港鐵奧運站 D3 出口
繼續閱讀
電話號碼
28818803
營業時間
今日營業
12:00 - 22:00
星期一至日
12:00 - 22:00
公眾假期
12:00 - 22:00
公眾假期前夕
12:00 - 22:00
*Last Order 21:30
以上資料只供參考, 請與餐廳確認詳情
有關獎賞計劃
食家推介
生日飯食咩好算唔算其中一個𢱑爆頭嘅難題🤔？但對於我嚟講，一諗唔到食咩，就泰菜啦😏！香港真係有好多間大大小小嘅泰菜，食極都仲有！所以冒險家精神爆棚嘅我決定是旦喺OPEN RICE搵咗間位於奧海城、環境幾骨緻嘅Sawadee Café🤗。記得我之前講過，通常唔做Research就亂咁去嘅餐廳十居其九係伏，唔知試完Sawadee Chef會唔會打倒昨日嘅我呢😀？泰式生蝦 $168 🌟🌟生蝦刺身🦐絕對係大家口癢想食生冷嘢嘅首選之一！呢份泰式生蝦食落Q彈，鮮味十足。鍾意佢嗰泰式海鮮青醬，酸酸辣辣、非常刺激味蕾😋！但Sawadee Café嘅生蝦刺身相對其他餐廳顯得非常簡單🤔，無任何香料或配料，所以食落層次比較單一，食完唔會有太多記憶點😅。🍴西瓜木瓜碌柚蝦沙律 $188 🌟🌟🌟個汁絕對係成道菜嘅精髓😍！佢個甜酸醬汁撈埋各種水果同蝦肉，非常開胃，食落非常多層次（味道方面以及食材口感），可惜嘅係小編嫌佢啲蝦唔夠新鮮肉質有啲嚡🥹。同埋個價錢相對地貴，而且份量唔係相當多。🍴蜂巢蠔餅 $168 🌟🌟🌟🌟酥炸十足嘅蠔餅，非常新鮮熱辣。蠔仔食落鮮甜😋，麵粉比例均勻食落唔會一嚿嚿。蠔餅最棹忌蠔同餅嘅比例不均！但呢個問題無喺Sawadee Chef蠔餅發生，蘸上蠔餅嘅最佳搭檔–魚露，確實好味至極🫶🏻。小編鍾意拎蠔餅啲炸碎撈飯食，非常惹味哦！🍴芭堤雅椰香胡麻子燒雞 $198 （半隻）🌟🌟🌟🌟好吃！真係有陣陣椰香呢！燒雞🐔上碟時仲熱辣辣，燒雞脆皮上覆蓋濃郁嘅胡麻子，食落香氣十足🤤。胡麻特有嘅香味同混有淡淡椰香嘅嫩滑雞肉完美融合，齋食又得配飯食都得🫣！🍴虎蝦炒金邊粉 $198 🌟真的，我唔太推薦Sawadee Chef呢道金邊粉🤢…… 首先，小編唔理解點解個金邊粉會甜得咁緊要🤮。明白，有啲顧客鍾意食偏甜嘅金邊粉，但太甜真係搞唔掂😵！另外，個虎蝦數量未免少得可憐吧……因為真係甜得有啲奇怪，小編食咗兩啖就停咗🥴！🍴豬肉鬆菠蘿雞粒炒飯 $138 🌟🌟普普通通🥴，又一道食完無咩記憶點嘅菜。呢個炒飯其實只係菠蘿炒飯嘅變異版-少咗啲腰果，海鮮轉咗雞肉（當然，有啲泰菜會選擇用雞肉而唔係海鮮），味道中規中矩，唔太力推😶。其實之後小編同友人有嘗試叫佢哋甜品嚟食，但想試嘅甜品唔係呢樣無就個樣無，最後都有啲意興闌珊😑。真的，真的，真的奉勸大家，搵餐廳食泰菜前，真係要花功夫做Research😤, 唔好貪間餐廳裝修靚就唔理3721狗衝去食，到最後真係賠了夫人又折兵啊😭！最後，提提大家呢間泰菜定位小貴🫡🍻 大角咀海庭道18號奧海城2期地下G21-G23, G25-G27號舖🕐12:00 - 22:00食物味道：🌟🌟餐廳環境：🌟🌟🌟🌟🌟店舖衞生：🌟🌟🌟🌟🌟抵食程度：🌟🌟人均： HKD300以上小編回頭：不會，CP值不太高
繼續閱讀
屋企人响呢個商場番工，咁耐冇食過泰國菜，所以就喺呢度食飯等埋屋企人收工，啲碗碗碟碟都幾有特色，係價錢嚟講就稍為貴啲，整體來講佢哋嘅嘢食都唔錯，唯一稍為要改善嘅就係服務，如果服務能夠改善就最好，整體呢餐飯嘅感覺都唔差！生蝦～爽口、醬汁特別(有別於其他地方食到嘅）泰式無骨鳳爪～爽脆、酸酸，甜甜，唔會太過酸春卷～夠脆冬陰功湯～見呢個湯會有蠔仔喺入邊，但係味道就淡咗啲泰式炒牛河～不過不失炒菜苗～靭少少泰式海南雞～好味道，好快清碟🤣🤣菠蘿肉碎炒飯～呢個都好食飲品～三色冰、龍眼冰、鴛鴦檸檬梳打，味道都OK、杯都幾靚
