影片
電話號碼
26660250
營業時間
今日營業
11:00 - 00:00
星期一至日
11:00 - 00:00
以上資料只供參考, 請與餐廳確認詳情
台式館子，基本是肉燥飯和台式拉麵、米線。今回點了五香牛肉藥膳湯麵餐，大大碗麵配飲品。五香牛肉麵，順序來說，最好味是個藥膳湯底，藥膳湯清甜不油膩，有入味紅棗和杞子，還有大大塊的蘿蔔和紅蘿蔔，或許因為太大塊，未夠淋。五香牛肉有五塊，還是厚切的，美中不足都係不夠淋，也算尚可。可配其他（花雕雞翼、炸豬扒等），可能會更好味。飲品則是有幾款是不用加錢（很多不用加錢是凍飲。可是，今次想飲熱的，加了5元，點了個洛神山楂茶，好味，慢慢歎。店內座位廿幾個，不算逼，算好坐。
繼續閱讀
叫左個手撕雞撈都加杯珍珠奶茶，講請個手撕雞先，都幾靠味，份量都多的，配上青瓜絲和蟹柳撈麵一起食，都有唔同既層次，胡麻醬如果再比多一D就完美，野飲方面珍珠做得唔錯，奶茶味略嫌淡左一D
繼續閱讀
第一次令我打評語的餐廳。端午節中午機緣巧合下幫襯既一間餐廳。見藥膳湯底米線幾吸引，入去試試。結果湯底好淡，味道一般但可接受。叫左杯正常嘅凍小麥胚芽奶茶，但完全無甜味，同侍應反映，佢既回覆係叫我自行加包黃糖。我真係黑人問號，我個杯唔係熱飲，唔會溶糖，係咪應該幫我換個杯或者加糖漿呢？講完無處理就走左去。依一刻都算，食到最後先發現雞翼有毛，仲要係大量毛，有幾條粗，仲要一堆幼毛，大佬你有毛都拎出黎俾客食，會唔會太過火。同你講輕輕帶過就算，唔負責任嘅餐廳，真係可一不可再，唔會再幫襯。
繼續閱讀
見到佢門口有QR code落單，我貪方便就網上落單+畀錢，點知就出事喇本身網頁話要等15分鐘，我等咗15分鐘之後入去舖頭問，點知佢哋話冇收到張單😧咁個店員話幫我整嘢食，我就出返去餐廳外等，結果又等咗10分鐘都未有，我就再去問，見到佢哋仲整梗部接單機個店員竟然話啱啱先收到張單，依家幫我整嘢食😧😧😧啱啱又話幫我整，但依家都未整？我同店員講想退錢，佢哋竟然叫我自己㩒退款，但個網完全冇呢個制，乜退款唔係餐廳先做到咩，點解要叫返個顧客自己退？餐廳究竟識唔識用個網上平台？我同佢哋理論完一論，最後都係幫我即刻出餐但個店員居然叫我喺佢哋角度諗吓，話餐廳未接到單，問我會唔會幫佢整我真係O晒嘴，點解你又唔喺我角度諗吓？我等咗你哋15分鐘又15分鐘，點解餐廳嘅錯誤要顧客埋單？最後佢哋5分鐘內都出到餐，原來出餐係咁快，咁點解唔可以喺我第一次問佢哋嘅時候出餐？其實我以前食過茶語都覺得唔錯，而茶語同附近嗰間茶點係姊妹店，茶點我都畀過好評佢哋，佢哋以前舖頭叫日月居，我都係由細食到大，今日第一次遇到咁嘅情況真係好失望希望餐廳可以好好檢討吓服務態度臨走前聽到佢哋話門口個QR code 落單都唔會用，諗住嚟梗唔再用，大家如果仲諗住嚟食，千祈記得唔好用門口QR code 落單，以免中伏
繼續閱讀
疫情過後復常開始，好耐冇見到條街咁多人食嘢。今晚幫襯左呢一間家庭式嘅台式小店，Full House，做到店員high high，叫咗碗嘢好耐都未嚟都冇特別去追，要體諒吓人啦。今晚叫咗滷水雞翼肉燥飯再加一杯百香果綠茶少甜少冰。滷水雞翼有三隻，都好入味，肉燥份量比較多，而且比較多汁，我自己比較喜歡少啲汁乾身啲嘅，另外仲有一碟芽菜仔送埋，而杯百香果綠茶唔會太甜，雖然唔係好台灣feel，不過都收貨啦。
繼續閱讀
您可能會有興趣的...