影片
港鐵尖沙咀/尖東站 B1 出口, 步行約5分鐘
繼續閱讀
電話號碼
98130029
付款方式
以上資料只供參考, 請與餐廳確認詳情
拎上手果陣熱辣辣滿心期待，食第一啖完全冇味，心諗可能d醬搽得少未食到姐，再食第二啖仍然冇任何醬既味，仲開始食到陣好奇怪膠膠地既味🤮開始覺得唔對路，之後直接食見到有醬既地方，仍然係咩味都冇……呢個格仔餅既難食程度真係世界級！！真係人生第一次食過咁難食既格仔餅，完全冇味連少少花生醬味都冇，真係唔知佢點整，可以整到咁難食，以呢個價錢如果係普通正常水準都算，但而家係超級難食，食左幾啖就垃圾桶見，完全晒錢
繼續閱讀
聞落好似好香，食落完全無味，未食過咁難食嘅雞蛋仔同格仔餅！！！就算係格仔餅有餡，都可以令人覺得難食。又淋又無味，咬嚟咬去都唔知咬緊乜雞蛋仔就更加難食，又唔係平，真係晒咗啲錢！食又勉強自己，唔食又浪費資源服務態度又一般，唔叫佢即整就比啲整定嘅你，唔熱又難食。但就算係即整都係咁難食！真心永遠唔會再幫襯！！！平時都唔點留劣評，今次真係忍唔到手！有時行過見到唔少人被佢陣味吸引咗，希望唔好再有人被佢陣味呃咗！！！
繼續閱讀
嬲到第一次出post天氣凍都想食熱啲 見佢已經整定晒4 5底擺咗喺度 可能冇乜人幫襯 眼見放咗一段時間嘅樣好聲好氣話想要底即整嘅 個老闆用好串態度 話一係熱 一係就脆（即係擺咗喺度好耐嗰啲）但係我食開咁多雞蛋仔 可以熱同脆 兩兼之後 佢就喺部機撩出嚟就秒用袋裝住 用吹風機定型 或者等一等都冇就比左我一拎上手已經變緊淋我問佢可唔可以幫我吹一吹大大聲話 吹一吹就唔熱㗎啦（完全係捉字虱嘅態度） 仲同佢partner一唱一和 佢仲大大聲講 :買大雞蛋仔啫，唔知以為買層樓我見個機係枱面我就自己吹幾下 默默地走左其實我只係想要一底正常嘅即叫即整雞蛋仔 完全冇任何刁難成份 都有呢啲說話聽 我聽到都呆左冇比任何反應好啦，咁以為佢真係淋都好食先咁大口氣點知一食落去完全冇蛋味，唔知食緊啲咩 仲要已經變咗一pat嘢 衰過食毛巾 試咗一粒之後扔咗間嘢完全侮辱雞蛋仔 咁都俾得落啲客然後去隔離街蓮姐買順返條氣 人地唔洗講已經即叫即做 仲又熱又香又脆
繼續閱讀
香芋雞蛋仔咩味都無，佢比我果底真係硬過石頭，用手禁都唔碎咖勁痴線，入面係空心咁，乾爭爭。真係後悔無食其他鋪小食而揀左佢。難食到hihi.食左幾舊頂唔順掉左。咁都仲未執好勁。
繼續閱讀
聽人講呢間嘅雞蛋仔幾好食,食完晚飯行經就諗住買一底,本身希望佢係新鮮做嘅,但係見佢枱面已經整好曬四款味道,所以就嗌咗份格仔餅.點知格仔餅都係預先做好,我落咗order,佢就係個櫃度攞一份,heat up 番.如果繁忙時段整定我都理解,但其實嗰時候都唔忙,又無人排隊,我會覺得咁樣好冇誠意.重點係,格仔餅整熱番,都唔香脆（都係淋）亦都唔好食.亦都冇蛋香味. 所以就睇你好唔好彩,不過聽朋友講返,以前係一個大隻仔做,每次去親都係新鮮整.今次我去就係一個老公公,嬸嬸. 唉.真係失望
繼續閱讀