影片
以上資料只供參考, 請與餐廳確認詳情
岩岩過左既星期一,我自己一個人去左紅樹林到食下午茶,開頭要等位喇!之後個侍應話到我可以入去坐喇,之後又要我係門口等.我就問佢係唔係有位呀!佢就話你跟我黎呀!咁我就叫野食喇!我叫左個餐,佢只係寫凍飲加＄２,之後我未叫左一杯熱菜密喇!食到咁上下,我再叫個侍應黎幫我寫多一個餐喇!又係叫一杯熱菜密,咁個侍應同我講要加＄２呀!我同佢講,你之前有個同事都冇同我講,點解我要比呀!之後佢就搵第二個人同我講喇!我同佢講咁呢個係你地餐廳問題呀!個個侍應同我講話〝算喇!豪比你喇!〞嘩!!咁樣咩意思呀!我再同佢講話你覺唔覺得自己個態度有問題呢?佢同我講話唔覺得囉!咁我同佢講話,我唔想同你講,叫個話得事既人黎同我講喇!之後個個人黎到,佢就話唔好意思喇!我問佢而家個＄２我係唔係比唔起呀!佢就話唔係!咁我問佢,咁你同事而家係咩意思呀!佢就話咁我想點喇!我同佢講話,你叫你同事同我道歉咁就算,佢個同事道歉都道得冇誠意呀!之後佢地仲要收貴我錢呀!你地話呀,呢d餐廳去唔去都算喇!唔好去呀!
繼續閱讀
第一次是來此食晚餐,因那時是新開張,但之後一直都係來食下午茶,因價錢平味道好,飯又好,意粉又好,西多士都好----- 都係統一價錢$20.00,再收加一,改凍飲也不另收費,但於上星期再次光顧時,卻發現MENU改了,而且價錢也變了,有部份食品仍然是$20再加一,但有部份食品卻己加價至$22,再另收加一,如要改凍飲也要再加$2,而我愛吃的咖喱飯也是加價至$22的項目當中,但他們的咖喱真係值得一試的.但今天只是食了一碟干炒牛河,及黑椒牛柳絲炒意粉,兩款於今天也可保持水準,好夠味(因有很多時也會炒得味道較淡的)
繼續閱讀
依度既下什荼餐真係好平,款式又多(約有20款),但價錢平,每個餐只需$20.00,連埋加一都係$22.00,凍飲又唔洗加錢.食物方面,多會選擇干炒牛河,肉醬意粉或咖喱等,等別係咖喱,好香好味.而干炒牛河既水準就一般,因有時會頗油.因為價錢平同埋係我屋企樓下,所以放假如不出街也會選擇到此進食.
繼續閱讀
咋天我再去銀座紅樹林食飯,我叫法式牛柳粒賣相美觀,口感一流肉質鮮味,因為好多地方D牛扒好似沙紙咁鞋而我覺得呢度班師父水準有番咁上下GOOD所以我會介紹比Dfriend
繼續閱讀
上星期六入了天水圍, 行了幾間餐廳後, 見呢間裝修唔錯, 價錢合理, 所以就入去.坐下來才知道原來係椰林閣集團, 即時大打折扣...Order了兩個晚餐.忌廉湯& 羅宋湯: OK啦!- 珍寶腸什扒: 賣相一般. 珍寶腸只有1/3條, 真係離晒譜...- 帶子龍利柳: 麻麻地!服務態度: 一個字形容"差", 求其放低食物在檯面便算, 一D禮貌都冇, 下次一定唔會再嚟!
繼續閱讀