影片
以上資料只供參考, 請與餐廳確認詳情
花老嘢要應付考試，所以我今晚去上環陪佢食飯。上OR搵有咩食，見呢間餐廳comment唔錯，就去試試。6點鬆d就到，得一枱客，同老嘢每人一個set，都係食意粉個set好豐富架，有雞胸沙律+湯，主菜，甜品同coffee or tea。佢係一道道上架，食完沙律先上湯，唔似其他餐廳沙律同湯一齊唻。沙律係雞胸沙律，個sauce有d蜜糖味，雞胸有d似煙鴨胸咁，唔錯。湯係雜菜湯，上果時仲好熱，唔係暖架，抵讚！個味都唔錯。意粉我同老嘢都要咗鮮蝦唔知咩意粉。有3隻剝咗殻嘅蝦（好爽，不過冇蝦味，應該係雪藏蝦），意粉未到al dente，不過都幾有口感。甜品係panna cotta，好rich奶味，上面有dd chocolate醬，好味。最後coffee我要咗mocha，幾有咖啡味唔錯。食咗咁多嘢個set先係$128+10%而且如果你鍾意食酒，加$45可以任飲wine同beer，非常抵！老嘢話下次一定要加$45飲酒，哈哈哈。
繼續閱讀
記得 3 月中下午經過上環永樂街的 <Segafredo Zanetti Espresso>，見到門外有咖啡推廣優惠！指定口味咖啡$20 贈送法式杏仁餅 (馬卡龍)！ 只限星期一至五，下午 3:00 ~ 6:00！在 3 月份，我去了兩次旅行比較忙！ 因此，無緣享用此優惠！那麼，在 4 月份，找天早點放工來試試吧！行上幾級樓梯走入店子，男店員有禮地招呼我！當時我的手錶大約下午 5:55，我問他這時候有沒有咖啡推廣優惠？落單付款之後，隨即男店員立刻為我沖調咖啡！當時只有我一位食客，我還是找個好位置坐下來吧！ 看到牆上壓印多個不同城市的名稱！ 相信多個城市也有分店！還有嘆咖啡的寧靜一角！Latte $22 ( 堂食 - 設加一服務費 )用自家品牌咖啡杯盛載，突顯獨特風格！拿上手都 OK! 簡單以心形拉花令咖啡看來更有美感！ 不論色澤抑或香味同樣令人滿意！ 散發濃烈咖啡香！奶泡溫度剛好是微暖！打得很綿密幼滑！咖啡很順喉，頗香醇且帶點甘，咖啡味道尚算突出！ 另外，店方還提供白糖、咖啡糖、代糖，認真周到！士多啤梨馬卡龍 ( 由於贈送關係，無得揀口味！)馬卡龍外層香甜鬆脆！食到夾心有點點士多啤梨籽！ 口感特別！甜而不膩！聽男店員講亦是好受歡迎的一款！
繼續閱讀
63 瀏覽
有時晌啲網上遊戲抽到啲飲飲食食嘢，都會醒啲俾老死Ivan兄，佢為人對食都頗有研究，所以佢似食家多過我，小弟我依類都只喺為為食食啫。佢老兄話受得小弟「恩惠」多，想回個禮，查實就真喺唔使，嗰啲獎品嘢都喺借花敬佛而矣，何足掛齒！回禮嘅事丟低咗，後來Ivan兄話買咗世家Segafredo Zanetti嘅All-day High Tea套餐團購，不如一齊去試，結果上當就受咗依份回禮喇。大家都喺晌中上環返工，理所當然收工過嚟上環店度食就最便捷，唔使專燈再出嚟。比起逾三千多呎銅鑼灣嘅旗艦店，上環店絕對喺蚊型小鋪，幸好入夜後嘅中上環都好靜，尤其好似世家依類縮晌內街嘅鋪頭，就更加靜焗，故此客人都唔多。Segafredo Zanetti本身喺意大利著名嘅Espresso生產商，其後搞埋餐廳，店舖可謂遍佈全球。話說回來，今次團購個「高茶」點夠我哋兩個男人當正餐食吖，所以，嘆完份「高茶」，另外再加多一份3道菜嘅晚餐。整份高茶一共有8款嘢（鹹甜各4款），最好就喺每款兩件，唔使分嚟分去。Segafredo Zanetti貴為意大利品牌，個「高茶」賣相就未免「有失身份」，唔好話以三層架咁高姿態，就咁以兩隻餐碟都喺令人感覺過於普通。鹹點：鵝肝多士、火腿芝士三文治、迷你春卷、煙三文魚泡芙鵝肝多士，只喺鵝肝醬配法包，法包一點都無烘過，所以多士之名有點兒戲，鵝肝醬粉嫩柔軟，食落口鹹香軟滑；火腿芝士三文治相信喺成個餐最低分、最無睇頭嘅出品，一般茶記食到嘅水平，除非夾住嘅喺巴馬火腿就可能另眼相看；迷你春卷一睇就似足越南嘅絲網春卷，還算鬆脆，但原來餡料有滿滿蝦肉，即時加番分俾佢；泡芙甜食就試得多，鹹食就較為少，依個煙三文魚泡芙細細個，可以一口搞掂，乾淨俐落，泡芙唔算好鬆軟，內裡亦只喺單單夾片煙三文，口感有啲寡，如果加點蜜糖芥茉汁，相信味道更有層次。