影片
港鐵屯門站 C3 出口, 步行約3分鐘
繼續閱讀
電話號碼
26183708
營業時間
今日營業
11:00 - 16:00
18:00 - 21:30
星期一至日
11:00 - 16:00
18:00 - 21:30
以上資料只供參考, 請與餐廳確認詳情
是晚一家人拉大隊外出食飯，由於其中一位喜歡吃酸菜魚，所以選擇了這間「尋魚記」。辣度是固定的，不過只屬於微辣程度，所以都能夠接受到。魚片滑嫩，份量頗多。配有大量酸菜、豆卜和薯粉，十分豐富。金湯好重酸香味，未算太油膩，用來淋飯不錯。冷盤皮蛋豆腐，拌上酸酸的醬汁，很開胃。但可能豆腐醃得太入味，有過鹹之感。平時食上海菜都會必點。津白份量都幾多，舖有金華火腿茸，入口充滿奶油香味。飯粒炒至色澤金黃，粒粒分明，帶少許彈牙口感。配料有臘腸粒等，臘味的油份迫出令炒飯味道更香。不過就相當較油膩。小籠包一咬爆汁，所以要小心食用。麵皮都做得頗為薄身，肉餡很香，湯汁鮮甜。
繼續閱讀
呢間尋魚記係佢岩岩新開張既時候已經好想黎試下，但個陣大排長龍😂結果想試又唔想等就放棄左，今日收工都算早就一於過嚟碰碰運氣🍀點知就真係撞岩佢岩岩落完場唔使排隊☺️又加多間Vcity既bucket list la。🐒茗茶💰$12🐒松子大黃魚💰$188上網睇唔少人都係食佢地既酸菜魚，但我就係衝住呢個松子魚而黎，因為唔係好多地方有呢款餸🍅熱辣辣炸好既魚配埋甜酸醬真係特別開胃🤤。🐒蟹粉炒年糕💰$138 另外適逢佢地既蟹粉季，佢地都有唔少蟹粉既菜式，而煙韌控係唔會錯過食年糕既機會😍第一次試蟹粉炒年糕，估唔到又好match🦀蟹味都好特出而且仲有啲蟹肉。🐒酸菜福花炒肥腸💰$88本身諗住嗌呢碟餸係食菜🥦但結果原來咁足料，啲肥腸係佈滿成個碟，不過因為佢係配酸菜去炒，所以並唔會覺得膩😋。🐒一口小饅頭(炸)💰$18(3個)
繼續閱讀
🐟無魚不歡🐟-我唔係屯門街坊 如果有機會入到去 我會盡量去V City呢間烤魚店-🐟煎封黃花魚好多人喺度都食酸菜魚 我嘅心頭好 反而係黃花魚同自家配製蒜粒🧄魚豉油 魚皮煎得金黃酥脆 魚肉大塊結實易夾 香口好食-🥣黃鱔粉𢇁炒飯魚肉再encore😈 多數食銀芽/韭黃鱔糊跟白飯🍚 將黃鱔切粒做炒飯 幾特別 我都係第一次食😅 炒得乾身嘅黃鱔粒 魚腥味同膠潺度大大減低 幾有咬口 米粒乾身受熱均勻 如果加些少薑絲一齊炒 口感同味道會更正-🫛乾煸四季豆豆角惹味爽口不過太濕身 底部好多油 完全唔係乾煸嗰種形態喎🤔-🎋油炆小竹筍呢個小食係我嘅all-time favorite 麻油味超香🥹 淨食配麵配炒飯都👍-📍尋魚記屯門鄉事會路83號V City1樓L1-10號舖#屯門美食 #香港美食 #香港必食 #香港探店 #香港打卡 #香港旅遊 #香港必喝 #屯門探店 #中餐 #香港好去處 #屯門推薦食品
繼續閱讀
同屋企人行Vcity搵野食 屋企人鐘意食酸菜魚 就想試下間餐廳♡砂鍋雲吞雞🐔 $188湯底好濃郁亦唔會覺得好肥 雲吞入面d肉都好多而且好實 店員仲會比隻碟同埋刀叉方便食成隻雞♡蟹粉小籠包🦀 $88入面好多汁同埋蟹膏 食落好juicy 十分推薦♡金湯酸菜魚🐟 $268呢個酸菜魚冇得揀辣度 本身都怕會好辣點知食落唔係太辣 魚片份量適中 豆卜、芽菜、薯粉吸收唒湯既精華 成個湯唔油膩都可以飲♡手撕包心菜🥬$72碟菜夠唒大碟 調味唔會太鹹♡外婆粒粒炒飯🍚 $82炒落粒粒分明 入面有好多隻蝦同埋臘腸 ♡高力豆沙 $58我認為係食上海菜必食既甜品 外面夠唒鬆軟 入面既紅豆甜而不膩♡黑糖冰粉 $38冰粉好爽口 上面有煙靭既芋圓同埋果仁做點綴 好色彩繽紛♡精美三小拼 $98包括水晶肴肉、江南小排骨、三喜烤夫 每樣都有少少 咁就可以試多d野 我比較鍾意江南小排骨因為酸酸甜甜味道好好
繼續閱讀
屯門V city商場係我地鍾意嘅商場之一，有好多美食都集合咗喺度，咁啱我地都想食小籠包，所以去咗呢間主打京川菜嘅「尋魚記」食晚飯🍚～ 話明「尋魚記」，呢度最出名一定係魚類🐟，有金湯酸菜魚、四川麻辣水煮魚、甜酸微辣蕃茄魚、煎封黃花魚、松子大黃魚等等，我地食咗松子大黃魚，果然無失望😋👍🏻！🐟松子大黃魚 $188原條魚炸到金黃酥脆，師傅將魚身鎅花🔪令客人可以一啖一啖咁夾起🥢，食起嚟都方便好多。魚肉嫩滑挺身，夾落去唔容易散，淋上酸甜汁非常開胃🥰。🍲砂鍋花膠雲吞雞（每位） $68一碗入面都見到好足料，有花膠、金華火腿、娃娃菜、雞肉同雲吞，雞湯味道濃郁而且奶白鮮甜，雞肉煲完仍然嫩滑！🦀蟹粉撈麵 $128蟹粉份量好多，覆蓋到個撈麵！有絲絲蟹肉係蟹粉入面，同撈麵撈均，啖啖蟹肉鮮甜！🥟上海小籠包（4隻） $45小籠包皮算薄身，底部整薄少少就完美～ 內餡豬肉飽滿多肉汁！🧆流心椰汁球（3件） $32椰汁球新鮮熱辣炸起，外層口感脆口，咬落去椰汁爆出嚟！椰汁入面仲有細細粒嘅西米，好似食緊椰汁西米露咁😆，做飯後甜品唔錯！🍵茗茶 2位 $12📍 尋魚記 (屯門)屯門屯門鄉事會路83號V City 1樓L1-10號舖
繼續閱讀
您可能會有興趣的...