影片
港鐵土瓜灣站B出口, 步行約4分鐘
繼續閱讀
電話號碼
53205838
營業時間
今日營業
11:00 - 22:30
星期一至日
11:00 - 22:30
以上資料只供參考, 請與餐廳確認詳情
最近才發現土瓜灣呢間串燒焗飯外賣店好好味，原來佢哋喺度已經三年。三週年佢哋出咗個熱狗套餐40蚊， 嚟到取食物嘅時候老細啱啱整起。真係超級大隻熱狗， 見到已經流曬口水。食落真係好好味，好滿足， 如果條腸可以再燒耐啲就應該會更加正。 唯一嘅問題就係因為隻熱狗真係好大隻，所以一咬嘅時候有啲論盡。唔貴，會再幫襯。 下次會試下佢D串燒。
繼續閱讀
街坊小店, 之前見好多土友推介, 今日想試新野, 就上黎搵電話, whatsapp 落單, 15分鐘後到取, 十份方便。1) 芝士焗豬扒飯, 咪睇佢好似唔係好大盒, 但好足料, 好”聚”手架, 而且熱辣辣, 初時開見好似好多汁, 食落又OK, 因為個汁唔會好甜, 個人覺得剛剛好 2) 羊架, 勁正, 咁既價錢, 2支骨, 老闆真係收得平, 而且燒得剛剛好, 係全熟(個人唔喜歡有血水), 但好軟, 唔會柴皮, 勁得3) 其餘串燒蔬菜都剛剛好, 份量又多, 係比較油, 但可接受。 4) 仲有糖水送呢, 多謝老闆會再次幫襯
繼續閱讀
好開心屋企附近開左間串燒及焗飯外賣店。其實佢地開左三年，平時都有幫襯開，焗飯同串燒都十分出色。 三週年限定佢做返個羊架特價37蚊。 我平時唔食羊都覺得好好味， 成個羊架都好大件，好juicy同埋冇乜羊騷味， 個汁先冇得頂。 我喺呢段限定期間都買咗兩件嚟食， 晚餐可以做鋸扒🤣🤣🤣 超級抵食， 自己買都冇可能做到咁好食同埋成本真係好貴。另外就叫左個茄汁焗豬扒飯42蚊仲要送自家製腐竹蛋糖水。 成個飯都勁有誠意，仲要炒飯底， 豬扒勁香， 未食過嘅一定要試。 雖然附近好多學校， 好多食客都係學生同埋附近街坊，但絕對唔係普通學生頹飯。 呢個價錢呢個質數，我會話係全香港性價比最高的呢個腐竹蛋糖水又係好好味好足料 值得講嘅係老闆兩公婆都超級好人 希望大家可以多多支持小店， 等佢有未來三年三年又三年。
繼續閱讀
每次食都係嗌呢個蒜蓉汁雞扒意粉 真係好好食 同埋價錢合理 會一直幫襯！仲要每次都送份湯或者甜品 好抵食 同埋都食過佢哋嘅燒雞翼 都係好食 好開心屋企附近有間咁好食嘅舖頭 😚😆
繼續閱讀
啱啱搬嚟土瓜灣，四圍行見有好多小店，全部望落都好吸引又平。咁啱今日晏晝經過呢度，有啲肚餓又唔洗等，一於就外賣嚟試吓！一試，好-好-食！！！雞肉調味啱啱好，係偏重味嘅，勝在食完唔會痴牙，燒烤嚟講係燒得嫩。菠蘿好似係新鮮菠蘿，夠juicy。老闆都非常nice，見佢準備緊嘢，我買嘢佢被逼停手。開頭好怕買得果兩串嘢會阻住佢，但佢冇比面色我睇之餘仲好好笑容。呢個價錢我畀100分，下午茶解餓性價比之選，有下次😋
繼續閱讀