83
4
0
營業時間
今日營業
11:30 - 21:00
星期一至日
11:30 - 21:00
以上資料只供參考, 請與餐廳確認詳情
食家推介
日日新鮮熬製的番茄湯底, 連番茄都打成蓉放入湯中, 絕對真材實料, 吃到啖啖真正的酸酸甜甜番茄肉🍅, 我比較鍾意佢帶酸夠天然, 而非只用茄膏茄汁做的味道. 呢度嘅份量超級大碗, 基本上男仔淨食碗麵都夠, 加埋野飲同小小口痕嘅小食就嗌套餐抵d特級牛魔王有齊牛肩胛、和牛𦟌、厚切牛舌、牛骨髓🐮 其中最吸睛莫過於成條骨裝住俾你用匙羹刮牛骨髓食, 好似高級法國菜咁🦴 我最鍾意就係和牛𦟌, 腍滑到不得了 牛舌有成吋厚又係勁腍! 牛肩胛薄薄地少脂肪, 就係食佢嘅牛味. 另一碗嗌咗鴨, 唔係ready-made嘅煙鴨胸, 係超級驚喜 厚切鴨胸扒超厚肉又夠juicy, 啖啖肉真心正又無game嘅腥味🦆鴨皮烤到焦香, 小食揀咗特濃煙燻芝士擺上去係絕配🧀 麵最主要有兩款, 刀削麵夠爽口彈牙上海幼麵就掛到好多湯, 食到好似沾麵咁🍝其他小食仲試咗忌廉蟹肉薯餅, 新鮮即炸外脆內軟, 個心好creamy🥔餃子細細粒係手工製嘅, 皮薄豬肉餡多🥟 套餐包埋兩大杯花茶凍飲, 真係好豐富🌼餐廳係Mikiki地庫一田外有一行食肆, 算係易搵位唔駛排隊, 光猛又坐得舒服-特級牛魔王 (套餐$164)(刀削麵|必食忌廉蟹肉薯餅(2件)| 雜香果菊花茶(凍))輕煎三味鴨 (套餐$118)(上海麵|特濃煙燻芝士|檸檬百香果花茶(凍))媽媽手工餃 ($22/3粒)-蕃茄仔新蒲崗Mikiki LG樓LG7A號舖九龍灣Eastmark 1樓7號舖1130-2100銅鑼灣希雲街5號地舖1200-1630, 1800-2130
繼續閱讀
前排去咗新蒲崗嘅mikiki商場，以前成日黎，依家隔咗好一段時間無黎，就見到呢間新開嘅---🌟蕃茄仔 | Red Object🌟餐廳係以蕃茄為主題，就連佈置裝修同顏色都係圍繞住蕃茄，幾特別✨️每個套餐都包小食、甜品同飲品，我覺得性價比幾高，小食可以選擇嘅款式都好有誠意，食物味道又好食💕._.🦀 | 套餐：黄金蟹皇配原隻磯燒鮑魚拌麵 | 🦀（+$12配特濃煙燻芝士、+$10轉米製通粉拌櫻花蝦）小食：65度有機温泉蛋飲品：+$15 IF Coconut Water見到蟹又係心心眼嘅時候，仲要撘配一隻磯燒鮑魚，完全滿足曬我想食海鮮嘅慾望☺️蟹膏蟹肉嘅拌面，滿滿嘅蟹肉分佈曬係啲面到，啖啖都食到濃濃嘅蟹肉蟹膏味，味道較濃，配上淡味嘅米製通粉好夾，有啲似短版嘅米線感覺，仲有啲櫻花蝦增加口感😆.🐂 | 套餐：牛魔王刀削麵 (雙拼) | 🐂（+$12配特濃煙燻芝士、+$8麻辣蕃茄湯底小辣)小食：必食忌廉蟹肉薯餅(2 件)飲品：三角茶包焙茶(綠茶)成碗嘅湯底係濃郁嘅蕃茄湯，湯嘅味道唔會過鹹，完全可以當西式蕃茄湯咁飲，每啖面再飲啖蕃茄湯好perfect👍🏻蕃茄湯底黎講我幾鐘意呢種，所以覺得好出色，令我印象深刻可以再食多次✨️._.
