影片
電話號碼
67407705
62156019
付款方式
其他資料
VIP房
海景景觀
Live Music
以上資料只供參考, 請與餐廳確認詳情
想食泰國菜首選梗係去九龍城，今日去咗間重新開張嘅友誼泰國菜館✨新店裝修明亮光猛，座位寬敞舒適，店員親切又有禮，成個用餐體驗都好好💗💗🔹豆腐肉碎湯呢排天氣咁凍，最啱使飲番碗熱辣辣嘅湯，豆腐肉碎湯湯頭清甜，選用玉子豆腐，嫩滑無比，肉碎份量好多，啖啖鮮甜又暖胃。🔹蒜蓉包一上枱就聞到濃濃嘅蒜香味，包身外脆內軟真係令人食唔停口。🔹豬肉碎生菜包帶點微微酸辣開胃又惹味，伴以新鮮爽脆生菜同食，口感豐富又開胃。🔹鹽燒烏頭即叫即燒熱辣辣上枱，魚肉嫩滑多汁，帶濃濃香草味，味道上更多了層次。🔹蝦醬炒飯炒飯食落好有鑊氣，粒粒分明之餘仲散發陣陣蝦醬香，見到絲絲蛋花，仲有泰式香腸伴碟，鹹香惹味。🔹泰式雜菜煲食咗咁多肉叫返個菜平衡吓～雜菜煲都有齊多款菜，最愛清香西蘭花，仲有唔少粉絲，份量十足夠晒足料。🔹青檸梳打清新香甜好解渴，酸甜開胃。友誼泰國菜館✨📍九龍城城南道5號地舖
繼續閱讀
平時去九龍城多數都係去已經出晒名嘅泰國餐廳，而呢間餐廳係之前行過覺得個門面好簡單，冇特別留意個menu。今次再行過去，見到入面裝修好乾淨整齊，再加上朋友介紹話幾好食，所以今次自己一個就入去試吓。入到去餐廳嘅服務員都好好笑容好welcoming ，非常加分Menu嘅選擇都幾多，有啲小食幾吸引，譬如皮蛋蝦餅&酸辣鳳爪可惜我自己一個人食，只能夠嗌個炒飯試試水溫。我叫咗個泰式炒飯配雞肉。炒飯嚟到係出晒煙，粒粒飯都炒得好乾身，雞肉好嫩滑唔係雞胸肉嗰隻諧霎霎，擺盤都有啲心思不過食到最後都見到幾多油Anyway, 食完好滿足期待下次約多啲朋友可以一齊去食唔同嘅小菜！
繼續閱讀
📍友誼泰國菜館(九龍城)九龍城城南道5號地舖好耐之前係舊舖食過佢個燒牛肉，再想去食就見已經執咗，自此就念念不忘，終於等到佢重開，緊係要約埋朋友嚟食啦😆😆😆👉檸檬燒牛肉💰128😋😋😋😋.8/5呢個真係必食，佢個燒牛肉好重碳燒味之餘，仲唔會過熟，半生狀態，超級嫩肉，配埋秘製醬汁，更加開胃👉生蝦💰98😋😋😋😋.6/5好耐都無食過喇，個生蝦非常新鮮，夠哂鮮甜爽口彈牙，點埋個生蝦汁仲帶出咗蝦個鮮味，打開個味蕾👉咸魚炒椰菜苗💰78😋😋😋😋.6/5揀咗椰菜苗用鹹魚炒，好咸香好惹味，椰菜苗新鮮翠嫩👉明爐烏頭魚💰158😋😋😋😋.5/5烏頭新鮮又大條，而且唔會煮得太熟，口感啱啱好，加埋幾粒酸梅仲更加開胃，配菜煮到最後先食，入哂味，酸酸甜甜回頭: yesYesyes!!!☺️ 佢個燒牛係最好味架😋😋😋而且份量大，水準都好穩定😆
繼續閱讀
這間位於九龍城的【友誼泰國菜館】，主打地道的泰國菜，而且價錢公道，份量十足，無需加一收費。食物方面，有多款的特色泰國小食、湯、海鮮、咖哩及飯粉等，款式甚多。拼盤有彈牙炸蝦餅、金黃香脆的春卷、炸魚餅及香葉包雞。椰汁咖喱燴蝦蝦仁爽彈，咖喱帶椰奶香味，十分惹味。馬拉盞通菜通菜有香料味道，帶點辣香。豬肉碎生菜包生菜翠綠爽脆，豬肉碎帶點辣香，十分清新惹味。蟹膏炒飯炒飯有多隻大蝦仁，洋葱、炒蛋等配料，十分爽口。最後飲返杯青檸梳打。
繼續閱讀
今日同老公去咗九龍城睇戲拍拖，睇完戲周圍行吓見到呢間友誼泰國菜原來重開返啦😍😍我哋以前都成日去食，新舖頭裝修簡潔光猛，牆上面仲貼滿好多嘢食嘅靚相，真係令人眼花撩亂樣樣都想食呀！🐟明爐燒烏頭泰國嘢必叫一定係明爐燒烏頭！烏頭好新鮮啖啖肉，個爐火一路熱住熱辣辣，唔洗驚會凍咗，好啱冬天食😋配埋店家特製嘅泰式酸辣汁，好提鮮好惹味👍🏻另外仲配埋碗魚湯，可以一路煮一路補返啲湯，個湯都好香香茅味飲落都無味精👍🏻😍🐥燒雞半隻燒雞用咗泰式風味嘅醃料，有黃薑粉，食落好juicy唔會過咸，皮脆肉嫩，見到隔離幾檯都有叫燒雞食，相信一定係鋪頭嘅名物😍推介大家下次嚟都要叫嚟食下！🍜泰式炒金邊粉次次食泰國嘢都會叫，炒金邊粉嘅調味適中份量充足，味道唔會過咸或者過甜，仲配有好多嘅芽菜、花生粒、碎蛋同埋新鮮大蝦，好似去咗泰國食地道嘢咁😍🥗馬拉盞炒通菜 份量都好多，夠晒我哋兩個人食，仲用咗少少辣嚟調味，好好食好惹味🧋龍眼冰清清甜甜嘅龍眼冰絕對係配泰國菜嘅不二之選😋飲完好解膩👍🏻📍 友誼泰國菜館 (九龍城)九龍城城南道5號地舖
繼續閱讀