28
16
1
餐廳: | 元気寿司 |
---|---|
資訊: |
為鼓勵食肆透過提供食物份量選擇和採取減少廚餘措施,與顧客共同從源頭減少廚餘,環境保護署推出了「咪嘥嘢食店」計劃,參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼,以供張貼於店舖內和宣傳,供顧客識別。此計劃全年均接受申請,申請費用全免。
詳情可瀏覽:https://www.wastereduction.gov.hk/zh-hk/waste-reduction-programme/food-wise-hong-kong-campaign
營業時間
今日營業
11:30 - 22:00
星期一至五
11:30 - 22:00
星期六至日
11:00 - 22:30
公眾假期
11:00 - 22:30
公眾假期前夕
11:30 - 22:00
以上資料只供參考, 請與餐廳確認詳情
招牌菜
其實呢間,我諗大家都耳熟能詳,咁基本嘢我唔講啦~~ 主要同大家分享今期嘅嘢食首先就係佢呢個帆立貝嘅飯,佢張圖係粒粒飽滿好似好抵價錢$28。點知出到嚟佢勁薄,兩塊疊埋一齊先係佢平時1塊。淨係覺得蝕咗之後就係其實西九龍呢間元氣舖頭已經少咗好多人食,以前都要排隊,依家少咗好多。餐廳分配座位會集合晒啲人一齊,我明白兩個人坐卡位都唔係咁好,但係都唔使人貼人吖😿😿仲有就係唔使等位,但係登入去嗰個門口位冇人睇住,反而要我等返啲職員行返出嚟
繼續閱讀
味道其實都OK只係冇想像中咁好食叫咗個烏冬,蒸蛋同壽司茶碗蒸啲蛋,都叫做滑嘅,但係可以再滑啲佢哋下啲蛋,會有氣泡烏冬就中規中矩壽司就相對普通,唔係新鮮,亦都唔係話差
繼續閱讀
今次用app落單送遞非常準時送到屋企!雖然都住好近 外賣自取會抵啲但放工餓到死死下 行多兩步都嫌攰所以計返好時間 提早落單order送到屋企門口放工返到屋企就啱啱好送到 有得食😬🚩細卷物盛B (共8件)🍤依個set 好啱我口味個人好鐘意食帶有炸蝦既壽司卷配上沙律醬一流👍🏻一共8件有牛油果軟殼蟹卷、炸蝦卷、元氣卷🚩 豪華軍艦三點盛呢個set好失望🤦🏻♀️三文魚籽太鹹 係我食唔慣?!甜蝦蟹膏入口竟然係苦架😭香蔥吞拿魚蓉 得蔥味 冇吞拿魚味?👎🏻🚩芝麻八爪魚呢個價錢唔抵食但口感唔錯 夠爽彈可惜重口味左少少鹹左少少用嚟撈飯幾好😂🚩 軟殼蟹手卷、炙燒鰻魚牛油果手卷味道普普通通 冇咩特別軟殼蟹手卷如果沙律醬再多返啲會好食好多炙燒鰻魚牛油果手卷 鰻魚存在感太低鰻魚配上牛油果 冇咩特別大驚喜呢個價錢同質素下次我會揀返同口味既壽司唔會再叫手卷🚩原味千層蛋糕失望之作🤦🏻♀️味道偏甜加埋最低層既蛋糕胚得十層冇咗千層蛋糕應有既口感之餘仲要蛋餅皮好乾食到邊邊 根本冇曬忌廉所以乾上加乾唔推薦🙅🏻♀️🚩日式芝士蛋糕雖然叫日式但成件cake望落好似美式😂食落以為係重芝士蛋糕質感點知原來係慕絲布丁隻芝士味唔只忌廉芝士咁簡單味道上似Julie’s Le-mond既乳酪車打芝士餅味😂😂可惜我鐘意重芝士蛋糕口感多啲🚩迷你泡芙皮薄餡多係卡士達醬味道略甜但可接受🚩朱古力紐約芝士蛋糕元気免費贈送!!其實好細一件半隻手掌咁細但味道ok 口感味道exactly 係美式重芝士蛋糕
繼續閱讀
人大後無小朋友嗰陣個胃咁細,總覺得放題抵好多,好耐無幫襯壽司店,不過有時經過聞到壽司飯嘅香味都會心思思想食返幾件,所以今次終於嚟食個下午茶。職員有禮貌,壽司款式多又新鮮,唔太肚餓食吓都幾好吖。真係好多年無食過,已經轉用QR CODE落單,另外壽司會用列車模型傳送,小朋友見到一定好開心。海膽壽司,呢個普通。蟹肉蟹膏軍艦,口感豐富。炙燒辛辣三文魚腩,大大片魚腩,好滿足。蒲燒鰻魚,鰻魚汁多啲會更好。三文魚腩。飛魚籽軍艦。炙燒黑椒蠔,無黑椒味,蠔無咩鮮味。炙燒黑椒熟蝦。炙燒珍寶皇帝蟹柳。炸蝦天婦羅,幾脆,幾好味。花の戀,由細到大每次必食。炙燒味噌左口魚裙邊。厚燒玉子 (芝士味),同我想像嘅唔同,麻麻。牛肉烏冬。炸軟殼蟹,新鮮熱脆,好味。
繼續閱讀
疫情之下好多人都會選擇買嘢返屋企食自己都有一段時間冇食元氣壽司,主要都係而家日本嘢真係越開越多選擇亦都越來越多元氣相比之下有時會比下去不過今日都破例食飯咁但係去到夜晚時分可能因為比較人多嘅關係所以外賣要等40分鐘其實都有少少過分而家推出左一個優惠就係買一盤一盤嗰啲會仲有優惠咁係選擇都唔算好多嘅情況之下揀呢啲反而冇咁頭痕味道的確同咁多年來嘅元氣都係一樣我就會平佢為中等水平,北寄貝仍然都會有啲沙,其他嗰啲就恰到好處唔係有太大驚喜
繼續閱讀
您可能會有興趣的...