影片
港鐵屯門站 C1 出口, 步行約9分鐘
繼續閱讀
電話號碼
52815479
營業時間
今日營業
07:00 - 23:00
星期一至日
07:00 - 23:00
以上資料只供參考, 請與餐廳確認詳情
放假日屯門友約我出嚟食雞煲，見佢帶我過天橋，我仲諗住係食xx廚房嗰間添，點知係去咗佢旁邊嘅麗馨小廚。時間尚早仲未多客，坐低就叫咗個雞煲，然後睇下有啲咩小食叫過下口引先😆⭐胡椒豬肚雞煲叫咗胡椒豬肚雞煲，應該喺呢度名物嚟啦，我見之後入嚟嘅食客都係叫呢個😋雖然係半隻雞，但係份量一啲都唔少，雞件超多，豬肚又多，仲有唔少鮮淮山添，一打開蓋已經聞到香噴噴，胡椒味濃但係唔過鹹，好味到連湯都飲埋😋雞件有雞味，有咬口，應該係新鮮雞嚟喎，水準係唔同啲嘅。⭐唐生菜淨係食雞煲太多肉，都係淥返條菜食平衡下啦😆⭐普寧豆腐朋友推介普寧豆腐，於是我哋又叫咗一份，即叫即炸的豆腐，雖然簡單但真係好好味😋豆腐外脆內嫩，點埋個韭菜鹽水就更正。個醬汁有韭菜同蒜香，鹹鹹地又帶微辣，鹹香惹味😋⭐尖椒皮蛋仲叫咗尖椒皮蛋，個皮蛋好綿呀，溏心好正😆辣椒已去籽唔辣的，咬落香口爽脆，個辣汁就少少辣啦，仲有蒜香同芫茜香，加埋花生更香口，整碟都好好味😋⭐凍檸茶食咁多嘢最好就係飲返杯冰涼嘅凍檸茶，酸酸哋有茶香，正好解膩👍過咗一陣就全場滿咗，大部分人都係食雞煲，有少部分食烤魚，場面非常熱鬧😆
繼續閱讀
小店原名「杭州牛肉麵」，2個月前於新舖位開業並改名為「麗馨小廚」，餐牌提供火鍋、烤魚、湘/粵小菜及小食。椰子雞煲 $288半隻 $198 / 一隻 $288走地小雞，肉質嫩而彈牙，雞皮乾淨，完全無雞毛椰子湯底，好飲！每啖都充滿蔬菜清香和椰子水清甜，湯料仲有紅棗、淮山、杞子、西芹椒鹽鯇魚腩 $68熱辣辣，炸炒得乾身，蘸配辣椒豉油酥炸雞中翼 $32即叫即炸，熱辣辣，雞翼大隻，啖啖肉生菜 $30凍檸茶 $15凍豆漿 $15_______________麗馨小廚 (屯門)屯門仁愛堂街1-43號麗日閣地下3-4號舖_______________
繼續閱讀
今日上完堂入屯門搵朋友食晚飯，佢帶咗我嚟呢間新開佢想試嘅中菜館Menu好多選擇，裝修同價錢都好街坊😄⭐️剁椒蒸鯇魚腩鯇魚都幾大舊，肉厚～剁椒好有風味，唔會太辣，幾開胃👍底下仲鋪咗大豆芽，娃娃菜同豆卜，超入味！❤️薑汁芥蘭炒牛肉芥蘭爽脆冇澀味，牛肉份量幾多尚算嫩滑，性價比高❤️招牌黃金大蝦啲蝦超大隻！連啲蝦殼都炸得好脆，可以食埋👍鹹蛋黃味超濃郁😍蝦肉肉質爽彈😋#屯門美食 #麗馨小廚 #屯門中菜 #屯門川菜 #中菜推介 #鹹蛋黃大蝦 #黃金蝦 #剁椒蒸魚 #芥蘭炒牛肉 #抵食中菜
繼續閱讀
身為屯門牛，平時去仁愛街都係食大排檔多，最近天氣咁反常，見到間新開嘅室內餐廳就入左去試試， 最爽嘅係可以將架車泊係門口，睇住架車之餘又唔怕淋雨😍打開menu，勁多小菜可以選擇，今次試左老闆大推嘅大盤雞🐥 一上菜第一時間就聞到勁香，食落去係脆口嘅，肉質嫩滑，而且惹味，估唔到會比韓國炸雞好食添， 份量重要唔少$168就已經有半隻雞，隔籬枱見到都被吸引，即刻要叫番碟😂另外叫左碟湖南蛋包豬肉餃🥟，老闆話係佢地親手包嘅，係香港好少食到， 用蛋去做個餃子皮，真係又香又好味（平時食餃子，我成日都覺得D餃子皮好厚，感覺似食面粉多🤫但係用蛋黎包就唔會有呢個問題）入邊餡料亦好足，隻隻餃都大大隻好滿足😌韮菜牛肉餡餅即叫即整，上枱係熱辣辣嘅，一咬落去裏面嘅湯汁就流晒出嚟，要用湯羹接住先唔會浪費每一滴嘅精華，所以食嘅時候要好小心，燙親條脷就唔好啦～店員都好貼心好有人情味，就算好多客，都會過嚟細心講解同問吓意見傾下計咁，淨係呢種人情味都已經好足夠～麗馨小廚 (屯門)屯門仁愛堂街1-43號麗日閣地下3-4號舖#天天飲食_屯門#天天foodies評分：8.5/10#麗馨小廚 #屯門 #屯門美食 #雞煲 #大盤雞#川菜 #湖南菜 #食在屯門 #仁愛街 #hkig #ilovesharefood #beef #foodphotography #foodphotos #hkfoodblogger #foodblogger #相機食先 #手機食先 #全力食 #instafood #偽食家 #食好西日 #食評 #hkfoodies #yummy #delicious
繼續閱讀
今日同阿媽去咗附近市中心食晚餐😎😎經過見到呢間新舖頭所以去試吓👍👍 附近嘅餐廳主要都係食雞煲同埋烤魚，當然呢間餐廳都係不過亦都有其他小菜可以選擇煎餃韭菜豬肉-$24 隻隻都十分之足料，而且都十分之大隻👍啫啫雞煲-$98呢個係一個二-三人嘅雞煲，啱晒一至兩個人食唔會太大份，亦都唔會太細份👍😎 而且雞肉仲十分之滑😍都係雞髀附近黑椒薯仔牛柳粒-$108我阿媽就最欣賞呢一套菜，因為佢嘅薯仔整到好似番薯咁甜👍👍😎 而且牛柳粒都非常之入味隱藏餐單😎 問老闆娘有咩推介老闆娘仲比我哋試咗炸小蘇肉，本身以為係非常之熱氣，但係食落又鬆脆幾好食👍😎 仲有油浸黃花魚👍😎佢炸咗條黃花魚，然後淋上平時嘅蔥豉油已經非常之好味👍地址：麗馨小廚 (屯門)屯門仁愛堂街1-43號麗日閣地下3-4號舖
繼續閱讀