5
2
2
電話號碼
2755 5483
付款方式
以上資料只供參考, 請與餐廳確認詳情
食評 (10)
因為家住麗晶,我有時候都唔係好想搭車出去食飯,因為疫情唔夠膽堂食,所以在附近南豐茶餐廳叫燒味雙併外賣飯。佢嘅燒味水準看來不錯,一定好食過快餐店的,我是他的忠實粉絲,如果能夠出便宜的下午茶小燒味飯就好了,我最欣賞佢個叉燒好正, 好重蜜糖香味,肉質滑溜,吾會太鞋,仲有少少筋位,而且好有口感。另外佢個叉油雞也是不錯,好重豉油味,唯一可惜,就是雞份量太少了,真係得幾片,佢自家製薑蓉也不錯,令我食曬一大碗白飯呀。
繼續閱讀
門面靚左,坐係坐得舒服左,食物既質數就....睇下舊萎縮既魚柳..最失望既係杯凍檸茶...連杯凍檸茶都大不如前,色水淡左,無曬以前既濃茶味..價貴左唔係問題,但唔該保持番原來既質數。
繼續閱讀
一個人的浪漫again, 見到呢間茶記幾新淨,光線充足,坐得舒服,重點係唔駛捧餐! 見人地食緊既水餃大大隻又飽滿,諗都唔駛諗叫左個水餃每隻餃都有一隻食麵湯匙咁大,所以都唔叫麵底,一啖咬落去,有濕潤結實的半肥瘦豬肉及爽彈蝦仁伴隨著爽脆黑木耳,口感豐富,成隻餃包到好滿,沒有空隙似的,吃落有種滿足的感覺!豬肉的油香伴著蝦仁的鮮甜,再加上清爽的黑木耳平衡豬油香的肥甘,各樣味道恰到好處,有回味無窮既感覺! 會encore, 多層次的口感+完美配搭的味道,這個價錢很超班!再黎呢邊做野既話,想再試埋燒味,個樣好得!
繼續閱讀
7點來到呢頭DO 野, 已開門的餐廳寥寥可數, 未飲咖啡的我, 雖已起左身成個鐘但都仍WING WING 地,見呢度已開門, 入內食早餐飲杯啡先講!都係叫BASIC 的沙爹牛麵餐, 不過有朋友請, 諗住加錢轉出前一丁, 但竟冇得轉? 少有沙爹汁係勁濃果隻. 超入味.D 湯好快沾染了沙爹味, D麵也是, 但其實OK噃. 個包夾埋腿蛋, 加杯啡, 當堂醒晒.大叔都好友善快手, 朋友漏左個餐, 都馬上跟進.廿幾蚊, 算正常.不過冇丁的茶餐廳, 本人倒是第一次幫襯!
繼續閱讀
幾年前有時會到這餐聽, 同事極力推介酸辣米線! 可惜, 今天的酸辣米線只有酸菜, 沒有辣椒, 同事問侍應啊叔為何沒有辣椒, 阿叔居然說: 你係弟二度食架?! 我地一直都係咁! 個下, 已經唔想再糾纏.... 其實食物方面, 味道中規中矩, 不過價錢就很貴! 常餐除外! 普通一蝶飯, 或燴雞比飯, 已經37元正, 飲品另計, 最平13元一杯... 這個價錢... 不用再這裡受氣啦!
繼續閱讀