YOLO (已結業)

同媽媽經過見到套餐好似幾抵食就入去試下啦，餐廳主打食泰國菜，岩哂我同媽媽既口味~入到去原來餐廳環境比我想像中大，座位乾淨舒適。食物款式都多，二人套餐二百幾蚊有交易，而且都有幾多野食。除左有套餐之外，都有多款既傳統及新派既泰式主食、小食、甜品同飲品等等。［泰式二人套餐($228)］大頭蝦冬陰功湯冬陰功酸辣平衡，味道香辣得黎帶點清爽，幾足料，非常開胃。泰式燒烤拼盤(細)拼盤包括左：鹹蛋黃單骨雞翼、雞肉串、豬肉串、蕃茄、泰國酸辣肉腸同埋泰沙律。雞翼外皮香脆，肉質嫩，鹹蛋黃嘅味道啱啱好，鹹香得來唔會遮蓋左雞翼本身嘅味道。雞肉同豬肉串調味甜甜地，肉質軟腍。泰國酸辣肉腸第一次食，比起一般香腸，肉質會相對地腍身少少，香料味比較重，都幾特別，值得試下。泰香馬沙文咖喱雞咖喱唔會好辣，味道香而濃郁，重椰奶味，雞肉都入味，而且幾滑，送飯一流。馬拉盞炒通菜通菜脆嫩，味道香辣，幾有鑊氣。泰式奶茶比起其他舖頭嘅泰式奶茶，呢個既甜度相對地冇咁高，連埋上面嘅奶泡一齊飲，口感更滑。泰式奶綠個人比較鍾意奶綠，茶味清香。芒果糯米飯配椰子雪糕(套餐追加$40)賣相幾靚，糯米質地柔軟，椰子雪糕甜度適中，配埋酸酸酸地嘅芒果同香甜

今日去咗寶琳新都城嘅Yolo，係間主打泰國菜嘅Cafe，環境好優雅和文青，坐得好舒服。今次和朋友叫咗個2人餐 $228，有冬陰功湯、拼盤、主菜(3選1)、炒菜(2選1)、2份絲苗白飯/印度薄餅 & 2杯泰式奶茶/泰式奶綠，超多嘢食，CP值超強！🔹️大頭蝦冬陰功湯🔹️泰式燒烤拼盤🔹️泰香馬沙文咖哩配牛肋條呢嗰咖哩超香，唔會太辣，用來點印度薄餅好正！牛肋條炆到好淋，好好食！🔹️馬拉盞炒通菜好惹味和炒到好香口，仲要幾大碟🔹️印度薄餅🔹️泰式奶茶🔹️泰式奶綠兩杯飲品都算幾大杯下，無走冰之下甜度啱啱好呀！🔹️芒果糯米飯配椰子雪糕 ($40)賣相好靚好吸睛，打卡一流，椰子雪糕好清新好食。

🤎YOLO🤎自細都係寶琳長大嘅我，見住新都城唔會幾年都大裝修一次，今次翻新可以話係最有驚喜嘅一次。今次嘅裝修特別喺三期裏面加咗好多餐廳位，所以突然之間新都城三期突然變咗美食天堂。今次同媽咪就去咗裝修得似cafe，但係食泰菜嘅YOLO🤪餐廳用咗綠色為主調，有唔同嘅打卡位，環境清幽，我同屋企人一坐就坐咗兩個鐘，非常之舒服。雖然佢裝修得似Cafe，但係價錢一啲都唔貴，平日黎食嘅話仲有午市套餐或者下午茶套餐。套餐包一杯普通飲品，如果想升級飲特色飲品，只需半價✨🤍燒牛肉沙律餐 $78本身對呢個沙律冇乜期望，但出奇地佢牛肉燒得非常好，而且揀嘅部位好嫩滑，有啲似食緊牛肩肉。🤍炸蝦餅$18聽店員講，好多人都會叫呢個炸蝦餅嚟食，自己都覺得十分之滿意😗炸得好香口🤍青檸薄荷梳打本身見到有薄荷有少少抗拒，因為好驚係落咗嗰一隻薄荷糖漿。不過呢一度係落真材實料嘅薄荷葉，所以唔會有我一浸好假嘅糖漿味，所以你一杯青檸薄荷梳打非常之好飲，好啱用黎送泰國菜。🤍泰式無骨海南雞飯 $68海南雞飯嘅份量好多，擺盤好靚。不過略嫌雞肉肉質比較實📍YOLO將軍澳貿業路8號新都城中心三期1樓132A,138D號舖#boombu將軍澳#

