影片
港鐵觀塘站 B2 出口, 步行約4分鐘
繼續閱讀
電話號碼
23111110
23112110
營業時間
今日營業
11:00 - 22:00
星期一至六
11:00 - 22:00
星期日
全日休息
*Last Order 21:30
以上資料只供參考, 請與餐廳確認詳情
🥢🍜🇹🇭足料泰式湯麵☑️秘製冬蔭功脆肉麵 -$48麵條可以選擇鴨蛋麵、斑蘭麵或金邊粉，今次選左斑蘭麵，雖然個麵係綠色，不過由於湯底太濃味，所以完全食吾到斑蘭味，不過麵條幾彈牙同掛湯。至於湯底係幾出色，冬蔭功湯酸辣開胃，幾濃味惹味，不過夜晚會好口渴😂脆肉有3-4件，係好厚切嘅燒腩仔，但個脆皮浸左湯變得好硬。另外+$5可以有其他配料，加左豬頸肉，都有3-4片，但略嫌較硬及不彈牙。配料有吾少椰菜絲、香茅同九層塔，都幾抵食，仲包熱飲。☑️遊船湯河（豬）🍜 -$68麵條可以選擇河粉、金邊粉、米粉、米線，也可選白飯。都可以轉冬陰功湯，而呢一碗我哋就keep住要船湯，配料好多，每款都有兩三件，包括腩肉、豬紅、豬肉丸、豬皮、豬潤，仲有好多芽菜、通菜、九層塔。船湯吾錯幾濃味，有少少藥材味，幾特別，值得一試。🆗咖喱軟殼蟹配印度薄餅🦀- $88印度薄餅可以轉蒜蓉包條，薄餅切成八小塊，方便點汁同食，但佢係薄身果隻烤餅，吾係naan，比較硬同都吾太脆。軟殼蟹有四件，新鮮炸起，又熱又脆，但係個蛋椰汁咖喱就比較淡，咖喱味唔夠香濃，不過蛋味就好出，性價比幾高，因為呢個晚市套餐仲包一碗冬陰功湯及熱飲。
繼續閱讀
呢間嘢以前都食過，份量同味道都可以，但昨晚再入去就有啲失望。叫咗脆肉班蘭麵，四隻聖子(每隻18蚊，都預咗佢細隻㗎喇）同埋軟殼蟹農夫包，先嚟個麵，一食落去…啲湯暖暖哋咁樣…唔熱嘅！懷疑啲料擺入碗裏面再加湯上去，本身湯唔係滾，啲料又係凍，所以搞到成碗嘢只係暖暖地。之後再上聖子，又係暖暖哋唔熱嘅！農夫包係正常，不過啲軟殼蟹冇搣蟹腮。仲有少少苦苦地味。席間發生咗啲事都想講講。我哋下午6點05分入到去，佢話執緊枱，叫我哋坐埋一邊先，坐咗大概都幾分鐘先至叫我哋埋去另外一邊坐，好奇怪。之後落單想叫檸檬茶，佢竟然話冇！只有檸蜜同檸水，但個餐牌明明有檸檬茶……不過算了。 食食下阿姐走埋黎問啲嘢得唔得？我話兩碟嘢都係唔夠熱嘅，阿姐話你出聲吖嘛…換畀你。(我當時諗，咁樣質素，都唔知仲有冇下次，都費事換）就叫佢同廚房單聲，啲嘢唔夠熱，要注意一下。後來到差唔多食完，就嚟咗兩件椰汁糕，話送嘅，又無端端攞多一杯檸蜜過嚟，叫我飲埋佢！(可能我話啲嘢唔夠熱卦，所以送啲嘢畀我食畀我飲），總之呢間嘢奇奇怪怪咁…觀塘咁多食肆，應該仲有大把選擇。要返桌機會真係微乎其微。
繼續閱讀
坐位夠寬闊，每個菜式都份量勁勁多。 一個女人仔真係食唔晒！ 叫咗個馬拉盞抄通菜唔食辣嘅，可以選擇依個，夠野味！之後叫咗個鮮蝦抄金邊粉金邊粉量多，蝦🦐有三四隻味道中規中矩酸辣感唔重因為味道不差，所以整多件燒牛扒試下牛扒唔柴，算幾嫩口都係一樣，份量超多🤣價錢方面都幾親民嘅！60-88一個菜式到，算幾合理。 侍應有點善忘，唔知係咪太多客人關係，會唔記得落單，少少扣分。 下次我覺得去唔到九龍城食，可以試下依間。
繼續閱讀
態度勁差❗️食餐飯無啦啦都要比人鬧？😐當日叫左個午餐飯 另外有個冬瓜湯但個湯到我差唔多食哂個飯都未黎😩於是就問可唔可以要反個冬瓜湯過左一陣依然冇人理疑似老闆（態度差、又點人做野應該喺老闆喇啩）大叫「佢望住我啦，搵人比碗湯佢啦💢」無錯！係連野都無講但就比人話😨🤣🤣終於冬瓜湯送到黎疑似老闆又再大聲講「佢終於冇望住我啦」💢唔覺得客係大哂但食餐飯明明佢地留單但比說話我聽真心無奈😐😐😐😐😐
繼續閱讀
琴日全公司同事一齊去呢間食晚飯。叫菜其中一道菜叫咗「走青」，點知廚房阿姐攞住張單沖出嚟，勁撚惡抌落我地度，話「我唔識整啊！」發晒脾氣，佢自己餐廳其他員工都呆咗。Ok態度勁差都算啦，俾阿姐咁樣X完，食嘅過程已經勁驚啦，跟住覺得食個春卷嘅時候浸味怪怪地似壞咗，就同佢哋反映，阿姐就沖出嚟大大聲話「唔係我整架」。最後，仲要食完之後全公司同事集體肚痛，個個都屙幾次，呢間去唔去好大家自己諗啦…😅😅😅 我就覺得不了不了🙌🏻 第一次食，亦都係最後一次食👌🏻👌🏻
繼續閱讀
您可能會有興趣的...