中唔會過辣但又好惹味。重點係前菜係無限添加，可以當蔬菜一碟清下腸胃！韓式生牛肉配黑松露，$288韓式生牛肉係韓食的特色食品，生牛肉拌特製醬油及生雞蛋黃🍳，特別在加入了黑松露調味🍄🟫，每一啖都滲透出好重味的黑松露，仲有黑松露片，食得出係高檔食材，加埋清甜雪梨條🍐，成份生牛肉真係美味致極，眼見每一枱客人都有點這款菜式，可見受歡迎程度👏🏻。四十五天熟成肉眼配水芹菜，$480慶生當然要食啲有派頭又隆重的菜式，職員指這款肉眼排是新菜式，一於試新菜。嘩！點了regular size都好大一份，好震撼式上枱💥。一大塊肉眼排，平均切成十等份，燒烤過的脆皮更突顯內裡粉嫩的牛肉，四十五天熟成牛肉的肉質超有肉感，啖啖嫩肉又唔鞋口無肥肉位，一點血水都無，重點係煎起來趁熱入口好香鮮牛油味。認真，係熊妹暫時食過好優質的肉眼排！係絕對值得推介❗️水芹菜煎餅，$148最後，點多個主食煎餅，水芹菜🎋好爽口，加入係麵粉餅漿入面同埋大蝦🍤一齊煎，煎到好香口好脆，煎餅又有厚度，可以點埋跟上的秘製醬汁，份量大到兩個妹子确實食唔哂成份。一般drink menu最多會介紹杯飲品由咩材料調製而成，讓客人有個概念大概咩味道。📌📌《GYOJASANG》的drink list好特別，特別在除了會寫上咩伐材配製之外，會介紹呢杯cocktail大概偏向咩味道，同埋應該配撘咩菜式黎食比較合適，對選擇困難症的熊妹簡直有哂指引去揀，好有唸頭！The Night Begins，$108瑪姬皇后想點杯清清地的cocktail 。呢杯含有菠蘿汁、青檸汁、醋汁同韓國清酒造成，標籤為偏酸及清新，飲落真係幾fresh，好適合食啲濃味少少的食菜，建議配撘菜式係和牛他他。Red Enchantment，$130呢杯係drink menu入面唯一一杯用上Makgeolli🍶調製的cocktail。Makgeolli係熊妹好喜愛的韓國酒精飲品，甜甜地易入口，酒味唔濃，呢杯cocktail仲加入了士多啤梨🍓元素，最驚喜係杯邊鋪滿了加入糖粒的煉奶，係呷每一啖cocktail的時候都可以同時㗳埋煉奶🍼一拼喝，更吊出水果甜味，呢杯cocktail既精緻又新穎，果然係紅色的透惑！港女們值得一試！建議配撘的菜式係水冷麵🍜。📌一餐飯最重要的氛圍同高質食物質素，《GYOJASANG》完全發揮到極致，希望今餐生日飯瑪姬皇后會滿意。
繼續閱讀
今日同老公過去銅鑼灣食飯，呢間餐廳之前朋友介紹過，話係韓國當地大廚主理研發菜式，用埋濟州新鮮食材我地叫左1️⃣辣拌綜合魚生冷麵魚生份量好多，有鮑魚、三文魚、八爪魚、海參等，將魚生同冷麵加特製辣汁撈埋，酸酸辣辣好開胃🤤2️⃣炸五花肉平時食開水煮五花肉，第一次見到炸五花肉叫黎試吓。炸五花肉外脆內軟，五花肉肥瘦相間，質素非常好，點埋特製嘅醬汁，好惹味。3️⃣韓式生牛肉配黑松露韓式生牛肉切到好細粒，撈埋新鮮嘅蛋液同埋黑松露一齊食，入口非常鮮甜，一啲都唔腥，仲有濃郁黑松露香氣，真係色香味俱全4️⃣泡菜蝦仁卷外層係炸得酥脆嘅紫菜，裏面包住酸辣嘅泡菜同埋彈牙嘅蝦仁、冬粉，加埋沙律醬一齊食好好味5️⃣REAL FRESH LEMON SLICE HIGHBALL COCKTAIL檸檬味比青檸味多咗啲甜味，飲落都非常清新6️⃣REAL FRESH LIME SLICE VODKA HIGHBALL青檸味有伏特加，酒精味比檸檬味濃郁，不過都易入口👍結論：（10分為滿分）味道：8/10性價比：7.5/10回頭指數：8/10餐廳名稱：교자상 GYOJASANG(銅鑼灣)餐廳地址：銅鑼灣加寧街1-3號Fashion Walk地下C號舖#gyojasang #香港探店 #韓牛 #銅鑼灣美食 #koreanfood #韓式居酒屋 #koreanrestaurant #韓國菜 #韓國料理
繼續閱讀
👉🏻海鮮煎餅💲188👉🏻海膽紫菜包飯💲380👉🏻生牛肉配黑松露💲288-唔係唔好食 但絕對唔值呢個價首先食第一啖生牛肉入面竟然食到硬物 職員好好咁即刻成碟換👍🏻換完之後好似濃咗松露味 中意多啲口感嘅可以落多啲雪梨海膽壽司非常一般 海膽鮮味唔濃海鮮煎餅係幾脆口 但略壓整體好乾身 口感冇咩層次可能我都係鍾意食傳統嘅韓國菜多啲 呢個價錢配呢個質素嘅食物 我覺得大家可以唔使試Rating: 5/10〰️〰️〰️〰️〰️〰️〰️〰️〰️Gyojasang (Causeway Bay)📍3 Cleveland St, Causeway Bay🔗#7eating銅鑼灣#7eating韓國菜
繼續閱讀
位於銅鑼灣 Fashion Walk 嘅韓國餐廳~食物分量好多，我同朋友兩個人試左好多菜式：海鮮煎餅 $188好足料!海膽紫菜包飯 $380好食！有beef tartare同新鮮海膽半半炸鷄（甜辣，芝士） $178 香口，煎餅入面有好多料炸泡菜蝦仁卷 $180炸得出面脆。但入面仲有飯同沙律醬，一份好飽呢度cocktail都唔錯~
繼續閱讀
位於銅鑼灣嘅 GYOJASANG， 裝修高級和時尚，用濟州直送嘅新鮮食材😍，而且菜式係由韓國當地大廚用心研發，附送3款前菜，茄子真係入味又好食🍆！可以用都係附送嘅脆紫菜包著來食！叫咗幾款韓式美食和cocktail🍹，真係好正！🐖白切豬頸肉肉質靚嘅豬頸肉，白切就最啱，搭配醬汁一起享用。每一口都是滿足感🐄黑松露生牛肉石頭鍋飯生牛肉超新鮮和嫰滑🐄，撈埋落石頭鍋飯一齊食，更加豐富咗味蕾號享受，米飯煙韌有咬口，份量都幾多😎 因為用燒到好熱嘅石鍋，所以熱辣辣和好保溫，食到底仲有飯焦，好香脆呀😋💛水芹菜煎餅🍑Peach Wonder💜Lavender Seoul 127
繼續閱讀