3
1
1
港鐵屯門站 C1 出口, 步行約13分鐘
繼續閱讀
營業時間
星期一至日
11:00 - 21:00
以上資料只供參考, 請與餐廳確認詳情
咁啱經過華都商場, 又有啲肚餓喎, 一落電梯望左手邊見到有間小食店個名都幾串下, 叫夠姜小食, 咁就去試吓啦, 我見佢好多選擇, 但我都係鍾意叫返童年回憶成日食嘅嗰兩款, 就係碗仔翅同生菜魚肉, 好好味呀, 等我下次試吓其他小食先!
繼續閱讀
呢排少咗出街不過口痕都想幫趁下D小食店，經過華都見到呢間舖面都算幾乾淨企理，仲有陳皮魚旦好似幾特別咁就買黎試下，果然係我鍾意嘅魚旦質地，好彈牙又有陳皮味，有驚喜另外見到有手抓餅賣，平時好少地方有，加上又有好多配料揀，膽粗粗叫左份試，雖然要等一陣，但係即叫即整黎講都唔算耐，見姐姐好有心機煎香塊皮先再落配料，仲可以揀沙律或燒餅醬，整完拎上手熱辣辣，皮脆多餡好JUICY，勁好味。靚姐再推介我飲檸檬薏仁水，真係好得，清清地又唔太甜，好飲健康過飲凍OT啦 呢間野有D驚喜，下次試其他野先。
繼續閱讀
位於華都商場二樓電梯旁嘅一間小食店,位置相當顯眼易揾,同埋都ok多人排隊,呢間小店有多款地道嘅香港小食,不過部分小食嘅烹調方法就唔多地道,例如我今次叫左嘅章魚小丸子😂😂章魚小丸子($20)_價錢合理,不過味道就一般😂粒章魚小丸子裡面嘅餡,麵糊過多,章魚肉太少,同埋由於距係預製好嘅章魚小丸子,當客人叫戈時用油炸熟,所以麵糊唔及即時整出黎好食😚不過都唔差,紫菜都俾好多,夾埋一齊都好好食同埋,呢間小食店唔俾單,所以係拎食物嘅時候,都唔知呢份係咪我地😂建議呢間店係收錢戈時俾翻張單俾客人整體黎講,食物質素不過不失,價錢合理,可以一試嘅小食店😋
繼續閱讀
地點很易找，從屯門市廣場通道走去，2分鐘就到。服務正常（因為根本不需要服務我），可惜環境骯臟，食物質素更是差中之差！我從來未吃過這麼難吃的雞蛋仔（$15）十分軟爛，完全沒有丁點脆口。雞蛋仔不能一粒一粒拔出來，一拔就整片雞蛋仔爛了，像被子，整張打開，好軟爛！勉強拔一粒出來，裡面竟然是空心的！好難吃！而且好油！雞蛋仔表皮好多好多鑊屎，好恐怖！雞蛋仔，最基本應該要外脆內軟，蛋味香濃，外型挺身，色澤金黃。但呢間店完全做唔到不特止，仲要極度油，每咬一下都油淋淋，簡直反胃🤢我發誓此生不會再光顧這間店，簡直侮辱了雞蛋仔！
繼續閱讀
食物偏貴啦！六粒魚蛋都要$8，比起出面貴好多！！章魚小丸子竟然係炸嘅！佢本身係雪藏野，你叫佢先炸比你。同我認識嘅小丸子差好遠囉，平時果啲係有部機整架嘛！仲聽到有人食左，中間仲係凍嘅🤮🤮佢啲腸粉都十分麻麻，又唔滑🤢🤢唉 好後悔食
繼續閱讀