影片
付款方式
其他資料
加一服務費
以上資料只供參考, 請與餐廳確認詳情
今晚黎到土瓜灣做野要搵食，附近見到呢間餐廳記得以前係大埔做野都食過，咁多年無食又回味下，餐廳樓地好高，座位好闊落，坐得都幾舒服😌餐廳提供全日特惠餐，午市同晚市價錢相差不大，我食既係晚市套餐，包餐湯，是日餐湯係南瓜湯，味道都唔錯🫕辣肉腸鰻魚蜆肉明太子蛋炒飯 （$92）睇個名就知道配料好豐富，我鍾意食炒飯，但都好少有咁多配料既炒飯，有辣肉腸，蜆肉，明太子，火腿，鰻魚和蛋，食落層次豐富，米飯應該係用日本珍珠米，煙煙韌韌，幾好食㗎😆原隻軟殼蟹伴鮮茄燴意粉 （$82）軟殼蟹大大隻，上菜嘅時候熱辣辣，相信係即刻炸嘅，食落脆卜卜又新鮮，鮮茄燴意粉，酸酸甜甜夠開胃，配搭軟殼蟹，唔會覺得成個餸乾爭爭🦀套餐可以半價轉特飲焦糖脆脆熱鮮奶咖啡 （$37）焦糖脆脆溶入鮮奶咖啡，啖啖焦糖味，唔使再加糖都夠甜☕️紅棗杞子圓肉茶 （$39）材料好足，清甜可口又夠養生🫖呢間餐廳食個快既又有我食既特惠餐，想食好d仲有扒鋸，夠曬多功能既餐廳😆
繼續閱讀
直到現時，有兩間餐廳從未幫襯過係人生一大遺憾，一間係頂頂大名嘅馬料水雍雅山房，已再無機會原址幫襯，大家都知原址已變成私樓.另一間係諾士佛台 Munch!一講哩間餐廳，充滿感動! 一路食一直好忐忑!話說千禧年代香港只有兩位御廚，其中一位係 Kent Yip，創立 Munch 餐廳，不但自己攞到藍帶，獲獎無數，連帶佢嘅學徒亦都做出得獎菜式! 雖然有如此超高成就但為人包容又敦厚，臉上常掛親切笑容，相比起依家小小成就卻巴巴閉閉高資態嘅所謂廚師，Kent Yip 愛低調作風卻令小弟更敬重欣賞，可惜英年早逝，小弟亦有幸於他在生之年跟他學點皮毛，但一直無緣幫襯佢間餐廳，之後諾士佛台亦轉為其他餐廳，就再無機會幫襯.遺憾到依家!早兩日揸車經過，竟然係家住嘅土瓜灣區見到哩間叫 Munch Now 嘅餐廳，餐廳裝修風格似當年 Munch，唔知係咪兩間餐廳有關連，打電話去問接聽嘅妹妹都唔清楚，於是當晚就衝落去打聽一下.打開份 Menu 好多心水食品，女友小熊見意點一份二人 Set，頭盤煙肉蘑菇芝士焗蠔，法式煎紐西蘭羊扒，鮮蝦牛油雜菇軟蓋蟹配油酥餅，黑椒離菇牛柳絲炒天使麵，女友小熊點百香果檸檬茶，我當然點大愛嘅沙冰，一杯曲奇朱古力沙冰.其中兩款菜式最難忘，一款係羊扒，羊扒點咗七成熟，肉質無浸血水，口感超鬆軟，係我食過最鬆軟嘅羊扒，口感同A5和牛有得比，而且無咩騷味，啱哂D怕羊騷味人士.另外曲奇朱古力沙冰完全無一粒粒冰粒嘅口感，一小粒都無，沙冰打碎至幼滑，而且味道濃郁，亦都係飲過最幼滑嘅沙冰.一問之下先知道原來同諾士佛台係同一集團，同餐廳負責人緬懷過去一翻，我自己感慨萬千.見到隔離枱點咗份 Pizza，女友小熊話 Pizza 外相好吸引，見到已經流口水，哩句說話又再勾起回憶當年御廚教我地做 pizza 餅底嘅重點，眼紅鼻酸！
繼續閱讀
【土瓜灣•Munch Now】@ππππππππππππππππππππππππππππππ土瓜灣標準西式餐廳質素茶餐廳價錢-紐西蘭牛扒、牛油鮮蝦雜菇飯 流心蛋 牛角包 凍檸茶-比目魚、軟殼蟹意粉 流心蛋凍奶茶我品嚐了紐西蘭牛扒、牛油鮮蝦雜菇飯，搭配流心蛋和牛角包。紐西蘭牛扒的質地非常細嫩，搭配著鮮蝦和雜菇的風味，讓整道菜色充滿豐富的層次感。流心蛋的那一口，更是讓口感倍添驚喜。而搭配的凍檸茶清新怡人，讓整餐更添一份清涼。另外，比目魚和軟殼蟹意粉也讓我留下深刻印象。鮮嫩的比目魚和脆口的軟殼蟹完美地融合在意粉中，每一口都讓人欲罷不能。流心蛋的融化更是為整道菜品平添迷人的風情。最後的凍奶茶更是為整餐劃下美好的句點。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 200✨✨✨✨✨✨✨✨✨✨✨✨✨#土瓜灣美食 #Munch Now #web3土瓜灣Munch Now土瓜灣炮仗街93號喜築地舖
繼續閱讀
🍴親民價港式西餐🍴-喺土瓜灣食嘢 我通常跟大棚人幫襯大排檔 今晚同老媽子撐枱腳 兩個人叫唔到太多餸 轉場去一間街坊西餐廳 食經濟實惠全日套餐-🥣忌廉粟米湯跟餐湯追加牛角包🥐只係8蚊 仲係焗暖先上枱㗎😙-🍝焗雞扒鹹牛脷意粉喺唔使煮住家飯嘅日子 老媽子揀西式風味 呢碟意粉有齊佢鍾意嘅組合 雞扒煎得少油健康 鹹牛脷更係佢杯茶😍 厚切牛脷有極好嚼勁 本身醃過 鹹香度適中 -🍛蘑菇汁龍脷魚柳配滑蛋蓋飯龍脷魚柳啖啖肉 上面灑少少黑椒提味 滑蛋蓋飯靚仔而且蛋炒得嫩滑 將蛋汁撈白飯食 熱辣辣有蛋香 簡單就是美🥹-📍 Munch Now土瓜灣炮仗街93號喜築地舖
繼續閱讀
朋友帶我去土瓜灣炮仗街93號，"Munch Now"街坊人氣西餐廳食嘢，餐廳歐陸式設計落地玻璃，座位間隔寬敞舒適，晚餐有好多款食物選擇，套餐包餐湯同飲品.紐西蘭牛扒炸軟殼蟹意粉套餐：牛扒五成熟剛剛好鎖住肉汁，軟殼蟹炸得非常香脆，配菜有煎南瓜,茄子,翠玉瓜非常好味，意大利粉軟硬適中.牛肉蕃茄餐湯：材料非常足好好味.牛角包：香脆牛油味熱辣辣.曲奇咖啡沙冰：咖啡沙冰口感特別.比目魚豬肉眼扒飯套餐：比目魚煎得非常香脆肉質油香，豬肉眼扒肉質嫩滑，珍珠米飯得粒分明口感一流，配菜有煎南瓜,茄子,翠玉瓜非常好味.芒果沙冰:沙冰好軟綿，芒果味香濃，唔係太甜非常好飲.
繼續閱讀
您可能會有興趣的...