影片
以上資料只供參考, 請與餐廳確認詳情
I square 韓食之選，坐底見人地個個都大大份野食，所以都叫咗個牛烤爐旁邊有泡菜蛋，芝士蛋同淨蛋，食到最後等佢熟咗先食，叫咗個菠蘿🍍沙冰飲品，覺得有加少少糖水，因為太甜講番主打，牛燒有牛舌，小牛排，肉眼，牛肩骨，牛腹等等，試曬咁多個部位最難燒係最大個成舊磚咁嘅牛肉，十分難燒，刀唔夠利，自己切唔到薄薄一片，如果廚房幫你切埋成粒或片會更好配菜有唔同嘅蔬菜🥬，望落多啲色菜同健康啲抽氣都比較好，食完唔會成身都係燒牛味
繼續閱讀
第一次寫comment就要為佢寫負評。平時齋睇OpenRice comment就去試餐廳 以為夠多好評 rating夠就應該無死 點知去呢間食燒肉 佢提供既菜只有兩盒唔滿 食完要加廿蚊先多兩盒 嚴格黎講一棵菜都無既份量。另外想叫佢加爐邊蛋醬 當然可以 又廿蚊一次。爐邊芝士加粟米 想有 無問題又盛惠廿蚊。最後，飲啤酒放題 列左6項岀黎 只得一樣供應⋯⋯ 真係第一次食韓燒 周邊配料都要加錢 呢個價錢我唔建議係到食 而且質素唔係特別好。所以呢間食過一次就無下次
繼續閱讀
今次亦都係同朋友第二次黎我同朋友每人各自點左一個餐，一個餐$138，包含兩款自選肉，及一些小食（可自選）e.g冷麵、飲品......我地選左4款肉及冷麵，味道不過不失，不會讓人驚喜也不會讓人失落，但醬料非常令我驚喜😋 爐邊泡菜蛋亦是充滿意料之外❤️ 依到既泡菜唔會太辣，適合d唔食得辣既朋友。冷麵是比較令人失望的，麻油味比較重，不太適合個人口味。但員工服務態度優良！十分和善，會主動幫你添水或是熄火等等，十分有禮貌。餐廳環境簡潔，令人感到舒適，亦不需要等候。最後我地各自俾左$150到，（需要比10%服務費）價錢亦合理。
繼續閱讀
今日生日，特意同屋企人嚟呢度試下韓燒！晚上六點嚟到，唔需要等位，安排了一張比較大的檯比我地四個！環境還算可以吧，服務員也很殷勤招待，因為來之前已經做足功課睇過其他師兄師姐的食評，所以都選擇了一d熱門來食！叫了上牛烤，好快就送到出嚟，賣相非常靚，都好大份，感覺好新鮮啊！服務員都會主動走過來同我介紹食物既品種同埋推介燒幾耐！紫菜粉絲卷，我強烈推介要食，因為真的做得不錯，特別要熱食，很香，但會有點油膩啊！
繼續閱讀
因為睇電影我經過呢間餐廳幾次，午晚餐都並不多人，因此令我卻步。今次下午茶時間黎到，更係一個客都無，睇左陣餐牌，唔知邊度黎ge膽行左入去。得一位侍應，服務不錯。與友人揀左一輪，終於揀好兩樣野食。韓式一人部隊鍋，裡面有個麵，個湯夠濃，辣度岩岩好，而且有不少配料，一人一啖好快食哂😂，下午茶黎講份量岩岩好。另外點了無骨炸雞，配薯角，炸得幾好，得我地一枱客當然係熱辣辣上枱，雞尚滑，配ge醬汁普通，係有昇華到個層次。仲有餐飲送，誠意十足，分別係芒果同青蘋果沙冰，好杰，反而飲品好有驚喜，味道清新濃郁，唔似加果味糖漿嗰d！
繼續閱讀