影片
以上資料只供參考, 請與餐廳確認詳情
嚟到旺角搵野食，見到呢間食自家麵，好耐都冇食過湯麵，就入去試吓午餐時段，我叫咗手撕雞涼麵、豬耳、胡麻韭菜餃手工麵🤤手撕雞涼麵 ($53)呢個手撕雞涼麵絕對鎮店之寶✨真係行過路過唔好錯過❗️手撕雞涼麵可以選擇辣度，我自己就叫咗小辣👍🏻個麻醬撈埋啲辣味一齊食好夾，手撕雞同埋青瓜，再加埋落去一個比較煙靭嘅涼麵，將成個面嘅層次再提高🥰重點係真係好大份！如果一個女仔過嚟食有機會食唔晒，所以可以同朋友share🥳豬耳另外再叫咗豬耳，呢款係長條型，大大條，食落口十分爽脆👍🏻但係佢嘅調味就唔係話好多，雖然辣辣地但係唔係好食得辣嘅人都可以試吓🤭胡麻韭菜餃手工麵 ($58)呢碗麵一上到嚟已經大到嚇親人，真係好抵食╰(*´︶`*)╯♡首先佢個胡麻湯底真係好好飲，佢都係可以俾你揀辣度😆有好香濃嘅胡椒味，冬天飲落肚好暖胃😌另外佢嘅韭菜餃都好足料，完全唔馬虎😉咬落去係啖啖嘅豬肉同埋韭菜🤩佢嘅手工面都有得揀唔同嘅闊度，所以十分之有咬口😙總括而言，呢間手工麵都好值得食，特別係手撕雞涼麵好抵食，選擇亦都好多，如果經過旺角推薦大家去試下💖😚推介指數：⭐️⭐️⭐️⭐️
繼續閱讀
🍜🥢🥣多配搭自選麵✨湯底6款可選：原味清湯、胡麻、胡椒、麻辣、酸麻、酸辣✨麵條4款可選：幼麵、中麵、粗麵、寬面✅芫荽豬肉餃手工麵 -$59餃子麵裏面有五隻餃子，餃子皮雖然有少少厚，但係餃子包得十分飽滿，餡料都好多，芫荽同埋豬肉嘅份量配搭恰當，食到芫荽味之餘，豬肉亦都有口感。除咗餃子配料仲會有銀芽、菇及生菜，感覺都幾健康。麵條選了粗麵，店員有提醒會比較硬。睇落去圓條形個樣似油麵，但係真係會比油麵更加硬實，食落飽肚，但係就唔會太索湯。湯底選了胡椒湯底，上黎時呈啡色，同想像中嘅有少少唔同，可能係用上黑胡椒而唔係白胡椒。佢嘅胡椒味都香濃，唔會好辣，但係越食越熱感覺好暖胃。一個人唔知食咩好嘅時候，呢間都係一個可以encore嘅餐廳。
繼續閱讀
📍YKY自家麵 (旺角)旺角花園街5號鴻威大廈2座地舖==============================餐廳距離旺角站大約6分鐘位置非常方便，餐廳主打自家製麵條，有各種不同粗幼麵條可以選擇，湯底都有6款，仲可以選擇不同辣度，感覺有d似譚仔🫢==============================滑雞手功麵呢碗麵我揀左轉麵配胡椒味湯底，寬麵最初有d偏硬身似刀削麵質地，湯底胡椒味濃但唔辣，可以另外再揀加辣雞肉份量多而且軟滑，味道唔錯手撕雞涼麵呢碗麵就揀左中麵，麵質較寬麵軟身，碗埋麻醬口感好滑，加埋雞絲青瓜絲味道唔錯👍🏻純豬肉手工餡餅餡餅外層係酥皮，入面係超多份量ge 豬肉絲，唔算辣但味道唔錯
繼續閱讀
跟朋友來食餃子麵 落單職員已經態度很差 問她拿碗仔同醬汁 態度挑釁 好似唔想服務你咁 惡到好似得罪咗佢咁 好似佢仇人 等候時間又好長 下次唔會再嚟 極差評 今時今日嘅服務態度真係唔得
繼續閱讀
同朋友行咗旺角一陣都唔知食咩，大約9至10點，見佢好似新開亦都唔想食熱氣嘅嘢，我揀咗佢食飽肚嘅嘢手撕雞寬面佢有湯麵同乾麵，佢嘅面底仲可以分幼面，中面會有啲似油面，最後就係呢隻寬面款，本身都怕唔夠食，但係叫咗返嚟都好大份，夠兩個人分嚟食！要講下餃子冇得雙拼，有啲可惜，如果有得雙拼仲可以試吓其他味道，今次叫咗白菜豬肉餃子，佢叫一次就係10隻，喺旺角46蚊嘅價位抵食加埋個醋食會更好食，如果一個人食一定好夠飽！總體嚟講，係旺角嘅宵夜恩物，見佢宵夜時段都坐得幾滿，謝謝一坐低亦會好誠意推介手撕雞麵，好態度
繼續閱讀