影片
以上資料只供參考, 請與餐廳確認詳情
招牌菜
去完大陸旅行...上面真係冇啖好食所以夜晚8點幾返香港梗係對自己好d....去鋸下排...記得椰林閣平平地...之前係華都執左又開返都未試過就試下啦!一入到去...睇完menu我就叫左個蒜蓉汁配肉眼扒男朋友就叫左西冷餐湯飲紅湯...好濃郁,,不過辣左少少之後重頭戲黎啦我個餐黎先睇落好似好yummy....食落先知出左事!!我個扒係叫五成熟...本身我冇諗過有得揀..始終都係比較低價既餐廳..但係落order時waiter有問..我咪答五成囉!肉眼比較咬口....如果太熟好韌架嘛!點知我一切開...再放落口...發現好似食香口膠咁囉!!再由最中間切開舊肉...居然連個心都係熟晒既唉...唯有焗食啦....未講個飯...舊飯好硬..唔熱...食左一啖就冇食了之後我男朋友個西冷都黎左...佢個個叫七成熟....今次真係差唔多啦....食落都仲有肉汁...唔會太韌...西冷本身肉質好腍...所以唔太熟就已經好好食一定好食過我個舊好多囉!佢揀意粉...意粉只係用水白烚,,,唔好食真係死=o=撈d汁都ok既...總括黎講...68蚊一個餐加埋一都係70多蚊咁既價錢有舊牛扒加意粉或飯食到你飽...仲有湯同野飲在西餐黎講已經好抵食了!
繼續閱讀
第一次吃超差的海南雞飯, 雞肉無味, 油飯是生的,一粒粒, 向餐廳反映, 再換一碗都係生的, 提議再煮熟, 換來答案是油飯已售罄,轉碗白飯, 但仍然收原價$58!!! 隔鄰酒樓的有雞味之白切雞飯一盒只售$16!!用四倍價錢吃一碟佢話馳名海南雞飯,真是粒粒皆辛苦,皆辛苦, 還有所為特級西冷牛排餐,都係雪藏的,但收$128!!!馳名的是生!!!特級係雪藏!!!有位都不會再去用餐!!!
繼續閱讀
那天和太太睇完戲,已經2點幾接近三點,行經椰林閣見到有下午茶餐,所以決定試試.太約等了10分鐘便有位,見到下午茶餐都有很多款式,有扒飯類,炒粉麪類,焗飯類,多士類等.我和太太選擇了焗意炒和焗螺絲粉.可以,但可能茄汁比較濃,沒有什麼芝士味.這個有芝士味,但味道沒有意炒好,有啲螺絲粉仲焗到好硬,好難食.總括都可以,因為價錢不貴,$29一個,相對質素已經ok,可以一試!
繼續閱讀
次日與朋友出了市中心逛街~^_^行到3點幾既時候~同朋友仔肚仔餓,,於是諗住睇下有乜好食喇xb行下行下途中~見到哩間YLK個下午茶餐幾吾錯甘~跟住我地決定入去食個tea喇入到去,地方好鬼死靚~跟朋友仔不用等位,,選了張2人桌~之後睇睇個餐牌~有好多款,,價錢大多都好平均~不過有加1服務..我叫了一客'吞拿魚雜菇焗螺絲粉'送熱飲~好立克^_^朋友叫了'茄汁肉腸焗意粉'大約好似甘叫-u-'加凍檸茶~之後等上菜既時間都幾耐,,都有10分鐘到,,不過我地叫既都係焗類~我地好明白事理的^__^尼到1u~好香噴噴~我即刻把我個碟攪拌~啲白汁同螺絲粉加埋吞拿魚,,真係超正!!熱辣辣的,,佢啲螺絲粉仲有好多吾同顏色~幾美觀~整體尼講,,今次係一個好Good既下午茶,,食到好飽飽^3^
繼續閱讀
它位於屯門市中心旁的華都商場, 都是住宅為多的地點。周圍也有不少食肆, 它人不算很多, 在旺盛時段也要等一下, 但它的食物都還算不錯。只是服務只是一般般。這天吃了一個午餐, 有餐包, 湯, 飲品及一個飯, 一個女生的份量來說, 是非常多了。甜餐包配牛油本身己是我一個很喜愛的前菜了, 加上它的甜餐包還是暖暖的, 牛油一放即溶。而這天叫了我一向必喝的羅宋湯, 的確很濃, 有少少的麻, 真的很不錯。一碗的份量對我來說其實是不夠。吃了甜餐包再喝完了這個湯, 其實已經有7成飽了。再來漢堡扒鰻魚飯的時候, 它的份量已經令我驚訝, 真的是很便宜, 而且非常足夠, 所以我是吃了很少便吃不下。這個午餐真的很化算, 吃了的話晚餐都可以少吃了。
繼續閱讀