影片
港鐵大窩口站 B 出口, 港鐵荃灣站 B2 出口, 港鐵荃灣西站 D 出口
繼續閱讀
營業時間
星期一至日
15:00 - 00:00
以上資料只供參考, 請與餐廳確認詳情
放工同班好同事吹下水，問候下老闆同未來大計真係一件幾開心既事。但一般bar 又有d 嘈，悦來酒店依間就真係一流！依到我印象中雖然無我喜歡既手工啤，但由嘉士伯代理既啤酒大多都有。小食唔算多款但都幾抵食。下圖見到既野再加多個漢堡包同每人兩杯野飲先每人 150 左右，抵。佢優點係靜，但缺點都係靜。依個靜係在於叫人來落單係有d 困難，因為我太少，唔太會長放個待應係到。
繼續閱讀
之前喺附近做野，成日都會經過悅來酒店，亦都有食過裡面嘅餐廳同自助餐，但都無發現呢間BAR最近約返啲舊同事食飯，佢地話原來悅來酒店其實有間幾唔顯眼嘅BAR！見朋友就黎放工，決定等埋佢去放工一去試一試！呢間酒店內嘅BAR果然出乎小妹預期之外！簡直喺平，靚，正，靜！因為我地去果陣只係8點嚟，入面無人咁濟，就算之後有好幾班外國人同其他客人，都係好靜好舒服！而且地方非常乾淨！有時仲會有SHOW睇～ 可以輕輕鬆鬆同朋友喺到食野傾下計食野方面，佢會有套餐同埋單叫，套餐唔夠嘅，可以叫下啲小吃過下口癮都唔錯！飲野方面，其實大部分出面飲嘅啤酒同埋Cocktail 都會有，不過今次無影到酒類及其他飲品類嘅餐牌下次有機會再補返！而我同我朋友分別叫咗牛扒餐同埋魚柳餐，一個餐會有配一支啤酒！價錢仲要唔貴！用餐前會比花生我地食～啤酒方面，可以叫ASAHI, 嘉士伯等啤酒，大概有4-5款啤酒選擇！梗有一款喺啱心水牛扒方面，叫咗7成熟，大大塊又多肉汁！好好食！下次再黎嘅話都會叫牛扒魚柳就好淋同埋咸咗小小，不過都唔錯嘅！雖然食到好飽，但傾傾下覺得不如叫返杯Cocktail飲下！味道都好好～見到MENU上有水牛城雞翼，作為雞翼嚴重中毒者嘅小妹都忍唔住要試試！味道我比100分！好好食！唔咸而且配埋芝士醬食簡直一流！呢到啲野食好食之如，仲無乜時間限制坐係到同朋友傾下計談下心！2個人咁加埋$150左右！價錢都完全係一流無得輸！！！
繼續閱讀
今日出差去咗荃灣，放工後想靜靜哋飲杯嘢。但喺荃灣要搵間好少少嘅Pub唔容易，相信唯一嘅好選擇就係熊貓酒店嘅Sport Bar。最驚喜嘅地方係Happy Hour非常慷慨，星期一至日都有，1500至2200！生啤有三種選擇：嘉士伯、Warfteiner、同埋黑啤（唔記得咗牌子，好似都係德啤），大杯賣70-80幾蚊，買一送一加埋個舒服嘅環境，算係好抵！因為鍾意清淡嘅口味，所以選擇Warfteiner德啤，不過後來因為叫咗漢堡包，覺得味道淡咗d。另外，雜錦nuts免費任食，味道唔錯！目測見到係原裝膠筒裝出嚟，即叫即裝，唔好預先擺晒出嚟搞到返潮淋晒。咁啱呢晚仲有特價套餐：牛扒、漢堡包薯條、炸魚薯條，配一支樽裝啤酒，每款均一價都係買＄99，覺得好抵！叫咗個漢堡包薯條，要五成熟，漢堡扒多汁鬆軟，絕對唔欺場！呢間嘢真係唔錯！要Encore！
繼續閱讀
之前經過悅來酒店既"Sports Bar"..見環境都ok人流唔多~happy hour靜靜地2口子飲下野都係個唔錯既消遣不過都講左好耐話想去~終於等到依日去得成lu^^安坐後送上nuts~不過疏左氣..有隻蟹脆粒粒腍既@.@"happy hour..standard drink(buy 1 get 1 free)好意外..酒店啤酒比預期中平~都算抵飲喎SNACKS.."炸魚柳""炸魚柳"既炸皮係腍既口感~我期望係超脆+香口架ma而且魚肉少+無魚味~粉都比較厚..唔掂!!薯條都無薯味伴上他他醬~叫完依個無打算再叫野食~想像到食物水準比較差所以hea住飲啤酒+傾計~飲到差不多9點就走lu^^整體環境唔錯+坐得舒適~啤酒比預期平..但食物質素就唔掂囉
繼續閱讀
收到來電，原來是回港渡假的老友約飲野。人家幾年才回來一次，肯定要奉陪到底。大家都吃了飯，不再多吃了，就找個地方靜靜地飲杯野傾吓計。區內的酒吧似乎太嘈雜，咖啡店又冇開到咁夜，糖水店亦唔坐得耐，腦海中突然浮現了熊貓酒店的Sports Bar，二話不說帶他來。不想喝酒，反而有興趣飲杯我喜愛的Ginger Ale，而對方就來一杯大嘉士伯。我從小到大都喜歡有汽的飲品，加入了薑味的元素更舒服醒神，若薑味可再重一些就更合心水。下酒小吃，都是花生、提子乾等，係罐頭貨色，不用多說。還是叫一點小食吧！炸洋蔥圈這佐酒良品，就要一客，另外我選了炸牛肉丸，我想也挺吸引的。兩款小食同一時間來，先說說炸洋蔥圈，一碟有五件，幾大的。粉漿不太厚，且幾脆口的，不過洋蔥的香味就差了一點。醬汁方面，總覺mayonnaise跟洋蔥圈不太配合，不點反而更好。墊底的是一堆薯條，只是快餐店的貨色，並不吸引。炸牛肉丸同樣是有五粒，幾香脆的，牛肉丸也幾有咬口，可是牛肉味稍為缺乏。不過點些濃郁的鮮茄醬，感覺又幾好，不失為佐酒良伴。旁邊同樣有炸薯條。不經不覺又傾了一個晚上，大家都喝了兩Round，夠皮了！埋單三舊水，我也嚇了一跳，原來飲野係咁貴架?!
繼續閱讀