前排去咗將軍澳食晚餐，係呢間——🌟YOLO🌟食咗個好豐富嘅二人餐，估唔到份量多好抵食，飽到不得了🙊同埋幾鐘意佢個餐廳名，雖然得4個英文字好簡單，但好有意思，係 ”You Only Live Once” 嘅意思，幾特別所以記得🤣不過應該無咩人會在意到🫣講返啲食物先💁🏻‍♀️._.🌟🌟🌟 / 2人餐 / 🌟🌟🌟🦐｜大頭蝦冬蔭功湯｜🦐個冬蔭功好足料，見到隻大頭蝦大到連個碗都放唔落，影相就最吸睛🤩佢個味道仲要好夠味，好正宗下🌟·🍖｜泰式燒烤拼盤｜🍖以為跟餐附上嘅燒烤拼盤會好細份，點知好有誠意，就連每款燒烤食物都各有味道💕·🐥｜泰式無骨海南雞（半隻）｜🐥半隻海南雞份量真係好足，雞件肉質腍身嫩滑，仲配埋海南雞必點嘅三款醬汁，啖啖肉好正👍🏻·🥬｜馬拉蓋炒通菜｜🥬估唔到一碟炒通菜都咁好食，佢用蝦醬炒，勁香濃，又唔會好鹹，菜黎講兩人份量足夠有突，依家我覺得好惹味😝·🍚｜絲苗白飯｜🍚如果有得揀黃油飯更滿足·🫓｜印度薄餅｜🫓好特別可以揀薄餅，薄餅熱辣辣好香酥，而且數量有限架，我哋點之後無耐已經賣晒🫣•/ 追加 / (+$20)🐖｜泰式燒豬頸肉｜🐖呢個追加只需加$20就有多一碟餸嘅感覺，因為數量好多，絕對唔係幾

YOLO (將軍澳).完全唔知咁近我開左間性價比咁高嘅野，食物價錢唔貴又好食，環境仲要超舒服！.▪️二人晚餐$228▪️.·泰式燒烤拼盤·.拼盤有鹹蛋皇雞翼，串燒豬同雞，仲有泰式腸仔.·大頭蝦冬蔭公·.有一大隻蝦，湯夠惹味，酸酸辣辣.•馬沙文咖喱牛肋條•.有得揀海南雞或豬手，我地揀左咖喱牛肋條，有牛筋，咖哩我地揀左薄餅，沾住食！.•馬拉盞通菜•.通菜好大碟，又炒得有鑊氣！.•+ $20泰式豬頸肉•.$20就可以加份小食，豬頸肉燒得香口！.📌 YOLO (將軍澳)將軍澳貿業路8號新都城中心三期1樓132A,138D號舖.環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️

(๑>◡<๑) 好豐富既泰式二人晚餐☺️本身呢間餐廳係做西餐嘅，最近轉咗做泰國菜，見到啲菜式都幾新派，就去咗一試😌✮⋰ ⋱✮⋰ ⋱✮⋰ ⋱✮⋰ 呢到上菜上得好快，未仔細睇，野食已經一窩鋒擺上前，好有效率🤣講番正題先，呢個二人餐前菜已經有三個🥘大頭蝦冬蔭功湯：係好濃郁嘅湯，酸酸辣辣，好岩重口味既人😎🍱泰式燒烤拼盤：分別係有鹹蛋黃單骨雞翼 、雞肉串燒、豬肉串燒、燒蕃茄，仲有好特別辣辣地嘅「泰國酸辣肉腸」。串燒可以點沙嗲醬，好味；辣肉腸好有泰國風味！🥗小沙律：原來仲有個hidden from menu 既小沙律，仲有好多醋，酸酸地好開胃😗✮⋰ ⋱✮⋰ ⋱✮⋰ ⋱✮⋰ 主菜共有三個選擇，我選左 -🥩泰香馬沙文 咖喱牛助條，呢個咖喱係偏甜，好易入口；牛肋骨林甜，仲有少少薯仔；加埋啲印度薄餅好有風味😌🥬馬拉盞炒通菜：熱辣辣好大份量，馬拉盞好香，炒得幾好。🫓印度薄餅/ 🍚白飯：呢個幾好，兩個人可以combine both choices，正所謂「唔駛選擇，全部都要🤣」✮⋰ ⋱✮⋰ ⋱✮⋰ ⋱✮⋰ 呢個二人餐包咗兩杯飲品，又係可以各選一，🧉泰式奶茶：係好正宗嘅味道，上邊仲有厚厚嘅泡沫🧉泰

