影片
付款方式
其他資料
加一服務費
電視播放
以上資料只供參考, 請與餐廳確認詳情
打完風幾個friend諗住一齊去食晚飯聯誼下，簡簡單單搵返間屋邨酒樓，嚟咗山景邨山景商場呢一間-喜讌好廚。慳慳哋叫咗個優惠孖寶，有海皇冬瓜盅同半隻一品蒜香脆皮雞，再加多一個優選優惠三小菜嘅晚飯優惠，我哋叫咗三個小菜包括椒鹽鮮魷豆腐、鮮茄珍菌泡青蔬、仲有酥炸廣島蠔。冬瓜盅，有蓮子有肉粒有火腿粒，非常清甜，消暑嘅好選擇。一品蒜香脆皮雞，雞皮炸到好脆好香，肉質好新鮮。鮮茄珍菌泡青蔬，番茄好鮮味，真菌同菜都煮得好”林”，清清地食番啲菜都唔錯。廣島蠔，蠔非常大隻，加上酥炸得非常香口，加喼汁酸酸地非常美味。椒鹽鮮魷豆腐，豆腐炸到好脆，鮮魷除咗外面脆之外,入面好”林”，加埋白飯飲杯茶呢個晚飯都有80分。
繼續閱讀
今日和寶貝參與新學校的迎新活動，活動完結後時間尚早，和上星期一樣，寶貝提出要去飲茶。邨內只有一家酒樓。反正未試過在那裡堂食飲茶，一試無妨。真的，從未在這裡堂食飲茶，原因是不想跟人搭檯，另加這裡每天早上0630-0930有極地獄價錢的外賣點心供應，當然提供的款式有限。除了燒賣、腸粉及盅頭飯外，其他一律$10。堂食的點心選擇和一般酒樓相若，相對上星期去百樂的價錢，這裡茶錢連加一，七個大點約一百六十元，平易近人很多。就算要叫炒粉麵，價錢和樓下茶記相若。在屋邨酒樓飲茶就不要過度期望服務的部份，但基本上是有禮貌的。這次來的目的也是想試平時在外賣時吃不到的東西，結果除了應寶貝要求點的叉燒包和叉燒腸外，叫了鵪鶉蛋燒賣，咖喱魷魚、鮮竹卷、蝦餃及鮮蝦腐皮卷。劃了點心紙，十分鐘後，食物一大堆的來了。鮮蝦腐皮卷，新鮮做好不會有難吃的理由，不過鮮蝦饀較少，而且賣相有點油膩。蝦餃，賣相尚可，但熱度一般，蝦肉饀沒鮮味可言。鮮竹卷，以前可以在外賣部買到，但現時只能堂食的食物，由於它是以肉饀為主導，所以咬下去是軟軟的，雖不致於有前人所說的難吃，但其中一件看得出師傅包的有點馬虎了事。叉燒腸粉：腸粉皮偏厚，饀料不多，食味一般。咖喱魷魚：聽侍應所言是近期新增的點心，咖喱味香濃惹味，魷魚爽口，想不到這是今天最滿意的點心。鵪鶉蛋燒賣：相對八月的同一款點心，這裡的鵪鶉蛋看來「營養不良」，口感極乾，肉饀淡而無味，浪費了本來一個不錯的點心。叉燒包：不過不失只能說，水準只是一般，在屋邨酒樓，只要沒有不切實際的期望，就不會有失望。至於前人所言這裡的晚飯，之前也曾吃過一兩次，個人覺得會比茶市好得多，不過不要在這裡吃火窩，款式不多價錢也偏貴。另外，前人提及的特價餐，星期六日、傳統節日前後是沒有提供的，如果是衝著這些部份而來的，請看清楚價錢，以免有不必要的紛爭。看來，還是認份的偶爾想吃點心早餐時在樓下買外賣好了。
繼續閱讀
因為媽媽習慣左，每天早上必落樓下飲茶，只好選擇呢間酒樓，貪佢就腳。飲左咁耐，唔單止冇改善，仲越做越差，好似趕客咁，難怪而加只得小貓3、4隻，好彩附近有幾間學校，lunch time冇得揀，仲有啲學生幫襯。真心說，我未食過咁難食咁差嘅點心，排骨，價錢比出而大酒樓還要貴都算，食物質素仲要差到咁，一次又一次心軟，陪媽咪飲下茶，結果都係失望，大家可以去試一次便知一二。😞😞😞我媽最愛食嘅燒攬仔飯配薑蓉，以前仲食得下，而加，見到碟燒攬仔就知唔係隔夜，乾真真，皮又un，完全食唔落。。點心仲離譜，排骨，鳳瓜，鮮(足)卷，勸大家唔好叫，蒸到結tata，見到都唔想食。。中午去食炒野，仲離譜，大家先睇價錢牌，一間咁嘅質素的酒樓，唔值呢個價。總結:茶唔香，價錢貴，點心太難食，酒樓做到咁，都真係差無再差。。
繼續閱讀
約咗屋企人食飯諗住近近哋,所以去咗樓下酒樓食. 見到餐牌有個$888既6人套餐都幾好,嗰侍應都話好抵食,有燒味拼盤,龍蝦伊麵,黃金海鮮卷,西蘭花花枝,湯,鮑汁鴨腳生菜,脆皮雞,炒飯,糖水及汽水喱啲一定有, 都幾豐富所以點咗一個套餐.燒味拼盤,叉燒好咸,燒鴨好似啲橡根咁咬唔爛,分蹄幾好味,海哲就好辣但辣得好繼續想食,不過份量唔多. 其他餸都不過不失,但份量足夠6個人食 (5成人1小童),最好味係雞及炒飯,雞炸得剛剛好,皮係脆,而飯就炒得好乾身有咬口,唔會淋巴巴.食飽賣單,全間酒樓只得2-3台人食飯,但唔知點解侍應好耐都俾唔到張單我哋,我哋覺得有啲唔妥,終於單嚟到我發現貴咗$110,追問點解貴咗係唔係有加一,侍應又話唔係,嗰套裝係喱個價錢,我哋立即揾張餐牌睇,上面寫住係$888,個侍應居然話餐牌係錯,價錢未調整,我哋當場呆咗,食完先話俾我哋知餐牌寫既野唔代表係真.
繼續閱讀
琴晚訓唔著決定出去陪屋企人飲茶附近只係得呢間酒樓,無得選擇叫左D點心 有蟹籽燒賣,蝦餃,鳳爪排骨飯,牛肉球,叉燒包,牛肉腸逐樣點評下啦燒賣唔錯既 幾大粒幾有味 份量算唔錯蝦餃既話塊皮幾好食 不過蝦就好似唔多新鮮啦排骨飯因為係特價 所以就一定無平時咁大碗架啦咁架我同屋企人都細食 份量算適中架啦 不過鳳爪有D辣牛肉球幾好味 新鮮熱辣 好有牛肉味叉燒包都唔錯 係正常既味道啦牛肉腸味道唔錯架 不過可惜個姐姐倒好少豉油啦搞到有D乾整體感覺都唔錯既不過味精有D重 同埋好油 不過都叫正常啦2個人食左118蚊 飲茶差唔多價錢啦始終叫左D特點 係貴D架啦
繼續閱讀