影片
以上資料只供參考, 請與餐廳確認詳情
招牌菜
食評 (16)
我從來都唔寫食評, 但今次真係不吐不快昨日我班媽咪朋友諗住抱埋d阿B去銅鑼灣gathering, 上網見佢homepage介紹得唔錯仲話下午茶49蚊起, 所以諗住去試下唔駛次次都去酒店TEA, 聽我個朋友講佢要求要VIP房(個網到話有)所以個老闆要求佢前日要入定500蚊按金, 我仲諗住乜好好食架, 要好似酒店留按金咁誇張。好啦下午3點幾我地個個一家大細共8個大人, 3個細路上到去先發現地方勁迫(80呎都唔知有無), 坐位又唔舒服全部四腳櫈, 打開餐牌直情嚇死你, 最平個TEA SET都起碼90-100蚊, 個老闆仲要點晒你地人頭話我地仲有人未叫, 好似焗你要佢D餐咁, 好啦都比咗按金唔走得, 計過數淨飲都要70蚊, 就唯有每人叫一份餐。我地其中有人叫雞翼餐, 點知得個幾隻瘦猛猛的雞中翼加10隻左右炸唔香的薯角, 後來雞翼唔夠仲比咗d超咸粟米頂檔, 野飲仲另加錢, 叫司華力腸餐, D腸又係連皮都煎唔脆擺落微波爐叮到過晒熱乾晒, 真係味道仲差過樓下的街邊檔, 真係好離譜另一個朋友叫咗碗盛惠108的公仔麵餐, 餸又少麵唔靚, 味道差過茶餐廳但就高級大酒店價錢, 好過份仲有都唔知佢喺咪好耐無人幫襯, 佢D茄汁有陣疑似天拿水的味, 我最初以為我朋友大咗肚對D食物的味覺敏感, 老闆於是比過支我朋友, 嘩, 點知過一陣又攞過出來比我另外的朋友用, 嘩, 變咗的野就唔應該再用啦仲有就係連水都唔比杯你, 心諗人地酒店都會比杯水你吖, 你咁的價錢咁的服務質素, 我寧願去隔離怡東酒店囉, 呢間嘢我真係唔會再幫襯, 係我有生以來食過最搵笨的餐廳。
繼續閱讀
上星期同老公去食晚餐, 食物水準普通, 但收費就相當嚇人非會員叫一個套餐要接近五舊, 會員價都要三舊半, 但入會費就要120 蚊一杯飲品最一平都要50, 大多要成80-90兩個人消費就要成千蚊...但連淸水都欠奉, 要就叫法國礦泉水, 晚巿最低消費每人180 蚊, 最多坐兩個鐘頭, 每人最少要叫一個套餐, 或者一件食物加一杯飲品,真係苛刻到唔信, 5星級酒店都無咁o既耍求,真唔明如此平民餐廳何以星級收費總之唔值得幫襯呢間餐廳
繼續閱讀
開頭以為佢同之前哥間同地方既 Bayview 係同一間, 只不過係裝修左, 所以小學既聚會就諗住係哥道包場. 一去到, 男店員推介個set, 嘩! 七千幾, 眼都凸埋, 之後會員價節左係四千幾. 同酒店擺一圍差唔多. OK, 咁我都縮沙, 表明我既Budget係每人200蚊樓下. 跟住佢都即刻建議我當Dinner set 做個餐牌俾我. 每人連加一大慨$198加個加一(會費$120另計). 咁我覺得如過係以舊Bayview既水準黎講加依家個裝修, 係絕對OK. 男店員都有話俾我聽, 如果我要坐足三粒鐘的話, 係可能要我地加個湯或者甜品先OK. 咁我都OK.落左500蚊訂之後, 先記得上黎openrice睇下, 睇完就好唔安落, 希望自己唔會俾個喊面佢, 自己就驚左成日. 但心諗openrice成日有人會抹黑事件. 安慰下自己.到左當日(200809201900), 見個餐牌無左小部分之前俾我睇既野食 (那小部分正是"有肉食"的款色). 而且價錢連加一之後係$280. 與我原先預計$230樓下有一段距離, 跟住男店員解釋係因為加左個湯/甜品. 經一輪討價還價之後, 男店員都可以我地唔要湯/甜品就減到$240, 咁我都認為人地都要做生意, 都無問題. 何況之前佢確實有講係會加. (但無講加幾多, 我自己亦無問, 係我問題.)未人齊我叫左杯凍柑桔檸蜜, 蜜味好蜂蜜, 唔係菜蜜哥隻. 幾好飲啦.人齊之後叫野食, 因為餐牌上面全部菜色比較無肉食. 好似雞亦, 白汁煙肉意粉, Taco等等共十多項... 最後揀左濃汁西蘭花豬軟骨跟薯角. 薯角幾好味, 豬軟骨一般. 