影片
港鐵九龍灣站 B 出口, 步行約13分鐘
繼續閱讀
付款方式
其他資料
無障礙設施
詳細介紹
加一服務費
以上資料只供參考, 請與餐廳確認詳情
食家推介
今日去到九龍灣training day，專家好有耐心🫣，搞到二點幾先食得lunch！break得半小時又要繼續！只好同班同事嚟個quick lunch。好在樓下有個幾大又多位嘅food court，都幾多間食，坐得都幾闊落。大家各自揾嘢食先，行運一圈，嗌咗個包加杯嘢飲一定唔飽喎咁又記得唔知係邊幫襯過間台灣店，記得啲肉燥飯好正宗今次一於返兜，就叫咗個下午茶滷水雞翼肉燥飯。好肚餓食咗個包，唔記得影相添🤣，再食肉燥飯，果然冇揀錯，肉燥保持到好味道！就驚喜係下午茶都有四隻滷水雞翼，大大隻好入味，肉質滑嫩，下午茶仲送杯嘢飲，抵食呀不過我飲唔到兩杯嘢，同事好幫手，索埋🤣，半個鐘唔駛，大家都食晒，返工囉😪
繼續閱讀
過去年幾上得大陸食嘢多，都有啲悶悶哋，加上今個星期六天氣好唔穩定，就不如留港消費。打算同老婆買啲日用品同睇戲，就近近地就去九龍灣行下。去德福行咗電器舖，啲價錢mark得幾貴，睇下算喇，去咗無印買咗啲日用品同夏季衫，行到有啲肚餓，咁啱樓上有好多食肆，趁套戲未開埸，一於去美食廣場揾嘢食。見間台灣嘢都有啲人排隊，我都行埋去八卦下，見人攞走嘅嘢食都幾靚，有食慾😋，自由就買咗份鹽酥雞滷肉飯加杯半價嘅紫薯鮮奶，幫老婆嗌咗個滷水雞髀肉燥飯同黑糖珍珠奶茶。起餐算快，見我前面都有十個八個人等，都唔晒十分鐘我都有得攞喎！肉燥真係好香，似足台北間出名嘅黑金滷肉飯店，口感豐富，齒頰留香。鹽酥雞好脆，入邊都有好香嘅肉汁，好食😋。老婆個雞髀肉燥飯都好正，滷得好入味，雞髀好滑，size都幾大隻，坻食👍兩杯飲品都大大杯，味道正常。四十分鐘食晒清底唔一定上深圳先有平靚正嘅好嘢食，香港都揾到嘅
繼續閱讀
已經隔咗一段日子冇嘢九龍灣做嘢，月底又被老頂點嚟分公司對數，忙到飛起，搞到成三點先有時間去食晏，我對台灣嘢情有獨鍾！諗返上次次幫襯過嘅food court 內台式小店，出發！嚟到係下午茶時間，人唔多，見古早台居有推緊個台灣鴨胸肉燥飯，即刻買嚟食叫多杯蘋果綠茶醒醒神，出餐好爽手，唔駛三分鐘齊料！鴨胸肉就正正常，值得推薦嘅係呢度嘅肉燥超香濃，又好𡁻口，香滑嘅肉汁配上冬菇粒，好夾杯綠茶都唔錯，好大杯飲唔晒，攞返公司飲都好喎！返公司做嘢囉！希望今日做得切唔駛加班
繼續閱讀
刷新人生觀念的台灣嘢🙂 .首先，我都要維基一下咩叫「奶蓋」，奶蓋茶（英語譯名：Milk cap tea），簡稱奶蓋，稱奶霜茶 又稱芝士奶蓋 （cheese floam tea）是2000年代起源於臺灣的茶類飲料，為臺灣奶茶茶飲文化中的分支，將鮮奶、起司、奶油等加入茶中置於表層。.文字有講到奶蓋是源於台灣，係放於茶嘅表面，然後當我飲呢間所謂「台灣店嘅芝芝莓莓」嘅時間，刷新我人生觀😊👍🏻.大家可以見到圖片，個杯咁混濁嘅一杯嘢就係「芝芝莓莓」👍🏻🙂，我拎到嘅時候，我都呆咗一呆，再問一問店員，呢杯係乜嘢？係我嗌嘅奶蓋茶？.店員話係，呢杯係@芝芝莓莓，有奶蓋係入面，唔知放在係「中間」定係「最底」，當時我回覆一句，「你地都幾搞笑，咁都叫奶蓋茶？」🙂🙂👍🏻.店員回覆，係有奶蓋，你飲就有👍🏻.我拎到翻埋位，飲，真係搞唔掂。咩叫 「奶蓋茶」？「奶蓋」？「台灣店」？.然後我翻去櫃檯同店員講，要佢換一杯比我然後佢竟然我要「比個合理原因」、「點解要換」、「有咩合理理由」 wow好勁👍🏻👍🏻👍🏻👍🏻👍🏻.我望住櫃檯張「參考圖片」問道「奶蓋係最層先啱🙂？你咁都叫奶蓋？」.然後負責整飲品嘢店員行過嚟，回覆道：「點解呢個唔係奶蓋？」「我放咗奶蓋喺中間/杯底/掛杯擺」「總之我又放到奶蓋點解你咁都要換？」.呢個係我問題？？？？？下？.到最後都有換比我，我要求換一杯普通嘅珍珠奶茶🙂 不想伏，都是不好飲的，啲珍珠係硬嘅，我唔知係特登定咩啦（這是第二個食評內容）.然後，當負責整嘢飲嘅店員拎杯珍珠奶茶，比我嘅時候，仲講多一句：「啲奶蓋喺中間，到時你飲都飲到㗎啦，點解你要換啊？」.我真係火都嚟埋🙂🙂🙂🙂🙂👍🏻.麻煩公司見到比個合理解釋食客，到底咩先係奶蓋茶？你哋對職員培訓就係咁差？
繼續閱讀
間野幾好食，但啲肉燥少到傻，問佢可唔可以比多啲就勁惡咁講，我地有規定㗎，一定唔會少，但我碗野….，盡左力咁撈都係咁，有少竹色，餸下面都未撈過😔，同埋我都好有禮貌咁問呀，個姐姐真係幾惡下😔
繼續閱讀