影片
招牌菜
今天接老婆仔放工再和她一起去吃下午茶這麼簡單的事竟然之前也失敗了幾次直到今天終於成功我們到了老婆仔工作附近的第一城老婆仔說想吃這間麵館皇坐下才發現原來已經有下午茶可以點我點了27元的香煎雞扒湯麵老婆仔則說仍然想吃全日供應, 49元的金菇肥牛罐湯拉麵還有2杯豆漿先來的是老婆仔的金菇肥牛罐湯拉麵一來到便覺得很香而且看起來很足料雖然價錢貴了點但也是值得的我沒有嘗試到但聲稱不餓的老婆仔也把它全都吃完所以應該不錯至於我點的香煎雞扒湯麵雖然是下午茶但雞扒也很多而且也算香這個價錢來說已經不錯份量也很多沒吃午餐的我也夠食食物也還不是重點重點是終於可以接老婆仔收工一起吃東西還是在昨天經歷過很多挑戰和壓力後這天來得更顯得珍貴
繼續閱讀
午飯時候來到，完全係打仗feel，老闆勁趕客，一食完就比單人。本來呢枱人有五位，但有兩個未到，老闆即刻叫我同友人坐落去，佢仲話我地會好快食完讓返個位出黎……我都唔知嘅野居然個老闆會知，好野。既然黎到，無理由唔食，叫左一人一個午餐，午餐包一個小食，主菜，飯同飲品，三十八起，屬正常價位。凍豆漿，好甜無豆味，好人工但勝在夠凍。小籠包，一早蒸定，所以個皮已經蒸到爛，味道一般。拍青瓜，爽脆辣，幾好。回窩肉，辣得黎又無搶味，送飯一流。口水雞，無雞味無調味，完全靠上面個啲辣椒醬嘅味（啲味好老乾媽辣醬），仲要係雪櫃拎出黎，好大陣雪味，差。飯好大碟但不夠熱。凍檸茶一般，無茶味，但至少檸檬無澀口。未食完已收碟，食得勁趕。老闆不停咁話幫幫手出面好多人等位……下次一定唔會係lunch time再黎，食得太辛苦了。
繼續閱讀
這一家麵館去了幾次，覺得不同食物的質素差異頗大的。曾經叫過炸豬扒拉麵，上桌時，豬扒已經放涼了，也沒有好好翻熱，沒有感受到炸豬排應有的酥香，拉麵和湯也只是普通，令我很後悔沒有叫回我最初嚐到的，最喜歡的灌湯麵。稱為灌湯麵，其實是一款有點藥材香味的湯底，在小瓦撐上沸沸騰騰的上台。湯底濃郁鮮美，喝著令人精神一振。麵的話，我喜歡加3元要手擀麵(另外也有刀削麵、烏冬可選)，咬起來特別煙靭有咬口，帶著點面香。寬闊的面條也能夠帶上很多湯汁，吃起來更加美味。至於配料方面，可以選排骨、牛腩和滑雞。個人只吃過排骨和牛腩，用料普通，但勝在份量十足。吃完了麵吃完了肉(還有少量椰菜)，就已經十分滿足。如果是冬天，應該會讓人感到十分溫暖吧。雖然灌湯麵比起普通拉麵略貴，但覺得的確是物有所值。至於其他包點類，飯類，炒麵/年糕類，因為沒吃過便無從評價了。
繼續閱讀
好耐之前食過佢個早餐, 覺得唔係好掂之後, 一直都冇幫襯過, 但今日因為周圍都冇位, 而見佢仲有位, 於是比多次機會佢, 可能下午茶同早餐有所分別............. 北越海防上海麵 見個名幾特別, 於是問下佢係咩, 原來係2粒肉丸+2片札肉+幾舊蕃茄, 咁都可以一試...........但後來個伙計話冇哂肉丸, 問轉豬扒得唔得, 咁都冇辦法, 都要照轉, 心諗仲抵咗tim~~ 豬扒點都貴過肉丸, haha~~ 首先講下個湯, 係冇味的, 而個麵亦麻麻地, 可能麵質問題, 至於d餸就夠哂多, 有2條豬扒、3塊得半片的札肉、2-3舊蕃茄咁, 冇乜味道可言 雞扒上海麵 個麵未熟得哂, 仲係硬的, 又唔想叫佢番煮, 所以要浸耐少少先食, 不過佢d湯又唔係好熱, 所以浸咗好耐都係偏硬, 但都要照食, 冇計~~ 雞扒估唔到得3舊仔, 少得可憐, 太約得半塊雞扒左右, 同埋剪得唔夠香, 又好似冇醃過咁, 冇乜味 凍奶茶+熱豆漿 凍奶茶唔夠茶味 熱豆漿得個甜味, 冇乜豆香味原來佢呢度假日的下午茶要加錢, 我都係聽到隔離枱問, 我再睇睇個餐牌先見到, 仲要唔只1個人咁問, 即係大部份都係第一次幫襯, 可能佢呢度吸引唔到熟客~ 估唔到呢度有上海麵, 但只係得幼身果隻, 冇粗麵選擇, 所以硬係覺得佢唔係正宗, 唔夠專業~
繼續閱讀
第一城的上海菜選擇不多，不是申一棧就是這間，一個人的話，來這裡是比較化算的。叫了豬耳小吃和上海炒年糕。豬耳份量不算多，味道是後加的醬汁，爽脆但不算滿足。上海炒年糕份量也多，配料也下得重手的，但這裡的不可以算是“上海式“炒年糕，因為醬汁是淡口的。平民化的食店，可以了。
繼續閱讀