但對面個friend就問我點解無左西蘭花.(真係一粒都無) 男店員了解之後都有話換俾我, 我都唔需要, 男店員都好有心將西蘭花另上. (不過咁既失誤, 下次唔好喇.) 食完仲好肚餓. 不過之後加埋個好得下既New York Cheese cake. 都加番分既.經歷就講完. 再細講各方面啦.環境係OK既, 但係電視機就認真煞風景, 個場明明係適合清清靜靜, 擺部電視出黎都有, 點會傾到偈呢...價錢, 其實我無細閱餐牌. 但席間有人叫大家睇下一杯益力多係幾錢, 睇完之後我都. 你地自己睇下啦下. 以分量及菜色黎計都唔值$280.服務. 總括就係唔Pro, 唔識笑, 上碟雙手"牙"落去, 唔識側身單手擺低, 要個客就佢地. 呢D都無, "講'送'名"同"請慢用"更加欠奉. 走亦無講"多~晒拜拜". 咁樣點留客呢. (俾足tips你啦, 要改喇!)P.S. 是晚有大慨六七個人上過黎坐低過, 但好快就走左, 係俾我十一個朋友嚇親定係其他原因就唔知喇.
繼續閱讀
上月27號是男友生日的日子, 我們已經走過很多日子了...所以生日都不太著重....他揀選了到此過生日, 所以放工後匆匆到銅鑼灣跟他會合..亦很後悔沒有到OPENRICE一看它的評語...一上到去, 感覺....環境很局促..很細...很暗...所謂的維景FEEL..一點都不美....因為看出去有很多其他高樓大廈..再看看餐牌...OMG, 489一個套餐?? 再看看288一個套餐? 真的有個衝動起身走人...算吧. 不想破壞他生日的日子..點了餐後....再看看...怎麼只有我們2人...還有一個不知道是否老闆的人在上網用電腦...之前給我們介紹食物的那一個人..像其他食評家一樣, 說用什麼什麼最好的材料...天然做食材, 但他的口才真的有待改善...食物..龍蝦湯..還是PIZZA HUT比它好味..主菜...都不太像大廚做的..飲品還可以吧..最後埋單...成為7百多元...如果有得選擇, 一定不會再到此一試...
繼續閱讀
前兩個星期6.4晚會, 之後其中一個friend帶我地一行7個人黎呢間野諗住飲下野, 食d小食點知黎到先知裝左修 (絕對唔舒適)好攰既情況下大家不疑有詐, 坐低先知'lai'野 (同時間隔離枱個男仔咩都無叫就走左)打開餐牌, 所有野飲最少都六十幾蚊食物更加係百幾二百蚊一款個老闆見我地面有難色, 猛咁sell 佢地係用咩健康食材呀, 煮法呀, 有機呀, 物有所值喎好, 我地就試試啦我叫左杯細既草莓菠蘿雪泡(要七十幾蚊架)點知個老闆話, 大部份人見到個杯既size都會叫大杯, 因為抵飲d 一睇, 哇, 原來細杯係細到離哂大譜, 好似將包250ml野飲倒左落去咁上下結果, 又俾佢屈左叫杯大, 要成八十幾蚊!!!杯野仲要勁難飲, 泡佔左大半杯, 又無生果味, 好稀, 好好好差其餘幾個friend都係咁... 有個叫杯蔘蜜都話無貨, 要飲杯幾十蚊既橙汁!!!!!其中一個friend 諗住坐陣就走, 點知又俾個老闆話要每人都叫杯野飲呵, 入黎又唔講清楚, 簡直係**!!!結果個friend 又俾屈左俾八十幾要左杯可樂加雪糕臨走前, 我食甜品o個個friend俾個老細話要叫多杯野飲先得, 因為係minimum charge!!!!!!我地忍左咁耐終於忍唔住同佢理論, 佢唔好再遲d先講!?!?!? 個甜品都七十幾八十蚊, 仲要order 野先meet 到佢個minimum!?!?!? 佢估佢呢度真係高級酒店呀?!?! 半島都無咁做啦係咪呀 一輪擾攘下, 結果個老細都俾我地算數我地即刻拉隊走人臨走前我睇睇個餐牌, 原來'minimum charge'呢樣野係內頁先有寫仲要唔明顯真係把鬼火原本個minimum charge仲要係兩杯野飲tim, 即係at least 百五蚊一句講哂呢間係一間自以為是既**離譜!
繼續閱讀