影片
以上資料只供參考, 請與餐廳確認詳情
第一次幫襯，叫左廿蚊雞蛋仔。比完錢，呀姐冇比單，我企埋一邊等。等左十幾分鐘都未有，期間冇叫過人拎野食。我忍唔住問收銀個呀姐我個雞蛋仔有得拎未，個呀姐竟然話：「雞蛋仔大把，自己拎啦！」我即刻躁左，我全程好聲好氣你咁嘅態度係做乜野？有咩得罪左你？我問返佢：「我自己入嚟拎？你冇野呀嘛？」個呀姐先施施然遞個雞蛋仔比我，口噏噏唔係唔係🙄又唔係好食，個阿姐態度又可以咁差，咁嘅服務態度我絕對唔會再幫襯。垃圾！
繼續閱讀
🤍葡撻雞蛋仔 $38雖然係新鮮整嘅🔥但唔知點解就係 唔夠熱又唔夠脆🥲不過蛋香係夠的 中間嘅葡撻餡都多但就係冇葡撻嘅焦糖味 有啲失望😭-回訪嗎：🙅🏻♀️味道 🌕🌕🌕🌑🌑抵食 🌕🌕🌕🌑🌑
繼續閱讀
可一不可再！痴線！一張幾個糖水既外賣要等一個鐘？咩料啊！就咁「筆」出嚟都要咁耐？唔怪得門口放啲凳俾人坐啦！你接唔到唔好學人接咁多單啦一啲管理都唔識唔好學人做啦⋯⋯有冇理由唔係順單出俾人。。。見住你識既人張2個仙草糖水既單就即點即出前面其他人啲單就一直白等！我後面三個妹子一人買一個出得一個又係白等半粒鐘追完先出。。妹妹都問其實係咪可以退錢唔要！真係等到一肚火！唔係一聲不好意思就ok囉！我落元朗食埋啦！仲要咁多人問完追完都仲係出緊其他單係咪應該清晒前面啲單先再接單真係未試過買糖水等一粒鐘！都未計味道如何！
繼續閱讀
今日係平日黎，放工都5點即刻去家傳芋曉，係係天秀站落車，向住大球場果個方向有間酒店，隔離有個商場，望住個地圖都搵左一陣，原來上左一層電梯，去見到麥記就係附近，果陣都幾多學生架～有兩三個學生排緊隊，另外都有幾個等拎野食。排隊都算快，收現金，亦都收八達通。由比左錢開始計，等左5分鐘左右就有得拎，超快，買左個葡撻雞蛋仔，因為即叫即整關係，食落去熱嘅，邊位有幾粒脆嘅，但係其他唔脆軟腍腍嘅，葡撻餡偏甜，冇咩葡撻味，不過不失，可以一試。
繼續閱讀
想食葡撻雞蛋仔唔洗走到澳門咁遠啦🤩天水圍一間小食店都有～ 仲有非常特色口味—芫茜雞蛋仔🙈🧇 葡撻雞蛋仔 $36每粒撕開中間都有少少葡撻蛋漿 食落好香葡撻味😍雞蛋仔都係即叫即做 做到外脆內軟嘅感覺 好食👍加上佢嘅蛋漿好足料 粒粒都好飽滿 食完勁飽🤣🥤 手打渣男檸檬茶 $30香水檸檬味濃 好解渴解膩👍不過個人認為呢個價錢有啲貴 始終天水圍都唔係市區地方 上次我係旺角飲平過呢間🙈咁啱星期六去食嘅時候都比較多人叫 等左15-20分鐘先有 加上小店人手唔算多 雞蛋仔機得一部🙈 所以要有啲耐性 平日入去食可能會好啲🤓🖐️推介推介 （葡撻雞蛋仔）
繼續閱讀