影片
以上資料只供參考, 請與餐廳確認詳情
已經幫襯左N次，每次我都會叫燒魚定食。因為價錢相宜同埋佢地燒魚真係燒得好香。每份定食都會跟一個飯，一碗湯。個湯係足料㗎，不是求其開粉果d。有時會扮健康加多份芝麻醬菠菜。咁就成個下晝都好滿足，唔會四圍搵零食。😂😂
繼續閱讀
今日趕時間情況下，諗住入超市買盒壽司，但見到呢間超市入面嘅海鮮丼一樣抵食，又唔使等位，決定試下🤣 上菜速度真係同快餐一樣快！Budget有限或者時間有限嘅朋友可以試吓☺️⭐️ 海膽五色丼 （$158）一落完單佢就會即刻遞上附送嘅味噌湯，出乎意料幾正，大大碗熱辣辣入面仲有三文魚肉、蘿蔔同豆腐✨五色丼不過不失。海膽、油甘魚、三文魚、海蝦、三文魚䰵都大份，都幾新鮮，價錢同超市壽司差唔多，性價比之選✌🏻⭐️ 芝士燒日本蠔 （$48）三隻大大隻嘅日本蠔好肥美肉厚多汁，加埋滿滿嘅芝士非常邪惡🤣 燒得都好香，好抵食呀！💰HKD 150 p.p for Dinner
繼續閱讀
是日拍拖日，比約會時間早左一粒鐘抵達圓方，咁啱又未食午餐，個心諗住「我要食壽司！」搭緊扶手電梯往上時，雙眼向上望到Starbucks ，又心郁郁「定係食Starbucks 好呢？但係今日假期實勁多人⋯」最終都堅持✊「我要食壽司」小妹一早知道圓方間超級市場3hreesixty係有堂食😍就一直朝着壽司部方向進發，呢間小店［中与志お食事処］係得吧枱坐，食既內容同之前分享過既《ナカヨ食堂》差唔多，為左滿足自己慾望又唔想食太貴，於是乎揀左角切雜錦海鮮丼$88，居然係有奉送大碗三文魚味噌湯，本身吾知有湯飲😂變左驚喜Happy❣️魚生飯都幾大碗，有八爪魚粒、三文魚粒、蛋粒、青瓜粒、三文魚籽&吞拿魚蓉，可能肚餓🤤我覺得好好食呀，成碗食晒✌🏻✌🏻食晒碗飯仲飲埋碗湯，超級滿足丫🤭🤭好記得呢間超市裝修前，都有嚟過食拉麵架，距離而家差唔多成五年前🤔好早已經識得嚟圓方搵好野食😏係咪估唔到呢，圓方都搵到抵食之物😚
繼續閱讀
追月夜,同阿囡出咗去西九睇月亮海,點知出到去伏已中,原來等如係睇膠波去搭屯馬線,沿路行睇下有咩好食,人就得兩個,佢呢樣又唔啱嗰樣又話唔啱食,咁途經360超市見到有燒魚同刺生飯,又唔貴,而大小姐又話啱食,係坐得冇咁舒服menus都多嘢揀嘅,但實在太餓唔記得影我地就叫咗兩個set, 另外燒魚個餐加10蚊轉蟹膏飯,湯熱辣辣仲要加埋魚骨落去煲,正魚又係熱辣辣好juice, 刺生飯就正正常常冇特別,但咁樣兩個set都係200蚊左右,都叫做唔錯嘅選擇呀
繼續閱讀
去M+必經之路，朝聖完順便買埋外賣返屋企，見到有人堂食呢個餐，賣相都唔錯同menu差唔多，所以我說服阿sir唔買食肆旁邊嘅壽司同刺身，結果換來不快經歷！父親節二人餐 $398 ⭐️⭐️⭐️===============🥢秘汁蒜芯蒜芯夠爽口，秘汁好香好惹味，蒜芯食完一口接一口呀🥢芝士焗虎蝦虎蝦大隻爽口彈牙，芝士焗得香口🥢四式丼全部刺身都新鮮，略嫌吞拿魚蓉太少🥢海膽蟹皇丼 🤬🤬🤬返到屋企發現無海膽果刻真係嬲到震，搞到壽星仔超失落，就算蟹皇丼幾好食都唔足以彌補佢心情，仲要搵日特登落去拎返板海膽！🥢麵豉湯有三文魚嘅麵豉湯，好足料，不過小心有魚骨二人共消費：$398
繼續閱讀