影片
以上資料只供參考, 請與餐廳確認詳情
招牌菜
屋企樓下新開, 我試左排骨煲仔飯 ,燒蠔, 茄子, 粟米, 雞翼.排骨煲仔飯 : 排骨好有肉味新鮮貨,飯有焦,豉油香, 好味!!!!! 茄子 : 原條上好大條,味道特別,勁辣. 正!!!!!粟米 : 超甜, 乾身. 比得起南亭雞翼 : 燒得皮脆, 調味ok燒蠔 : 必食 , 新鮮有蠔味 , 一 d sing 味都冇 , 小辣 , 蒜蓉 , 有d汁 夾到不得了. 我原本唔食蠔都上左yun.
繼續閱讀
友人是晚帶我地黎食既是這一間第一站美食串燒，佢話屋企人食過十分好食﹗門口貼住話自己主打串燒同埋煲仔飯，見有個哥哥仔0係門口係咁燒，又有幾個客在排隊，應該無事呱﹗來到完全無人招呼，好似要我地求佢俾野我地食咁﹗忍不住下問後，老闆娘叫我地到遠處就座。坐左成三個字都無人理，又係要出去求佢俾張點菜紙我地，真係難為了老闆娘呢﹗睇番都係大路串燒，先叫幾款簡單的試一試味道，如好吃就再叫貴一點的牛扒及海鮮﹗等了接近半小時，我地都食完鹵水豬頸肉同燒賣，第一碟串燒終於來到，是韮菜及雞肶菇，食物來了，餐具什麼也沒有，又要走出去求求老闆賜我筷子碗等﹗韮菜孜然味重，鹹到要灌水﹔雞肶菇仲誇張，燒得乾過鞋底，有相為證，到底佢地有冇食過自己燒出來的食物？雞軟骨偏鹹不過已算最正常﹔雞翼骨位部份全部都係血，擺到明係唔熟，友人忍不住出聲同老闆娘講，老闆娘笑笑說:"哈，係咩?"之後就轉身又走番去個鋪仔入面唔知做咩，我以為佢會燒過兩串來啦，點知原來係無的﹗咁而家擺到明係唔熟，俾埋隻雞翼佢睇有幾多血﹗就算係唔俾新既我你都應該攞番現有的去燒番熟佢嘛？又無喎，直頭係同政府一樣，你有你講佢有佢唔聽，好似唔憂做咁﹗咩態度啊？如果因入夜睇唔清楚食埋，入廠都有止﹗雞腎仲韌過擦紙膠，食一粒已棄之﹔粟米是雪藏貨，上面灑左過量既調味，搞到又鹹又辣，邊有粟米又鹹又辣架？友人超後悔仲叫埋佢地既煲仔飯，餸都費事講，0的飯擺到明係太多水，飯身呈糊狀，真係未食過咁差既煲仔飯﹗如果佢以以上既串燒同埋煲仔飯作賣點，真係等執笠吧。我地四個食完一肚子氣，如佢係岩岩開鋪整得唔好食唔怪佢，亂燒唔熟都唔怪佢，但老闆那不可一世的面目與性格，真係嚇怕食客，再想有人來幫趁，真係幾難﹗
繼續閱讀