繼續閱讀
Another Yuzuru Hanyu show to be broadcast at the Sky and I decided to try the lunch here. It was definitely on the pricier side but the taste and environment definitely was worth it, especially when compared to another store with a similar priced Thai restaurant at Tai Wai that I previously reviewed.The curry soup of the Khao Soi was really rich with layers of flavors like coconut, spices instead of just being spicy. The beef ribs were tender and the egg noodles were really springy.The eggs despite being deep fried still had a lovely runny yolk and the spicy sauce underneath made it more appetizing.Even their dessert was a nice surprise. The chilli in the ice-cream was just right given you a hint of spiciness which went well with the coconut.
繼續閱讀
🐷泰式香草豉油燒豬頸肉飯 $98豬頸肉爽口，配埋鹹香既葱油喺面，再蘸埋鼓油，濃味得黎又幾香幾好食！🍤虎蝦炒金邊粉 $158虎蝦炒金邊粉賣相唔錯，用蛋絲包住金邊粉，有2隻虎蝦，酸甜中帶少少辣，幾乎都係每枱必點既菜式之一。🐮泰式濕炒牛小排河粉 $138味道一般，好似茶餐廳平時食到既咁。🥘青咖喱牛肋粒飯 $108青咖喱味唔夠濃，淡淡地，所以牛肋粒都唔係好入味，亦都唔算鬆軟。🌶️冬陰功海鮮肉碎泡飯 $98味道唔差，但冬陰功湯既酸辣味唔出，泡飯入面亦唔見有咩海鮮。🧋泰式奶茶(跟餐+$10）幾香幾滑，甜度固定，無得揀少甜。Lunch黎講，呢個價位都幾貴。不過餐廳勝在夠大夠多位，一大班人食都有位，裝修仲要幾靚，啲碗碟仲要好有特色！
繼續閱讀
一開始係比佢啲碗碗碟碟吸引左入黎食。兩個人傍晚6點幾walk in唔使等都有位（其實幫襯左好多次都唔使book，除非成家人黎食）。今次叫左豬肉鬆菠蘿雞粒炒飯，串燒：牛脷、翠玉瓜同秋葵，仲有豬頸肉同埋兩杯椰汁涼粉冰。以往次次叫大蝦金邊粉，今次試下雞粒炒飯～完全無食到有菠蘿，睇番相都唔多菠蘿，雞粒味道無乜，蛋應該落得唔多，第一次食淡茂茂既炒飯～下次都係叫番金邊粉算。不過串燒都好好食，牛脷爽口，油多有少少漏，兩個人share就ok。翠玉瓜同秋葵惹味得黎仲保留到本身既味道，食落都juicy Tim！豬頸肉CP值最高，最中意炭燒既肉，又唔鞋份量又多，加埋醬汁ichiban👍🏻👍🏻每樣餸都用啲好靚既碟裝住，望到都提升食慾呢😝最後我次次都叫椰汁涼粉冰，佢個杯好有特色，飲落又唔甜，有香濃椰汁味，加埋涼粉好好飲。依間服務一向都ok的，上菜又快，不過今次覺得環境好嘈吵，似去左大排檔，要大聲講野先聽到。
繼續閱讀