影片
以上資料只供參考, 請與餐廳確認詳情
食家推介
天氣咁熱，所以同朋友去吃四川菜，呢間店老闆同老闆娘很好人，雖然食物款式唔係咁多選擇，但可除意加材料的。冷盤今次只選咗兩款最喜愛嘅雪耳同尤魚因我的朋友唔係咁食得辣，所以口水雞分汁上，隻雞唔點汁都好好味最後加多個水煮魚BB辣，飽哂
繼續閱讀
中午要到屯門市中心搞搞屋企嘅私事由於屋企人都唔食辣野！ 但自己又好鍾意食喎！難得自己一個就走去搵吓🌶🌶食上網搵吓之下發現咗虹橋附近有一間叫做重慶嘅辣嘢食！聽個名已經覺得好似好正宗！所以專登去咗食！當日12點鐘左右去到啱啱坐低的時候人流唔算好多！而室內嘅環境裝修亦都唔係好華麗...真係好似做緊地道街坊生意咁...食物嘅款式唔算好多但係價錢真係十分之便宜！我點了一個水煮肉片飯只係＄35上餐速度十分快...唔使5分鐘好快就黎到！ 這個水煮肉片飯跟平時食的好唔同，佢只有大量嘅大豆芽和肉片！反而就缺乏左平時嘅好多配菜！味道同辣味都好夠！可能真係一分錢一分貨啦！我高估左佢嘅味道！當我食飯嘅途中開始越來越多街坊及地盤工人過嚟食飯！我見到人哋嗌嘅藥膳湯飯都好吸引！有興趣過嚟試吓嘅朋友都可以試一試！但如果要專登過嚟嘅話我諗我未必會有下一次
繼續閱讀
天氣開始涼涼地，最啱同朋友打邊爐，三五知己都係好辣之人，於是相約去食麻辣雞煲再打邊爐，麻辣味十足，再叫埋豬腸肥牛，仲有吸味響鈴，再炒碟四川臘肉椰菜，加兩支啤酒，飽肚之餘，價錢相宜，老闆態度及環境衛生一流，屯門雞煲邊爐首選。PS:平時經過小店其實仲有各種麻辣涼菜，可惜當晚8點先去到已經賣晒，而且座位不是太多（約30位），所以要去嘅話要早少少。另外當日店內有人食緊藥膳雞鍋，香氣都很一流，下次可以一試。
繼續閱讀
一直對呢間屯門四川菜小店情有獨鍾，上次食完佢嘅晚飯小菜之後，夠辣，又夠麻，爽，所以一直都好想去食埋佢午市果個酸辣粉。因為晚市並不提供一碗單點的粉面或碟頭飯阿咁岩今日時間許可，午餐一於去試試，一入到店內，都是小桌，熱情的老闆，單點淨酸辣粉一碗，並沒有任何的配菜。五分鐘後，期待已久的酸辣粉已在眼前，小配味菜很多，酸豆角，辣椒等，香味撲鼻，先試湯底，小辣並不太辣，可更多，但並沒有麻味，粉的味道比較軟身，未夠彈牙，比我晚市食的遜色得多，賣相及味道與我想像中的酸辣粉有較大差別，看來下次只能再光顧晚市時段了
繼續閱讀
今天又係冇乜特定原因去吃晚餐，又唔肚餓，於是一家三口，走去吃水煮魚一味，平時要等位，今天不用，所以快食一頓，只叫水煮魚三人吃，78元，加薯粉16元，加多個飯就夠，汁多，魚多收78元真扺，又夠麻辣，正。老闆又熱情招待和老實。
繼續閱讀