影片
附加資料
滿$200或以上消費 歡迎使用電子付款
營業時間
今日營業
11:30 - 22:00
星期一至日
11:30 - 22:00
*Last Order 21:15
以上資料只供參考, 請與餐廳確認詳情
BnR今次要介紹荃灣一間好紅叫「BnR」嘅無味精湯麵店，佢哋以有益藥膳湯底同新鮮食材聞名，唔同一般米線店咁，佢哋可以有得轉淮山麵/河粉或泡飯！呢間湯麵店門口係有一級，又要出動我塊斜板嘅時候，一入到去見到近門口高處放咗5大隻BE@RBRICK，入面位同位之間唔算好逼，只要有塊斜板嘅話，輪椅人士入去食野唔係問題！1.胡椒豬肚雞泡飯$68（8.5/10）呢碗胡椒豬肚雞泡飯個胡椒味唔算重，泡飯索哂濃雞湯，入口濃稠，雞味濃郁，不油不膩，口感順滑。配料都唔少，有7舊嫩滑唔韌嘅雞件、6舊好彈牙嘅豬肚、1條油炸鬼、約十舊木耳同4舊切開咗嘅粟米條！2.冬陰功海鮮米線$68（9/10）呢碗冬陰功海鮮米線只有極小辣，冬陰功味好小，淡淡酸酸辣辣，米線夠彈牙，配料都唔少，有2條墨魚卷、1條油炸鬼、3大隻蝦、3舊魷魚圈、3舊蕃茄肉、芫荽、洋蔥同蔥等！3.炸蜜瓜奶$48（10/10）炸鮮奶就食得多，呢碟炸蜜瓜奶幾特別，炸得好酥脆，入面熱辣辣，淡淡蜜瓜奶味，好似飲緊陽光蜜瓜豆奶咁，一碟有4舊！4.凍咖啡$24（8/10）呢杯凍咖啡多咗少少奶，咖啡唔夠香濃！2人總共價錢$208個人口味總評分：8.875/10地址：荃灣大壩街65號Please follow me🙆♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻♂️#BnR #米線店 #荃灣 #荃灣好去處 #荃灣美食 #香港美食 #hkig #hkboy #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
繼續閱讀
#chuchu食在荃灣📍 BnR又去咗荃灣廣場對面覓食，有間新開左一段時間嘅冇味精湯麵！呢兩日凍左好多，食碗熱辣辣嘅湯麵補一補，暖下個胃🫂—————————————————————❣️ 藥膳雞淮山麵 $68藥膳味好濃，一上枱就已經好大陣味，湯底清甜唔會油膩！雞嘅份量都唔少，雞肉好嫩滑！淮山麵好彈牙，同個湯好夾！仲有好多木耳，仲有脆卜卜油炸鬼索曬湯，好味！.❣️ 魷魚筒淮山麵 $76一上枱見到好多配料，有芫荽、腐皮、木耳、仲有半條油炸鬼，索左啲湯好鬼正！呢個係魚湯底，好飲，好清甜，一啲都唔腥！本身呢個係跟泡飯，不過🐷改左跟淮山麵！魷魚筒入面釀咗花枝滑，爽口好彈牙，又有魷魚嘅口感，好impressive! .❣️ 魚湯淨手工韮菜餃(8隻）$56韮菜餃皮薄饀靚，未咬落去都見到入面啲饀！咬落去仲有肉汁流出都好正！.❣️ 冷泡菊花蜜 $28冷泡好似比起平時嗰啲冇咁甜！.❣️青提梳打 $36好正！真係有提子係入面！—————————————————————不專業評分👅好味指數: 8/10 💰性價比: 8/10👍🏻推薦: 8/10 —————————————————————🏡地址: BnR (荃灣)荃灣大壩街65號地舖🕑營業時間: 11:30 - 22:00—————————————————————#chuchu食港式—————————————————————Follow🐷 @chuchu_hkfoodietag埋你啲朋友仔like下我啲po♥️需要你的支持喔🥺🙆🏻♀🐷💬每一篇食評都好認真打架
繼續閱讀
荃灣嘅米線鋪真係好多今日想食唔辣嘅湯所以就揀左呢間 食雞湯米線晚市 叫左花膠雞濃湯淮山麵 $82同 海南雞湯米線$62外賣自取 無包野飲 無另加小食花膠雞淮山麵值得一讚係有配料跟粟米芯同老油條但麵份量真係超少花膠都係得一舊而且雞湯完全無膠質感好明顯分開煲 有雞味嘅湯但無膠嘅漿口感同樣地 海南雞米線 都係超少量有齊粟米芯一舊 老油條一舊分別只係少左一塊花膠雞都算滑 不過就無乜雞味應該無下次份量真係超少 太過份 呢個價錢 應該有更多更好選擇
繼續閱讀
荃灣廣場附近有一間BnR西式餐廳,椰汁爆珠紅豆冰：紅豆起沙香軟,爆珠一粒粒咬落爆開,椰汁香濃椰子香甜,飲落口非常滿足.椰香咖央西多士：咖央充滿西多士內,配上小小牛油,再加上香甜糖槳,椰香咖央與別不同.
繼續閱讀
下午茶時段想食d輕食順便等朋友行過見到店環境都幾好坐就入左去。叫左份咖央多士+熱檸水 $34 多士唔脆、咖央少到嚇死人…兩片包都痴唔埋個種唔講以為常餐跟餐..求其跟塊多士比你個種睇返原來間餐廳本身係主打麵食，應該係想吸引人食下午茶諗左d非主打食物落單餐。其實不如唔好夾硬做d唔關事既野食，做衰自己間餐廳，連想比次機會下次去試吓麵食都唔多想了，因為有種被欺騙嘅感覺😞好想知定價$34，連咖央醬都要慳到甘，係老闆既意思定員工既問題😮💨😮💨😮💨香港既餐廳可否爭氣d！
繼續閱讀