影片
以上資料只供參考, 請與餐廳確認詳情
招牌菜
見到個舖面都知道係老字號，忽然想食健康d就入左去～都係圓枱圓凳，燈光夠光猛！坐低一睇餐牌發現價錢好平，大部份$21一碗粥跟住叫左碗皮蛋瘦肉粥～叫左大概一分鐘就已經呈上檯面，效率特快，可能人小既關係吧，不過很早關門，所以大家要試就最好7點前光顧吧！食緊既途中發現不少人叫外賣自取～睇黎已經儲落一批熟客仔～驚喜既係價錢咁平，竟然好好味，粥夠綿，料夠足！瘦肉夠入味！係而家香港少有既粥店！下次會試其他口味同食腸粉～
繼續閱讀
已經食過幾次上菜快粥足料夠綿滑 滑粉滑 同埋佢地個菜單單一 做既野都比較專一 所以做油器個d 都好脆 同d 油好乾淨但店鋪略嫌太細 有時唔夠位坐但店鋪睇得出好多老師傅 之前都試過炒麵 夠鑊氣 好好食
繼續閱讀
之前在牛頭角的熟食中心吃過一碗美味的靚粥，粥癮大起，又怎會卻步，於是在旺角公務完後甩開同事，一個人專程去吃粥。只是約二十元的一碗皮蛋瘦肉粥，便宜是很便宜，又且看有幾高。首先，粥底較為烯薄，撈多幾撈，幾近水化，足証米的份量不多；但粥底還是夠熱夠滑，調味尚可。未知是否因為整碗粥很細碗，感覺料特別多。皮蛋是角切的，既大件又厚重，吃後皮蛋的香氣得以在嘴裡徘徊良久。浸在粥裡的鹹瘦肉份外味美，每一口粥都是料，吃料吃飽。每家的粥，都有其可取之處，於願已粥！
繼續閱讀
香港老店買少見少, 我已做了錢江支持者十分多年, 支持老店, 並非好好食, 但都想傳統粥店繼續生存, 保留一點人情味, 一點懷舊。來此店的食客多是街坊, 速速食完, 快快走。先講講價錢, 十幾廿蚊一碗粥, 係香港真係越來越少有, 糖水: 綠荳水, 芝麻糊都係$12, 炸兩腸粉$11, 12, 平民價錢吸引不少街坊幫襯.今次我點了豬紅牛肉粥, 粥算是綿綿, 不會太水水的, 有4-5塊豬紅, 唔錯!炸兩, 油炸鬼脆口, 唔似隔夜再炸, 腸粉嫩滑.芝麻糊, 有人說是用粉開水, 我又唔多食得出係咪粉開水, 但對我來說, 啱我口味, 唔太甜, 又唔會 “傑撻撻” .食後感: 平民價錢, 份量不算太大份, 很啱女仔個胃。
繼續閱讀
跟男友在旺角逛，未到晚餐時間有點餓，想吃點東西暫時醫肚，看到這間價錢相宜，吃粥品又清新一點就進去了。餐牌貴精不貴多。我們點了一碗粥和一碟腸粉。艇仔粥內有免治牛肉，魷魚，豬皮等配料，就是典型的，材料好多，每匙都有配料能吃到。粥底綿的，不錯呢。反而對腸粉就很失望了，一夾起就斷掉，已知不妙，咬下好粉，沒有軟滑的感覺，不喜歡。那裡的姐姐好nice，見我倆只點那麼少擔心我們不夠飽 粥品是抵食的，但腸粉就真的不敢恭維了。
繼續閱讀