影片
以上資料只供參考, 請與餐廳確認詳情
話說在前頭︰其實這篇會比普通而不是比「喊」或「笑」，是非戰之罪，事關當天食完此店後，本人身體毛病發作，又暈又吐，進了急症室，把前一晚的薯粉吐個乾淨，但此毛病與腸胃無關。單論味道，此店出品是不差的，所以此篇的「普通」實屬非戰之罪，但我把薯粉吐得乾乾淨淨是事實，所以各看倌儘管自行判斷，謝謝～2010年8月23日，是所有香港人都會記得的一個該用黑色筆去寫的悲傷日子。為了紀念事件中的英雄領隊和無辜亡魂，是日放工，直奔旺角，在紀念本上簽上祝願後，便默默地帶著悲傷在旺角獨自流連，尋找吃飯的地方，當流連到登打士街，看到此店，突然想起此店在openrice上頗受好評，又是賣我熱愛的薯粉，於是便衝入去一嚐。menu方面已有食友拍過，加上當日只有畫質甚差的手機在身，便不再多拍，只拍了所選食物。選了一人餐的酸辣粉，配上一隻雞脾份量的口水雞，再加一碗油菜，飲品要另外加購。看文字描述以為份量很多嗎？其實薯粉的碗是淺的平底碗，薯粉份量只有半個飯碗左右，如果男士或是較大食的女士們便可能不夠了。味道方面，無論口水雞或是薯粉，都有足夠的酸辣味，口水雞醬料惹味，我喜愛的芫荽青蔥份量甚足，只是相對地花生也很多，很不巧地我不喜花生，卻不幸地忘了要走花生因為是涼菜的關係，雞是微涼的，雞脾的腳跟位置爽脆，只是味道是味覺遲鈍者如我也吃得出是急凍貨色 因為雞肉只有酸辣味，卻沒有肉味薯粉算是煮得夠煙韌的，在我而言，便已是合格了，但是如果40多元的一個人晚餐，便未免太昂貴，更何況吃的竟然是雪藏雞？小店店面不大，吃完離座之時，果然渾身就像其他食友所言，都沾了一身酸辣氣味……步離店子，看著街頭的電視直播著客死異鄉的港胞遺體回港的新聞，也幸好這身上沾的是四川酸辣之氣，而非菲人的笨氣，否則，又豈對得起八位無辜枉死的英魂？願死者安息。願真相早日水落石出。
繼續閱讀
這間的套餐很抵食的...有酸辣粉+菜+小食...都只是$4X~5X 個酸辣粉很辣的，但是很夠味，不是只有辣...個小食要串燒比較好一點，其他如"口水雞"不是太好吃的~串燒也是賣點，但因是即叫即燒，要等很久...不過真是很有口準的~最特別是只有個哥哥仔用小炭爐在門口燒...好有味道的...哈哈~ 地方是細了一點呢，只有幾張枱...要等位~叫多幾款串燒，小食都放不下咁~整張枱都是東西，好似好大食那樣... 但不是太環保的...多是用即棄的用具...可能是不用多請個人清洗啦~
繼續閱讀
今晚6:30由尖沙咀天星碼頭開始---食丫---- XTC→Kraze Burger→炒麵麵包MOKIKO→串爆酸辣粉→日出茶太 第四站:串爆酸辣粉地方實在峽窄,好在我們晚上十點幾才吃,得幾個客人.招牌酸辣粉--->配料及湯底都好好,夠酸夠辣,不過失敗在薯粉,"林"嘅.羊肉串--->味道夠又香口.可惜分量小,而且小了一份BBQ的味道,因為佢似係炸而唔係燒.鹵水豆腐--->這個我最喜歡,清得黎又夠入味.
繼續閱讀
上網睇食評, 見到都有幾多網友讚,又見到啲相影到幾吸引,終於搵日放工同BF去試下。碗粉一黎到, 好紅呀再試下啲湯先,夠晒酸, 麻同辣, 越食越開胃,同BF仲叫咗幾串既串燒, 同埋一杯豆獎,不過間鋪頭細細, 黃金時間要等位,不過都值得一食~~
繼續閱讀
因為食評同本身自己鐘意食酸辣粉o既關係....今晚終於約埋朋友仔, 一行3人去試食...點知.....佢地張枱真係細左d.....叫左3個餐 (口水雞, 紅油抄手, 串燒).....成張枱Full 晒....我地3 個都係叫左個招牌酸辣粉....但....偏咸, d 粉又"林", 2位朋友忍唔住要加返d 清湯口水雞...不過不失.......全晚最好食係個紅油抄手....食完之後........由滿心期望變成幾咁失望......可能真係人夾人緣....個人上比較喜歡d 粉係煙韌o既質感.....但依間....真係唔啱我胃口
繼續閱讀