影片
電話號碼
2327 3368
營業時間
星期一至日
11:00 - 22:30
以上資料只供參考, 請與餐廳確認詳情
招牌菜
店名：金牌小龍 King's Dumpling地點：新蒲崗太子道東638號譽港灣Mikiki商場一樓118號舖(1) 紅燒豬手；(2) 紅燒牛肉粗麵；(3) 金牌小籠包，因為持有優惠劵，所以全部約值百餘元。食物的色香味如何：全部食物不算油膩。豬手炆得軟滑，味道十足，只是件數不多；牛肉麵湯底味道濃郁鮮味，而且牛肉件數算多。環境：充滿中式格局，裝修富麗堂皇，而且整潔舒適，實在傲視同區。服 務：很有水準，不時為客人添加茶水。衛生：良好。抵食：價錢略貴，偶爾光顧無妨。
繼續閱讀
突然好想食小籠包，新浦崗附近又好似無邊幾間選擇，結果行左去Mikiki地庫呢間「金牌小龍」試試，我和男朋友一共點了4個：1. 「菜肉雲吞上海麵」 - 普普通通，味道偏淡，我要勁落醋先有d味。2. 「排骨上海麵」 - 排骨其實即是豬排，同麵分開上，豬排d肉好淋有肉汁，不錯。3. 「金牌小龍包」(1籠4個) - 普普通通，外皮較厚而能保住湯汁，ok4. 「酥片豆沙窩餅」 (1份8小件) - 有驚喜喔~!! 酥脆外皮，包住濃濃的紅豆內餡，好好味~整體環境不錯，食物精緻，不過食物收費都算中上價錢，唔怪得都無咩人食，全場計埋我地得3台客，搞到d待應得閒到成日圍埋一齊傾偈，而且除食物收費外，還要每人收$3茶錢，再收加一，係地庫Food court位置有呢種收費都算貴了。。。
繼續閱讀
是晚無緣去Antoshimo吃炸麵包便當，唯有轉戰商場內其餘的餐廳，但除了金牌小龍外其他的我都不感興趣，那就去重溫一下吧。此分店的面積大，地方相當闊落，放有的枱量又不會太多，令到其空間感夠充足，不會坐到迫迫的，舒服也。餐廳的一邊是落地玻璃窗，雖然無景觀，但勝在夠光猛。(注：此分店在8月3日會搬到Mikiki地下繼續營業)坐下後，店員隨即奉上一壺茶，茶是指定的，味道似鐵觀音，都幾香。餐廳沒有提供套餐，全部都是散叫，選擇雖然不多但都有合心意的款式。點餐後不用五分鐘已經有食物來到，哇，效率極快呢。小籠包就一定要吃的了，金牌小籠包$36有四粒，不貴。我們前後點了兩籠，前後只是相差15分鐘，但件頭就以後來者較大粒﹗外皮夠力度，用筷子夾起後並沒有出現穿窿的問題，皮子鬆軟，不會硬，豬肉餡十分新鮮，肉汁豐盈，相當美味。黑醋是整支放在你面前可隨便任吃，yeah。薑絲有辣勁，正。另一款點心是蝦肉蒸餃$36，望落軟爬爬但食入口才察覺並不是呢，餃皮是有韌度，絕不是糊淋的口感，蝦肉和豬肉無論在味道和肉感上都是合拍非常，而且鮮味十足，滿分﹗上次試過什綿豆乾絲$30，因為很美味所以再吃多次吧﹗主要有豆干﹑海帶﹑芽菜﹑韭黃，量多得很，30元真是超值﹑抵食﹗用麻油及少少辣椒絲作調味，微微辣又帶著麻香，非常正，友人都覺得這個很好吃。想來碗有餡料的湯，選了較為清淡的菜肉餛飩湯$38，內有七粒餛飩，每一粒餛飩都十分美麗，沒有破相。雞湯混入了少少麻油﹑蛋絲及紫菜絲，簡單但又好飲喎。雲吞皮嫩滑得很，入面用了白菜加豬肉，比例為八比二，滿滿菜香，口味清新，不會過膩。因為怕不夠，要碗最細份量的台式擔仔麵$36，想起我早幾年前在台北度小月吃過擔仔麵，美味都爆燈，諗住重溫一下擔仔麵，點知在這裡會中伏了。論賣相算是精緻的，麵條上放有肉臊﹑滷水蛋﹑蝦﹑蒜蓉及香蔥芽菜，可是味道方面實在很遜色。湯，淡而無味，麵條只有丁點雞蛋香，所用的肉臊比較淡，而且份量太少，不足以用肉臊混在湯中增強味道來，也不夠肉臊伴麵條吃，上次試食後，我對餐廳內其中一款甜品相當感興趣，今次終於可以試試是什麼來了﹗赤豆鬆糕$28，白色鬆糕中有紅色綠色，那些點點食落口似糖膠粒，糕身不太鬆軟更有少少鞋口，並不討好，吃到中間位算是有少少驚喜，因為入面有豆沙餡呢。雖然飲茶也可以不過見好多人都飲豆漿$10，我又忍不住要一杯。有豆香，不太甜，不會黏喉，好飲﹗跟大隊都好少會出錯。由於我們不是太肚餓，所以今晚餐飯就只有幾款點心做主食，人均消費不太貴，但如果要叫餸吃飯，加上在我極餓狀況底下的話 XD，每人要$250+吧。(飯餸價錢都頗貴哦)
繼續閱讀
因工作關係今天要去新蒲崗，我們都不知道新蒲崗有怎麼好食的，就和同事去了金牌小龍食飯，見佢食物種類應該是台灣菜吧，佢食物質素唔錯好好味。小籠包肉好鮮包夠熱，包裡面有好多汁，我們食時要特別小心怕汁彈到周圍。紅燒牛肉麵牛肉好香好嫩滑，麵好幼新鮮彈牙。炸醬拌麵炸醬肉味道好濃好野味，同麵一起食味道好夾油而不膩。三杯雞這個菜煮得好出色，送到枱時已香氣撲鼻，雞肉好新鮮味道濃郁，吃時吃到陣陣酒味好香。聽店經理親切的介紹原來有台灣廚師駐店料理，難怪我吃到那些菜跟我去台灣時吃地道台灣菜味道差不多，有機會要帶朋友同屋企人來試下這裡的地道台灣菜。
繼續閱讀
母親節正日要找餐廳食飯真係好煩, 周圍都full又要分時段, 諗住去mikiki搏一搏, 因為少人d晚上8：45去到，真係唔使等，正！3個人叫咗小籠包, 紅油抄手, 薑汁炒芥蘭, 豬手, 擔擔撈麵, 韭黃鍋貼, 都係正常嘢, 不過不失, 掛住食唔記得影相甜品叫咗紫米八寶飯同豆沙鍋餅, 豆沙鍋餅好有驚喜, 個皮用酥皮做, 值得推介！
繼續閱讀