影片
開飯介紹
此店餃子款式多，甜酸苦辣樣樣有齊‧除了餃子外，一般北方食品亦有供應。店子以前位於旺角女人街，現遷往油麻地，另紅磡亦有一店。
繼續閱讀
附加資料
營業時間：11:00am- 2:00am\r\n付款方式：只收現金
以上資料只供參考, 請與餐廳確認詳情
相關文章
記得第一次去這間店時是2005年的暑假，和一班朋友做暑期工時去食過最後一次是和男朋友第一次約會時去的，其實有D餃子是好好味，如果你地唔好叫得好多花款就OK昨日打算和男朋友去懷念一番，點知結業了有點可惜
繼續閱讀
有晚同女朋友去食, 叫左一客齊齊餃, 一籠小籠包, 重有一杯豆漿. 首先講一下, 樓面位小姐(樣貌)真係幾得, 態度都可以接受. 不過成間舖頭咁鬼大得一個樓面, 落單, 出菜, 打雜至收錢都係佢, 覺得佢都幾超人... (坐左一個鐘後就當然覺得原來唔係果回事啦~) d菜都出得算快, 小籠包出到黎冇幾耐, 齊齊餃都出到黎. 個樣都好似幾吸引咁, 不過食落就... d齊齊餃好似食極都係差唔多, 話明30隻, 每款3隻架嘛~ 點解好似得3款咁嘅? 感覺係有2款每款3隻加埋1款24隻... 點解咁講呢, 因為有一款比較辣, 唔食得辣嘅一定會噴火, 另一款就有一陣酸味, 唔知係唔係d肉餡有問題... 而第三款就可能比較清淡, 淡到感覺唔到有味. 不過佢地三款都有異曲同工之妙, 就係皮厚肉實... 再講果籠小籠包, 真係俾佢呃左我, 佢新鮮出籠係個籠裡面出哂煙, 當然拿拿聲去夾啦! 常識中, 小籠包裡面係好似女性面部皮膚咁充滿水份嘅, 所以一定要好小心翼翼咁夾佢, 唔好太大力就夾爛左就漏哂d水出黎... 點知, 唔知係我太唔小心定係女性面部皮膚老化, d水份完全蒸發人間空氣中... 唉... 好彩杯豆漿重可以落得肚... 不過如果位位俾得出四五十蚊就一定唔會食d咁嘅野囉! 早知上黎睇下食評至去啦!
繼續閱讀
以家要睇冷門電影…似乎百老匯電影中心係首選，所以最近經常會踏足油麻地。今天睇完波叔就走左去春和樓度食餃子，好肚餓…所以一坐低就急不及待叫野食，但係全店居然得一個待應…得個女孩子又收錢、上茶、執、落單、上菜…一腳踢，我都唔忍心催佢。(1)白菜豬肉餃($20/10隻)：味道淡，皮略淋、涵少…一般(2)生煎包($18/4個)：非常油膩，皮勁厚…等如為食飽而食野…差(3)炸菜肉絲湯面($16)：湯得個咸字，d料又唔好食…(4)九菜豬肉餃($20/10隻)：有九菜味囉…好在九菜香囉…全晚最好味(5)炸銀絲卷($13/4件)：其實銀絲卷真係好難會難食…但係依度好乾(6)豆漿($6)：好多豆渣，連豬頭人都唔飲，可想有幾難飲。除左食物麻麻之外，店內環境亦不見得好，真係唔明點解會甘多人黎，唯一可取既係價錢平~ ~
繼續閱讀
1.狀元餃10隻$35~食落好似臭臭哋咁,好怪好難食.2.家常餅$18~煎得好燶.3.菜肉包$6~好大個的,扺!但有時間先好叫,因為要等20分鐘.4.酸辣米線$18~夠辣,但米線居然未熟就上枱比客.米線表面那層雖然入得口,但中心仲係好硬,點食呀?離譜.5.蝦醬通菜$22~OK,但炒得過熟.
繼續閱讀
下課後在走去巴士站途中朋友說還沒吃晚飯﹐便陪她來這裡吃點餃子了。我其實之前在麥奀忠記已經吃過晚飯﹐不過幾個餃子還是可以的。進去坐下才發現原來幾年前有朋友帶我來過一次的。那次吃了個餃子拼盤﹐有10 種不同味道的餃子﹐不過因為都混在一起﹐根本就分不出那種是那種﹐不過都好吃就是了。這次我們要了一客10 個餃子﹐可以加$2 要雙拼的﹐我們這麼多心﹐當然選擇雙拼啦﹗這裡的餃子餡料的選擇非常多﹐最終我們要了京蔥羊肉餃和沙爹牛肉餃。這裡的是蒸餃﹐另外會跟一碗清湯。我再要了一杯凍豆漿。等了一會餃子來了﹐10 個餃子放在一起﹐又是分不清牛肉跟羊肉的。先吃一個﹐沒有羊肉的騷味﹐也沒有沙爹牛的沙爹味﹐吃得我有點迷惘﹐究竟是不是兩個的味道都差不多的呢﹖吃第二個﹐這次分得到了﹐有羊騷味嘛﹗我挺喜歡這個﹐不過我朋友就嫌太騷了點。再吃第三個﹐這次細嘗之下終於嘗到那淡淡的沙爹味喇﹐不過真的是很淡囉﹐不留意就很容易錯過了的﹗p.s. 坐下就有人送上清水兩杯﹐服務ok 喎。剛好我又口渴﹐拿起就想喝喇﹐怎知水上面浮著一層油﹗水杯都會有油﹖那裡來的呢﹖有點耐人尋味﹗p.p.s. 見到餃子太興奮了﹐居然忘了影相﹗>.<
繼續閱讀