繼續閱讀
#新蒲崗 #茄蕃湯 #牛骨髓 #良心小店 💛究竟百幾二百蚊碗麫，值唔值得？試過你就知喇～ 舖頭位於mikiki地庫，一田隔離。原來以前嘅餐廳，大部分都換晒，其中一間變咗蕃茄仔✨。如果你同我一樣係蕃茄鍾粉，真係要必試！最重要重要重要係食辣！佢個湯底好似用了一百個蕃茄整出來咁，超濃稠，基本上飲湯都飽，再加埋佢個麻辣，完全加分。//特級牛魔王//牛肩胛 | 和牛𦟌 | 厚切牛舌 | 牛骨髓有四隻唔同的牛，都係賣幾百幾蚊一個set!!牛骨髓要刮出嚟食，勁重油脂感，好濃好香另外和牛𦟌好腍身，好入味。呢個價錢，有咁多款牛食，其實真係唔算貴。我仲多滑加了芝士，韓式拉絲咁樣樣，細食女仔唔好學我，因為真係飽到full 。//牛魔王 配烏冬//牛肩胛 | 和牛𦟌 今次揀了稻庭烏冬，比其他更掛湯！個人更加鍾意，牛𦟌勁厚切，有陣淡淡的滷水味，而牛肌胛輕輕煎香過，好重牛味。Dinner Set 會有飲品跟甜點，果段揀了奶茶！茶走，係無得輸，香滑亦好濃味。記得記得要試！必食忌廉蟹餅，真係如其名，必食！ 外脆內軟好重忌廉味！ 跟餐仲有一小件蛋糕，餐後甜點都算唔錯架！
繼續閱讀
再次來到新蒲崗找美食去！可惜太晚來到人氣粢飯店已滿座加上大排長龍，唯有再物色其他美食；走下走就來到大型商場，想起這邊有一間蕃茄湯麵店評價很不錯，就來試試久違的蕃茄麵晚市套餐：牛魔王（雙拼）配自家製蕃茄湯麵 $126（轉稻庭烏冬 +$8）（配飲品跟甜點）必食忌廉蟹餅 $30/3件食材配搭沒有太多，不過早已聽聞牛肉類最受歡迎，選了以牛𦟌肉跟安格斯牛肌胛這個組合的「牛魔王」，也加錢轉吃稻庭烏冬！湯頭是店家自家製作，蕃茄味道超級濃郁，是新鮮酸甜沒半點茄醬茄膏的味道跟味精，很愛蕃茄湯的我對這湯頭完全是一喝即愛上！稻庭烏冬口感煙韌，掛湯力強～ 說到兩款牛肉份量不少，牛𦟌肉切得厚厚，入口腍滑又不至於沒咬口還帶點點膠質，滿滿的滷水香氣，入味不過鹹，好吃；切成薄片的安格斯牛肌胛就是截然不同的口感跟味道，吃得出來是火燒過的香氣，肉味濃郁，熟透但不會老，又是好吃！套餐還附送飲品跟甜點，冰涼的雜香果菊花茶重果香，茶味微微甘澀不時滲出菊花味，蠻有趣的配搭；是日甜點是tiramisu，入口軟滑有咖啡酒香，意想不到這個品質很好啊，小小一份不多不少，整個味道屬於高上水平！套餐以外還點了一份人氣食品：必食忌廉蟹餅，開宗明義說是「必食」就看得出店家對這個食品有多自信，可我是一個完全不愛吃可樂餅的人就看是否能夠讓我改變看法，只可惜味道上未能驚艷到我，也沒欠缺讓人必食不可的味道，蟹味欠奉只吃到單純外脆內軟的口感跟忌廉的味道，十分普通有點可惜店家以出色的自家製蕃茄濃湯而受到食客注目，目前已經有3家分店，在九龍東就有其中兩間！平實簡約的裝潢沒有打卡位，勝在味道好以品質取勝，漸漸以口碑成功吸引客人～ 周五晚到訪新蒲崗店不算太多人，始終地段問題生意始終會受影響；如果有機會在新界開店就更好了！
繼續閱讀
蕃茄仔個招牌蕃茄濃湯好吸引，已經食過幾次😳今次轉態食招牌麻香拌麵，原來別有一番風味，又係勁好食！佢比蕃茄濃湯多咗一重惹味👍🏻而且啲配料例如炸蒜片、木魚絲撈埋一齊食，口感非常好🫡我哋今晚叫咗兩個晚市套餐🤩有飲品又有小食，又有甜品，勁抵食😎牛魔王（牛肩胛同牛𦟌）招牌麻香拌麵: 牛肉勁正又香濃🫡小食叫左忌廉蟹肉薯餅，有2件，外皮香脆入面啲餡又creamy🤭芝士澳洲和牛漢堡招牌麻香拌麵：呢個揀咗刀削麵，粗身麵條口感好豐富❤️小食配咗個溫泉蛋，撈埋個拌麵一齊食，蛋香十足🥰當然個芝士和牛漢堡非常出色，啖啖肉好紮實😍個餐包咗一個小甜品，係Tiramisu🤩有幾出色喎😋
繼續閱讀