影片
港鐵太子站 D 出口, 步行約5分鐘
繼續閱讀
營業時間
星期一
17:30 - 23:30
星期二
全日休息
星期三至四
17:30 - 23:30
星期五至六
17:00 - 01:00
星期日
17:30 - 23:30
以上資料只供參考, 請與餐廳確認詳情
第二次嚟呢間飲手工啤，味道幾好，但價錢偏貴～happy friday，同朋友放工嚟傾下計，環境又唔錯wor，望下街境，裝修行小小中國風，幾舒服！叫左呢款IPA，有d foam 係面，甜甜地易入口。放工個肚太空啦，想叫下d小食啦，但選擇唔多，感覺有小小貴～最後都叫左個黑松露醬瘋薯伴酒個人都係鐘意酸既醬多過呢類沙律蛋黃醬而個瘋薯有普通薯仔同紫蕃薯，味道怪怪地，唔太香。最後每人都要百幾蚊埋單～
繼續閱讀
朋友極力推介🤔我就黎睇下佢有咩甘好食 環境不錯，中西合璧既設計👍🏻 令人感到好舒服叫左柚子青魚，白酒蘋果豬架配黑松露意大利飯同 叉燒包。仲有兩杯自釀啤酒，Wheat Ale同Amber Ale. 柚子青魚 $68甜甜地好開胃 重點係條青魚去左骨白酒蘋果豬架配黑松露意大利飯$128 個豬架真係勁厚切！！！！ 雖然價錢唔係好平 但味道贏哂 即刻抵番哂 上面d蘋果好q😍🌟溫馨提示 個豬架一定要點埋個蘋果汁勁好味👍🏻 叉燒包$88 勁好彩今日有 聽朋友講黎左甘多次都食唔到🤦🏻♀️上面個菠蘿泡泡甜左小小 不過加埋岩岩燒好既五花腩同饅頭 成個感覺好得意 幾好味Wheat Ale 同Amber Ale $68/一杯個人比較中意Wheat Ale 無甘濃 比較淡味d 有陣果味而Amble Ale我朋友比較中意 濃得黎有小小甜埋單400幾～甘既質素 唔算貴😍
繼續閱讀
琴日唔知食咩好，就上openrice睇下附近餐廳，本身諗住食對面個間西餐廳，但睇過餐牌覺得有啲貴就算數🤷🏻♀️一坐入去中西合璧咁，抬頭見到有三副大既粵劇畫，又有好多個大既放啤酒既野（？）唔識形容，坐低左就叫左個SET DINNER $380 同二杯手工啤+燒魷魚，冇影餐牌🤦🏻♀️🤦🏻♀️🤦🏻♀️入到去得我一枱客，成個過程加埋都係得三枱客，全部都係食完一碟再上，呢個我幾鐘意，唔會hehe冚冚咁隊晒出嚟食唔得切咁，成餐飯食左個半鐘左右，傾下計飲下啤酒都唔錯～ 二個人食左$680左右連加一！
繼續閱讀
星期五晚，晚飯時間，餐廳只有2、3桌客人。點了黑松露雜菌焗意大利飯和鹽酥雞。等了又等，黑松露雜菌焗意大利飯上桌了，我和友人都呆了，心想「甚麼來的？」「都百幾蚊喎！」「主食是這麼「大」碟？小食碟黎渣喎==」有圖有真相（看圖）味道是驚為天人？不是驚為天人的好吃，是驚為天人的普通。從未吃過乾巴巴的的意大利飯，只有面的薄薄一層汁，下午乾得像炒飯那小食盆「大」的份量，不用舀一匙已到底，大概5-6匙便吃完。再等了又等，鹽酥雞上桌。又呆了，心想「炸雞卷黎嘛！」份量今次符合小食的份量，但味道.... 請想像一下，紫菜包著酒味醃過的雞去炸，跟鹽酥沒大關係，而且雞件相當肥膩，滿口都是油。隨雞附上的黑松露蛋黃醬，空口吃還帶淡淡黑松露味，點了雞則甚麼味道也沒有，浪費矣。 而且說認真，醬竟比雞好吃。
繼續閱讀
呢個雞腿菇價錢38蚊，上枱個下我地成枱人都呆晒。我地一行五人，即係等於每人一啖。味道唔錯，但個份量真係有啲尷尬。第二碟係安格斯牛肉粒無黑啤版，好香牛味，但又係每人兩啖，真係餓呀。呢個雞扒闊條面一個份量，雞扒偏咸，闊條面煙煙韌韌，口感唔錯。呢個薯條其實係蕃薯來架，口感好粉我個人來講好露意，再點埋我最愛既黑松露醬，好正！但份量都係少。正堂味囉。no comment。外表夠脆。呢個amber ale係呢間餐廳既自制手工啤，帶有木香同果香味，個after taste 都有，飲落有麥既甜味，好正。芝士西蘭花，睇落無食落咁好味。紅酒蘋果湯丸，我地都麻麻地呢個，事緣佢個紅酒餡好苦澀囉，唔好食。焗豬架飯。勁厚呀個豬架，目測有成三厘米咁厚。唔錯。原價98蚊，今日半價49。抵食！
繼續閱讀