呢日黎到寶琳探朋友, 甩到新都城呢間泰國野好似坐得幾舒服又光猛咁, 於是就揀左食佢~ 呢間餐廳叫YOLO, 都係食泰國菜既~ 我地叫左個2人餐, 入面有勁多野食~ 有大頭蝦冬蔭功湯, 泰式燒烤拼盤, 泰式無骨海南雞半隻/ 泰香馬沙文咖哩/無骨豬手, 馬拉盞炒通菜/蒜蓉少雜蔬, 仲可以揀要白飯定薄餅~ 仲包兩杯野飲: 泰式奶茶/泰式奶綠~ 首先講下佢個湯, 大頭蝦勁大粒, 食落好滋味! 個湯夠哂惹味! 好好飲! 泰式燒烤拼盤入面都有好多野食,個腸仔真係估佢唔到係辣辣地咁勁JUICY~ 另外我地都加左要蝦春卷同芒果燸米飯, 春卷夠哂香脆同埋入面都有好多蝦, 芒果燸米飯撈埋佢既椰汁都好好食~ 主菜我地就揀左要泰香馬沙文咖哩雞, 配埋薄餅真係perfect! 可以一個揀飯一個揀薄餅, 我地就兩個都要哂薄餅,入面有成8塊, 份2好多同埋薄餅都好鬆化~ 食埋個菜同甜品真係Perfect!

新都城中心三期早前開左間新派泰式cafe 環境好舒適 田園式設計 配上白色雲石枱 木製書架 芒草等擺設 好文青😍有別於一般cafe以西餐為主 YOLO主打泰國菜 仲有一啲好特別既新派泰式fusion 菜比大家試下😊今次我地就簡左二人餐食 因為真系超級抵食🤑 6道菜包括有湯 串燒拼盤 沙律 主食 菜 野飲 咁豐富都只系$228 真系不得鳥👏🏼🫕大頭蝦冬蔭功湯(細)雖然系細size 但都好足料 有大頭蝦 洋蔥 香茅 仲有好多菇片 食極都有😂味道酸酸辣辣 好醒胃 做前菜一流🍢泰式燒烤拼盤(細)完全冇揸流灘 有一串雞柳 豬肉 辣肉腸 燒蕃茄 仲有四隻一字骨雞翼黃金雞翼 炸到香脆 配埋鹹蛋黃醬真系冇得輸 超級惹味 雞柳肉質嫩滑 燒蕃茄好juicy 🐷原隻泰式無骨豬手去曬骨 啖啖肉👍🏻鹵水汁好濃豬手皮好林好滑🥬馬拉棧炒通菜菜好新鮮 炒完都好翠綠 色水好靚味道岩岩好 吾會太鹹套餐仲包白飯 薄餅 薄餅好蘇脆 上枱時熱辣辣 牛油味幾出 好驚喜😚🍹泰式奶茶 ＆ 泰式奶綠好colorful 岩曬打卡奶綠好香茉莉花味 幾特別🍦芒果糯米飯配雪糕 +$40食泰國野一定要食芒果糯米飯糯米飯暖暖地 用左蝶豆花上色 加

餐廳的名稱"You only live once"非常有意義，傳達了一種珍惜生命的態度。而選擇在這樣的一家餐廳用餐，也是一種對生命的珍視和對自己的犒賞。這家泰式餐廳絕對值得一試，特別是他們的$228 二人套餐。頭盤大頭蝦冬陰功湯（二人份量）湯裡的大頭蝦肉質鮮美，湯的味道濃郁，帶有酸辣味和泰式香料的香氣～泰式燒烤拼盤有豬，雞串燒，雞翼和香腸，實在太豐富～主菜泰式無骨海南雞雞肉非常嫩滑，份量好多，配試泰式口味的醬汁一絕👍🏻馬拉盞炒通菜通菜的清爽口感和馬拉盞的香氣完美結合😋飲品有兩杯泰式奶茶，奶茶的口味濃郁，奶香十足，而且賣相好美😍

真係有驚喜啊！佢哋嘅咖喱好正，濃郁嘅香料味令人回味無窮，加上啲炭燒澳洲肉眼扒，真係好Juicy，令人嘴唇上下舞動。同埋佢哋嘅田園沙律，好新鮮好爽口，仲有啲微微嘅酸味，令味覺更豐富。食完咁多嘢，一定要試試佢哋嘅蘋果肉桂烏龍，好香甜，令人一飲而盡。而佢哋嘅忌廉南瓜湯，都好滑好濃郁，令人感覺好溫暖。總括嚟講，呢次用餐體驗真係好好，令人想再嚟多次食返啲好味嘅餸！

又發現到 將軍澳新都城又多一間好選擇嘅 不得不試吓 呢間餐廳感覺好清新 坐得闊落又舒服 相比起二期 呢度三期嘅餐廳 比較隱蔽一啲 但最鍾意就係唔使等位 仲要好食 😋🤍香酥番薯條 $43~又脆又夠甜 係本身番薯嘅甜味 🤍泰式燒雞配烤菠蘿 $118~ 泰式醬汁係精華 燒雞皮薄外脆內軟又多汁 燒菠蘿嘅甜度提升 兩者配搭得非常好 🤍牛肉三重芝士漢堡 $78牛肉juicy 加上切碎嘅酸青瓜 包充滿牛油香 仲有蕃茄洋蔥生菜 🤍菠蘿椰青特飲 $28 夠清新 鍾意飲完啲椰青先至食啲菠蘿

