影片
港鐵荃灣站 C 出口
繼續閱讀
營業時間
*最後落單時間: 21:00
星期一至日
07:30 - 21:30
以上資料只供參考, 請與餐廳確認詳情
我平時好少係open rice 寫嘢，但係今次下午茶時段去真係一個唔好嘅體驗茶市pancake 點知得一塊，仲要係凍嘅問佢拎杯水，比杯辣嘴嘅超熱水我永遠black list
繼續閱讀
今日去綠楊食晏，發現同層好多食肆都搬遷 /裝修緊。係冇咩選擇嘅情況下，原本打算清清地食個湯粉。就去咗呢間 牧場冰室…叫咗常餐：揀炒滑蛋多士、漢堡扒叉燒通粉，諗住開胃啲，就加$6轉「特濃蕃茄肉碎湯」點知就中大伏…原本賣相已經唔多掂好求其，特濃蕃茄湯望落水稀稀，肉碎碎到似俾人咀嚼完吐返出嚟嗰種，仲要撩幾下先見到。食第一啖… 簡直懷疑人生。點解個味咁奇怪，完全食唔出係蕃茄湯。係姜湯！一碗紅色有蕃茄碎裝飾既姜湯😂 真係不得了。但你餐牌係寫「特濃蕃茄湯」仲要加 $6 先食到….自選配料：叉燒，口感味道都好難食。有一舊仲要全部肥肉自選配料：漢堡扒，雪氣味重、無味道可言、口感極劣咁呢個時候就即時同店員反映，我都剩係話個湯味道有問題，而店員就回應「係有少少姜…」大佬呀！姜可以落去吊味，但唔會落咁重手，搞到成個番茄湯變曬質。你仲要夠膽死標榜「特濃」… 仲要收人「加$6」… 最後我要求轉返普通雞湯。已經求其食吓通粉就算。但只可以話一樣難食，只不過變咗勉強入到口嘅難食… 湯極咸 極重味精。拜託廚房唔好再遺禍人間，如果唔識煮，倒不如用返罐頭番茄湯，至少整出嚟都擺得上枱。仲夠膽死加收$6去試你個怪味湯底…將心比心，你煮咁既垃圾出嚟，你自己會唔會食得開心？你又會唔會叫朋友嚟食？
繼續閱讀
今日胃口麻麻，叫左個蕃茄肉碎炒蛋雞翼通粉，點知食左兩啖更加唔開胃......炸雞翼外皮唔脆又韌，一咬入口就食到一大陣雪味，d肉又死實實咁。個湯偏酸，食落唔係咁順口，而且好快就比d通粉吸乾曬......然後熱奶茶又係伏，茶味太酸澀......最後碗通粉同飲品都食剩一半
繼續閱讀
住附近關係經常落黎食飯，早餐質素尚可，但好睇廚師，有時個滑蛋好滑，牛油多士都好食。今次食落就發現質素下滑，沙嗲牛肉公仔面已經起廚房浸到淋晒先拎上枱，食落冇口感可言，平時食早餐都唔會，真係好睇廚師。失望
繼續閱讀
垃圾焗豬扒飯，成舊豬扒飯同我隻手差不多啦；好彩佢咁細咁難識煮得多棧嘥米飯。價錢59 ，份量就好似法式餐咁，焗飯冇炒底，啲飯仲要一嚿嚿好似細路仔煮飯咁，唔粥唔飯嘅乾水版
繼續閱讀