影片
港鐵朗屏站 D 出口, 步行約4分鐘
繼續閱讀
營業時間
今日營業
10:00 - 22:00
星期一至日
10:00 - 22:00
以上資料只供參考, 請與餐廳確認詳情
1/1新年第一日，食完榮冰室行下行下，朋友話要再食一餐慶祝，所以就搵一間抵食又飽肚的。老友話哩間開左好多年又抵食，最重要吾好介意環境。去到一眼睇曬，環境擠逼，黑麻麻，好在睇落臺面地下都乾淨。好處除左自己叫餸，又可以有一碗8,10,11餸的選擇，咁一次過可以食多幾款。麵底有6種 ，可惜無蕃薯麵。湯底可以選擇辣吾辣。好快就有，筷子好似系系大陸果種消毒箱攞，幾衛生。- 湯底要吾辣但都覺得有小小。- 豬皮，豬紅，豬腸 ，魚蛋，蘿蔔都OK- 雞翼尖太淋- 豆腐卜就比較難食。- 餃子都睇到有細蝦，但整體非常淋，吾好食。
繼續閱讀
呢間老字號都係我哋住元朗區嘅回憶豬紅依然保持嫩滑，不過啲豬紅味淡咗少少，紅豆涼粉奶茶，好好飲，茶味有少少清淡雜錦非常豐富，可以自己選擇湯底，有滷水汁，有咖喱汁，仲可以自己揀餸自由選擇幾好
繼續閱讀
📍 許祥順食店🧭元朗擊壤路17號順發大廈地下B號舖人均消費: HKD39之前見到 #許祥順食店 個咖哩汁車仔麵真係好似好得，又去開元朗點都要試吓跟地址係揾唔到間舖，原來係過幾個舖位😅⭐️全餐 $40當我貪心想試多啲就揀咗個全餐$40，阿姨問要唔要大碗，我心諗$40有幾大碗吖，咁就大鑊了，因為真係好L大碗😂😂😂😂😂😂佢一共有14款餸，有豬腸、魚蛋，豬皮、腸仔，枝竹、魚肉、餃子、蘿蔔、豬紅，雞翼尖，豆卜等等！ 坦白講，啲餸真係麻麻哋😂 但個咖哩汁係唔錯，同油麵好夾🆗小碗$30魚蛋腸油麵細碗都$30，你話個全餐係咪好抵😂唔係話推介，但無錢時食佢起碼會飽肚先😂#MFJ元朗 #MFJ港式#mfoodjournal #foodie #hkfoodie #foodblog #hkfoodblog #hkfood #hkcuisine #yuenlong #cartnoodle #相機食先 #元朗美食 #港式 #車仔麵
繼續閱讀
#許祥順食店今日有機會去元朗做野，一個以前經常去既地方，數吓都有差不多兩年冇去。聞說之前有網友介紹係元朗西巴士站附近有間食 #車仔麵 ，名唔記得，兜咗一轉應該係依度。見佢寫住細碗大碗加大碗好多餸，都係$30起，就決定入去試吓。叫咗大碗油麵咖喱汁，$32。餸真係都幾多，咖喱汁都夠辣，甚至食唔出原本湯既味道。十一樣餸就唔逐樣數啦，個人比較喜歡 #豬腸 同 #蘿蔔 ，味道唔錯，其他就比較一般。油麵都夠多，但唔係我鐘意食果種，個人口味。$32食到碗咁足料既麵係幾抵。阿姐落單時又係順理成章問飲乜，因為真口渴所以叫咗杯凍檸茶，原來要$15😌 抵唔抵就見仁見智。其實呢個多餸政策都幾聰明，一啲好賣一啲唔好賣擺埋一齊，用一個優惠價錢促銷🤪許祥順食店元朗擊壤路17號順發大廈地下B號舖@foodiehck2022 #港飲港食平靚正 #元朗 #午餐
繼續閱讀
周星馳的食神以試食莫文蔚的嗱喳麵開始，該段對白不但滑稽好笑，仲令我了解到1996年(拍攝年份），一碗廟街嗱喳麵6個送，已經要23蚊。如果轉眼黎到2023年的今日，一個車仔麵8個送，只係30蚊，大家會唔會覺得有時光倒流的感覺？講的就係元朗好出名的車仔麵店［許祥順］。呢間車仔麵店座落響元朗廣場對出的巴士站，店面沒有華麗的裝飾，卻有絡繹不絕的食客。門口係一塊醒目嘅黃色餐牌，寫住該店嘅車仔麵價錢。30蚊8個送32蚊10個送34蚊11個送入到入面，沒有修飾得美輪美奐的餐牌，沒有琳琅滿目的選擇，只有一塊簡單的餐牌貼在牆上的每個角落。我本來係衝住34蚊大大碗黎，怎料入到去仲有個40蚊的全餐，我沒有考慮太多，直接點左個全餐黎試下，加一杯紅豆冰。等緊麵的時候，我好奇地四處張望一下店內，店面唔算大，目測只有30個座位左右，已經有四個店員穿插食客落單同傳菜。由食客同店員的討論的話題：「今日d 豆苗點賣」大概可以估計到好多食客都係熟客。檯面上的醬料都好齊全，有醋，垃圾油，茄汁，甜醬，應有盡有，適合各個人的口味。轉下眼個面就到，見到有啲驚訝，個碗面真係有八吋咁大，好似食譚仔過橋咁。個麵加左d咖喱汁，有少少辣，d送每樣都係一至兩件，口感同味道同普遍的車仔麵檔無咩分別，唯獨是個豬腸，真係好淋，咬落好香口，而且感覺都幾乾淨。我點左河粉，搭埋d秘制汁，食落都唔差，唔會一夾就散。而杯紅豆冰都唔錯，唔會太甜，d紅豆好飽滿，而且好淋，加上紅豆本身加左甜味，飲落好清新。食下食下，好快就食完碗麵，飲埋杯紅豆冰，周圍再望下。依稀記得20幾年前讀小學的時候，同媽媽黎元朗都會食呢間車仔麵，佢真係都開左好耐啦。呢種滿滿人情味的小店，賣的不是華麗的裝修，美輪美奐的菜品，賓至如歸的服務。但黎食麵的客人仲係車如輪轉，希望呢種滿懷香港懷舊特色的小店可以抵受住時間巨輪嘅考驗，繼續屹立不倒。
繼續閱讀