影片
電話號碼
26026828
營業時間
今日營業
10:00 - 02:00
星期一至日
10:00 - 02:00
*最後落單時間: 01:30
以上資料只供參考, 請與餐廳確認詳情
本身幫襯左名串王好多年，每次經過粉嶺都要食😋名串王，當然係主打串燒。佢所有串燒都係生燒，保留到食物原汁原味！某d串燒店會一早燒定，客人落單先翻燒加熱，或者將串燒先炸再燒，大大影響味道。必食推介既有雞肉、午餐肉、豆卜、蟶子😋個人認為佢最出色嘅係雞全翼，皮脆肉嫩多汁，而且仲係全熟👍撈粉亦都係名物，撈米線再配以肉醬、辣椒粉、孜然粉、鹹酸菜同埋芫荽，味道好豐富👍而肉醬更係當中既靈魂😋邊食邊飲佢既自家製嘅羅漢果水，清熱解渴一流！
繼續閱讀
家附近有兩間串燒，對比下，雖然這間只有4張枱，價錢亦較貴，但質素較高，所以愛食串燒的我家，通常都會來這家「名串王」👍燒雞泡魚乾每次上台都熱辣辣，又燒到剛剛好，圖片完全表達了很好食串豆腐第一次叫，發現Overcook左，口感脆脆地串燒雞軟骨雞軟骨肉較多，外脆內軟京蔥豬頸肉厚燒豬頸肉粒配上京蔥，一口咬下去好多汁流晒出來，原來京蔥也可以成為主角🤤燒牛舌雖然還有肉汁在，但是有少少乾雞腎燒到十分入味，味道好香原條燒茄子配上芫荽及蔥花，為茄子調味，更顯得茄子色香味俱全。燒金菇/燒韭菜不敗的神話😂😋😋😋
繼續閱讀
📍聯和墟美食雲集地! 小店串燒-名串王聯和墟地道串燒店基本粉嶺聯和墟都只係有兩間串燒店依間就比較適合食辣人士店員有提醒此店的辣係偏辣串燒火候及味道控制得好好🍜麻辣紅薯粉🍆燒茄子🍗燒雞翼🥓金菇肥牛 🍖雞軟骨 🥩牛柳粒👅味道:❤️❤️❤️❤️🍔賣相:❤️❤️❤️🏝環境:❤️❤️🤵🏻服務:❤️❤️❤️📸打卡:❤️💵價比:❤️❤️❤️💌調味料係用店主家鄉貴州的風味環境方面，串燒店都係比較油煙多價錢親民細舖頭但食物總類都多🏠名串王 粉嶺聯和墟和豐街8號和豐閣4A地舖🕰營業時間：星期一至日 10:00 - 02:00🔖串燒 | 紅薯粉 🚇交通:港鐵粉嶺站, 坐小巴到聯和墟☎️電話:26026828
繼續閱讀
完全冇服務可言計完條數俾錢佢唔拎 吹走左仲要自己執 跟住仲要自己攞嘢扎住啲錢 返到屋企 有啲嘢食燶晒 跟住計計條數仲要發現佢收多錢啲嘢食比較淡 有少部份嘅食物個價錢係底抵但大部份都偏貴
繼續閱讀
經過聯和墟見到呢間諗住試下，聞落啲味唔錯，最後買左五百幾蚊串燒外賣番屋企食。番到去一開盒已經見到啲串燒好多燒到燶哂黑哂。同埋本身叫左個小辣，點知原來辣到癲，成家人都食唔落太辣。回想起原來間鋪有分最小辣係bb辣、微辣跟住先係小辣，店員都無同過我地講原來小辣辣度係咁勁，平時食到大辣既人都食唔掂佢呢種小辣。食落啲野食完全無調味過，啲肉又乾又柴，一啖咬落成口得辣味就乜都無。極度懷疑唔要任何辣味係會淨得雪藏味。除左以上問題，價錢亦貴得唔合理，叫左三幾樣野就五百幾蚊，講真當買個教訓，咁既質素真係食到成肚氣！想去嘗試呢間既朋友要再三思！
繼續閱讀
您可能會有興趣的...