影片
以上資料只供參考, 請與餐廳確認詳情
平日 去食晚餐 好多時 都希望食中式 今日嚟到順利 一於試下名舫酒家 見佢好多特價小菜 價錢優惠 可能太早去到 個場有少少空位 好快就有位坐 唔使諗 叫曬啲優惠菜 冇諗過 嚟都 每碟小菜 個份量 都係咁正常 好彩 今日大家肚餓啱啱好 味道方面酒樓都係好有鑊氣 冇大排檔 咁油膩 我哋叫咗肉餅 炸豆腐 粟米石斑塊 三樣都好好食 而我最欣賞嘅 就係蒸肉餅 鬆軟可口 一啲都唔油膩 職員有禮態度友善 比一般連鎖大型酒樓 更為出色 唯一嘅壞點 就係處於屋村裏面出入唔方便 揸車 就一啲難度都冇想去邊都得 但係咁抵食 我都一定會再來
繼續閱讀
經常去的酒樓，通常來食晚飯。除了打邊爐，我覺得這間酒樓基本上唔差。跟大部份的茶樓比較，這裡比較少人及安靜。也許是因為人比較少，侍應的服務都唔錯。侍應當你係街坊，唔會有人幫你帶位，但係好似茶壺要加水、想要多對筷子或者碗碟這種小事，佢哋都好樂意而且馬上幫你。我對這間茶樓的衛生情況非常滿意。至少我冇見到碗筷上有任何嘅污跡。地下亦唔會見到好多灰塵，洗手間亦算乾淨。味道方面，大部份嘅食物味道都比較普通， 但份量大。蒸肉餅有咁大片鹹魚，我諗應該比較少見。淨係食一個肉餅加一碗飯，兩個人簡單啲，應該夠飽。咖喱雞翼變咗咖喱雞，不過算啦，分量都唔少配菜都多。薯仔夠晒入味。至於粟米石斑塊，味道都唔錯，只係比較普通。炸豆腐有少少特別。平時嘅通常係百福豆腐嗰個質感，但係呢個係硬身少少嘅豆腐，豆味比較濃。夠脆，好味。最後，要睇吓價錢。雖然味道普通，但係作為一餐家常便飯，我覺得都唔錯
繼續閱讀
千個功過誰來定，歲晚悲喜我決擇，食住豐簡你能求，堂皇華麗他日成。無生意的或是汚漬滿地的食店經常被相連到舊型屋邨酒家身上，但這是錯的！它無聲地經營着，它支援着老人家的一盅兩件，它陪伴着家庭創造天輪之樂。觀塘區的順利邨是一個偏遠且舊的屋邨，商場仍然是開放式，有大量自然光及新鮮空氣與自然風圍着行人走來走去。這是環保，還是舊嘢呢?就見人見志了！在我觀察下，長者們坐在陽光下，有簷蓬的長椅上休息，與老朋友閒談，討論大事……到那處飲茶或食咩點心。而邨內的<名舫酒家>有着平民的生活態度，也稱“獅子山精神”。但今天的少年人真係都唔知咩係“獅子山精神”，老套啲可説成：有粥食粥，有飯食飯；佛經故事云：一日不做，一日不食。長輩掛有咀邊話：講多過做啦你！下午一點半到達<名舫酒家>避開工人們的午飯時間。全場有七成是五十歲以上人士，而我與小親親就是年青的一群。坐好後的第一件事，當然是用熱茶清洗一吓碗筷及杯子。這是舊式茶樓流傳的習慣。同一刻，陣陣濃香味，食物被火燒燶的香氣在攻擊我，吸引我的視線。只在午市供應的“煲仔飯”，被送到大部份食客面前，遠望它相貌堂堂，堪稱有料靚仔。在我發出名令前，小親親已率先作前要求，並點下“臘腸滑雞煲仔飯”。雞件滑及足夠二人亨用，再添有生菜，可上算健康豐富。它熱氣騰騰的被送到，焦香不停地鑚出這實而不華的小煲，但理智提醒我不可急，千萬要等待滾動的蒸氣散盡，才可得到乾爽的米飯及完美的飯焦。而飯焦是煲仔飯的精髓。相信大多數朋友認為焦燶食物不健康，這未免偏頗了，是把廚師的心思放進垃圾箱。將少量清湯或茶水加到煲底飯焦上，等待它被吸收後，便創造出之味獨特的泡飯。更能盡享滋味啊！三星燒賣與我孩童年代的分別太大了，令我有點兒驚訝！所見的“三星”是魚肉丶豬肉及牛肉燒賣各一粒，上面無放置其他食材了，不能帶出喜悅。還記得小時候的我也愛吃“三星燒賣”，每粒豬肉燒賣上放置了不同食材，不同酒家就有各自特式，也視乎價錢而定。基本有東菇及火腿，名貴的有鮑魚仔或魚肚，平民化有叉燒或蟹柳條，過年便添上發菜和豬脷。三粒星星都發出智慧的光。煎魚餅是小親親多年的至愛，而<名舫酒家>將芋絲加到其中，煎得外皮香脆可口，中心粉粉的芋就特別可愛。上湯鮮竹卷是為着煲仔飯而點的一味點心。我較為喜歡用湯浸飯，也多了一款菜式，真是一舉兩得。
繼續閱讀
食物一般，選擇亦不太多，但尚可接受及入口。而且上菜時間亦算快。但菜式十年如一日，沒有新菜色加入，沒有任何新鮮感。至於服務方面: 不知所謂的酒樓經理。態度極之惡劣!好似俾錢買難受咁!成間酒樓，半間空枱，請佢轉一轉電視節目，死都唔轉，還熄埋聲，還要同客講:“你地嚟唔係諗住嘆呀！”依間酒樓，唔會再有下次!
繼續閱讀
冇禮貌仲要黑面~由入座起計2個鐘,遅左埋單走30蚊一個人,但你落單D野唔黎9個人黎得一碟肥牛仲要得5塊仲要冇咩好食同個部長講D野未黎佢同我地講我地張台仲有野唔駛幫我地追但係張台係得金菇、支竹、菜同公仔面D野飲完全唔凍D餐具上面D污穢用指甲整得走~成張台12SETS用具都係=.=雖然68蚊任食任飲都唔奢望有D咩好~但求過得去,但係...雖然68蚊任食任飲我都唔奢望會有幾好都唔係咁掛我唔會阻止任何人去試去食但呢間真係"明點"
繼續閱讀