今日來到將軍澳寶琳周圍行，意外發現了一間非常抵食嘅泰國菜名叫「YOLO」。店內裝潢又不像平常的泰國風，一反簡約文青路線，用上書架、芒草等，營造出一個休閒的環境！沙嗲串燒4串（雞肉、豬肉）串燒都醃制後燒炙，入口就有著非常濃郁的沙嗲香，而且入口嫩滑彈牙，如果嫌不夠惹味，更可輕點沙嗲醬汁，增添香味。泰式豬頸肉這款豬頸肉真的非常抵食，而且份量十足，入口軟滑爽彈之餘，更是肉汁Juicy，真係令人難以抗拒。 椰香海鮮焗飯來到時已聞到椰香滿滿，更有多款豐富海鮮：大蝦、魷魚、青口、蜆肉等…那椰香配上白飯真係絕配，絕對令人食唔停口。芒果糯米飯配椰子雪糕暖笠笠的糯米飯配上香味椰汁，口感豐富，還有椰子味雪糕球，在這炎夏食就最好不過！

將軍澳愈來愈多新開的食肆，感覺選擇愈來愈多，希望擺脫美食沙漠的名字。想食泰國菜唔一定要去九龍城，今次揀左間位於寶林站新都城３期的Yolo，見到Openrice 的評語原來以前係食西餐，最近餐牌轉左泰國菜，即刻試試先。首先講左舖頭環境先，環境清靜好啱傾計或情侶黎食飯，侍應都非常有禮貌，非常加分。望住個餐牌，雖然唔算選擇好多，但大部分人會食的都有，我地因為貪心又想食串燒，又想食蝦餅，所以叫左個大拼盤^^，加左個青咖喱牛加配印度薄餅，仲有必食的馬拉盞炒通菜。個拼盤有串燒(雞/豬)，單骨咸蛋黃雞奕，番薯條，泰式沙律同腸仔，腸仔個味似泰式魚餅的味，充滿檸檬葉的香味，串燒的沙嗲汁好食，花生味重。個青咖喱牛肋條配印度薄餅好夾，不過配飯的話應該更好，超好送飯。然後個通菜都好食，唔會好老，整體感覺不錯，都建議大家黎試。

今日收工同好耐冇見嘅朋友聚下😆 ✨泰式蟹肉炒飯 $112都炒得幾乾身 蟹肉份量都唔少 啲肉好實肉 👍 有蟹嘅鮮甜味👍😋✨泰式拼盤（小）$78十分健康 有盤菜 👍 啲單骨雞翼都幾出色 有香濃嘅蛋黃味🤤🤤 雞肉同豬肉串都幾大串 腸仔好香辣惹味😋✨泰式燒牛柳配酸子汁 $108牛柳燒得一啲都唔乾唔韌👍 有牛味 配送一堆沙律菜非常健康👍總括黎講食物都唔錯 環境好舒適 唔嘈 可以慢慢坐同朋友傾偈 🥰 侍應服務都好好 會主動加水 有禮

將軍澳又有好嘢食啦，而家最新推出咗泰式Menu絕對唔可以錯過🤗即場炭燒泰式燒烤拼盤（細）(咸蛋黄單骨雞翼4件，雞肉1串、豬肉1串、蕃茄、秦國酸辣肉腸、泰沙律)惹味嘅鹹蛋黃包住單骨雞翼真係非常滋味無窮，炭燒味十足嘅雞肉加豬肉，再加炭燒味辣味十足嘅香腸，有炭燒有辣🥵，梗係不忘食返啲蔬菜同蕃茄降熱氣啦。雖然佢話係細size，但係份量真係好足夠兩個人食。泰式燒魷魚鬚煙靭又彈牙嘅燒魷魚酥配埋佢哋嘅燒烤醬，非常之入味。試完簡直難以抗拒。傅統泰式泰式無骨海南雞（半隻）呢個係絕對必試推介，真係非常之好味道，真係非常之好味道，雞肉嫩滑，皮爽脆有汁唔油膩，整體非常之滑，就算唔點佢哋嘅醬汁都非常之入味，雞味非常之濃郁，真係咬落去有即刻溶嘅口感。泰式奶綠香濃嘅綠茶加濃郁香滑嘅奶味。特飲芒果椰子撻呢杯飲品超級大杯，簡直可以係飲品加甜品集於一身，新鮮香濃嘅椰子蓉好似飲緊椰子奶昔一樣，食完之後仲有個芒果冰雪條配搭，非常之特別