整體上，鹹點有啲未夠秤，其一就喺款式唔突出，其二，味道有好大改善空間。甜點：栗子撻、意大利芝士餅、芒果慕絲蛋糕、馬卡龍甜點又咩景呢？款式及外觀，至少比鹹點好。栗子撻，精緻小巧，朱古力撻底頗鬆脆，栗子蓉做得幼滑，味道粉甜；意大利芝士餅，純以個人口味就肯定唔達標，以海綿蛋糕取代手指餅做底，都唔喺問題，但啡味酒香味欠奉，而上層芝士餡只佔一小部份；反而芒果慕絲蛋糕做得唔錯，芒果慕絲好柔滑，味道清甜，加埋點點果肉，很有水準喎；馬卡龍，一啡一綠，喺焦糖跟綠茶，表面烘得幾圓滑，手勢唔錯，味道不竟都喺偏甜，正宗馬卡龍嘅特色，口感煙韌緊至，滲點焦糖、綠茶香，不俗！結論喺甜點比鹹點稍優勝，但仍可以再做好啲。餐飲咖啡以外，都有幾多餐茶選擇，例如伯爵茶、洋甘菊茶、薄荷茶……等等。我哋兩個都要咖啡，Ivan兄要嘅喺意大利泡沫咖啡，小弟則點咗鮮奶咖啡，拉花似乎喺個心形，不過唔喺幾靚，還好就喺咖啡有水準，咖啡香氣馥郁，味道很醇和。個「高茶」套餐話原價值$288，感覺有點疑問，當然依家團購價$99（另加一），確實超晒值，因為淨喺兩杯靚咖啡都差唔多要咁嘅價啦。不過，當正餐兩個就一定唔夠食，所以我哋再另外點多一個餐，佢有個「all day set menu」，無分日頭定夜晚都有得嗌，有前菜 / 餐湯、主菜、甜品、餐飲，價錢視乎所選主菜而定。煙鴨胸沙律配檸檬蜜糖汁沙律菜之上，有煙鴨胸及柚肉、哈蜜瓜，配襯酸酸甜甜嘅檸檬蜜糖汁，挺醒胃。以一個套餐嘅前菜嚟講，份量實屬不少呀。燒雞肉青豆意大利飯（$103 – 套餐價）主菜依晚就有5款，有三文活、意大利粉、意大利飯、燒法國春雞及煎三文魚。揀個意大利飯都無咩偏好，都只喺隨意。青綠色嘅外觀源於青豆所做嘅汁，青豆味唔錯喎，意大利飯煮得又夠咬口，拌有好多菇菌同燒雞粒，撤上少少即磨黑椒碎，好好味，如果可加少少芝士粉就仲正添。意式奶凍是日甜品喺無得揀，只有意式奶凍，平滑嘅奶凍本應賣相平平無奇，不過以紅莓漿及朱古力漿畫咗個笑臉出嚟，份外有趣。再者，個奶凍做得挺身柔軟，好重奶味，又有雲呢嗱香，因為刮到下面粒粒雲呢嗱籽就會清晰可見，絕對真材實料。小弟一杯咖啡就夠，所以全日套餐杯餐飲就再由老死搞掂。今晚好開心跟老死食嘢吹水，雖然個高茶未達預期，但個晚餐質素仍高，輕輕鬆鬆傾咗兩個幾鐘，慢慢食慢慢嘆，感覺好有偷得浮生半日閒。
繼續閱讀
Set Lunch頭盤可選擇鴨胸沙律或南瓜湯, 我叫了南瓜湯, 湯的賣相没什麼特別, 但卻非常好味, creamy又夠熱, 是一流的南瓜湯!!午餐主菜是雞肉青豆意大利飯, 侍應在我落單時問我飯要硬身些或軟身些, 可以就番客人, 加分! 可能是因為我叫了要多些芝士, 令到飯偏咸, 但芝士味卻不算濃, 反而卻充滿basil味, 很有意大利風味. 由於意大利飯本身很飽肚, 所以即使看上不是很多, 但都已經很飽.甜品是panna cotta, 幾好味. 飲品我加錢轉了iced green tea latte, 綠茶味非常重, 奶味也不算很重, 但以香港人的口味來說, 我覺得明顯不夠甜, 如果喜歡少甜或走甜的人便適合了.餐廳環境很舒服, 背景音樂不會令人覺得嘈, 全餐廳只有大約6張枱, 侍應招呼有禮有微笑.總括來說, 南瓜湯最讚, 主菜一般, 甜品不錯, 飲品再甜些便perfect, 環境和服務都good, 價錢合理, 是值得推薦的休閒型小餐廳!
繼續閱讀
這間小餐廳位於上環的一些橫街上，有點兒不起眼，不過，今次有上環上班的朋友帶領，很容易就找到。店面很小，堂食座位不多，聽說平日中午很滿座，這天我們星期六12點左右到，我們應該是這天第一桌堂食的顧客，不過，接著人真的多起來了。當天，我們點了lunch set, 選了沙律、意粉和甜品；沙律的醬汁很開胃，帶點酸甜，除了沙律菜，還有西柚和菠蘿，而上面更加了一些又脆又甜的合桃碎，整體配合得很好。意粉方面，我們選了蜆肉蒜片意粉，味道還不錯。而最令我們驚喜的是跟餐的甜品--- creme brulee! 脆脆的焦糖面，加上又香又滑的布甸，美味！再配上香濃的咖啡，真的是很讓人很滿足的午餐！
繼續閱讀