WM Café & Bar (雅濤居購物商場)

營業中

休息中

人稱美食沙漠嘅馬鞍山開咗間西餐廳😳去完個friend新屋house warming，諗緊食咩定返屋企之際🤔...之前黎過呢間舖上一手間餐廳，麻麻地又貴到痺嘅西餐廳原來執咗！而家新開咗間平民版又幾好食嘅～😈Set Dinner好多選擇有10款認真少見，而且最貴都只係$128唔貴😬😬餐包熱烘烘的配上龍蝦湯好美味！鹿兒島黑豚西冷配檸檬帶子青蘋果絲，好fresh！豚西冷肉質結實有咬口😋烤石斑魚柳配芥末籽燒汁，片石斑配芥末好惹味好開胃😋餐飲加$18可以配特飲，叫左兩杯特飲梳打🍹🍹大大杯！真心覺得好抵食，下次再黎馬鞍山都會幫襯👍🏽

今日同朋友去咗馬鞍山見到wm cafe咁我就試下啦因為你哋都知馬鞍山都叫做美食沙漠， 不妨試下有冇驚喜。我哋叫咗all day breakfast，同埋美國西冷牛扒配燒汁意粉。餐湯有龍蝦湯我覺得呢個龍蝦湯都幾濃味，鍾意飲濃湯嘅朋友應該會喜歡吧。All day breakfast： 熱熱嘅麵包夾著蛋、 吃埋已經煎好嘅香菇同埋腸仔及煙肉等食材，吃下去的每一口都是開心的。 順帶一提我自己加咗少少錢落個黑松露到，因為我覺得黑松露加炒蛋會比較好味。美國西冷牛扒配燒汁意粉:我叫咗七成熟 廚師煎到啱啱好， 冇overcooked。 講返塊扒真係肉汁鮮嫩， 加埋個燒汁配埋意粉我覺得啲餐lunch都算ok。最後嘆埋佢個latte先埋單， Overall我喺馬鞍山揾到間尚好嘅餐廳真係不易啊。 行過嘅朋友可以一試。

** WM Cafe and bar **住左馬鞍山咁耐,真係好少行過黎呢邊今日就同BB去冒險樂園玩,之後就發現呢間西餐廳空間好大,又有BB櫈,二話不說就坐低食我地叫左2份Dinner Set , 跟餐配有忌廉龍蝦湯,餐包 同埋餐飲 仲可以加錢要特飲同埋甜品可惜當日威靈頓牛柳SOLD OUT , 如果唔係我會食呢個最後要左 鹿兒島黑豚西冷配檸檬帶子青蘋果絲 HKD98黑豚煎得幾香,底下既薯蓉都好細滑老公就要 鹽烤帆立貝海膽醬意粉 HKD78呢份清清地,唔會過於濃味呢間餐廳位置唔係大街 少左一份嘈雜下次再黎食下tea先**

星期日天氣好好🌞同老公去海濱長廊和馬鞍山公園散吓步👫之後見肚餓行咗去雅濤居的WM Cafe食午餐😋我們叫了兩個午餐，跟餐配了忌廉龍蝦湯，外表平凡的龍蝦湯🦞試了一啖就不得之了，真的非常好味、夠鮮味、唔會好咸，係我最近飲過最好味的龍蝦湯😋跟餐另加$8，附上廚師沙律有一塊巴拿馬火腿，沙津新鮮又美味🥗安格斯牛肉芝士漢堡，漢堡配上芝麻包口感豐富，配上粗薯條簡直絕配🍟薯條外脆內軟超正😻鹿兒島黑豚西冷配北海道檸檬海鹽烤雞，黑豚肉味夠濃郁🐷口感爽口🐔烤雞香脆又嫩滑仲好Juice😋甜品叫了藍莓芝士蛋糕🍰芝士味夠濃郁、面頭配上藍莓醬，超級好味😋另一款甜品叫了芒果蛋糕，海棉蛋糕口感鬆軟、忌廉又香又滑🥰環境舒適，座位好闊落，坐得好舒服😌地方寬躺左邊係熱情果菠蘿梳打，右邊係荔枝蜜桃梳打，兩杯飲品味道也不錯，好好飲😋

今日同老婆得閒去咗馬鞍山 所以就去咗一間餐廳食晚飯 這兒就是WM Cafe 環境好清幽 格局都唔錯 我同老婆每人叫咗一個main course 一個湯同一杯嘢飲 老婆就叫咗 鹽烤帆立貝海膽醬意大利粉 而我則叫了脆炸軟殼蟹墨汁意粉鹽烤帆立貝海膽意粉非常之好味帆立貝夠新鮮好有海鮮味 以海膽醬配合意大利粉剛剛好不會太鹹 亦不會太過漿糊 老婆非常之鍾意食 而我那一個軟殼蟹墨汁意粉軟殼蟹炸得非常之脆 墨汁意粉的juicy帶出嚟 雖然我平日好少食軟殼蟹但都總覺得這個軟殼蟹做得唔錯 冇100分都有85分其實兩公婆好簡單只要拍下拖食下飯簡簡單單就一晚了

今日同老婆得閒去咗馬鞍山 所以就去咗一間餐廳食晚飯 這兒就是WM Cafe 環境好清幽 格局都唔錯 我同老婆每人叫咗一個main course 一個湯同一杯嘢飲 老婆就叫咗 鹽烤帆立貝海膽醬意大利粉 而我則叫了脆炸軟殼蟹墨汁意粉鹽烤帆立貝海膽意粉非常之好味帆立貝夠新鮮好有海鮮味 以海膽醬配合意大利粉剛剛好不會太鹹 亦不會太過漿糊 老婆非常之鍾意食 而我那一個軟殼蟹墨汁意粉軟殼蟹炸得非常之脆 墨汁意粉的juicy帶出嚟 雖然我平日好少食軟殼蟹但都總覺得這個軟殼蟹做得唔錯 冇100分都有85分其實兩公婆好簡單只要拍下拖食下飯簡簡單單就一晚了

見呢度新裝修，地方感覺大咗好多同埋環境都舒服以為價錢會唔平，但睇到dinner set價錢好優惠，選擇又多就入去試下啦！Dinner set都幾吸引！最貴嘅威靈頓牛都只係$128！仲要已經包咗湯同茶！出面嗌一份起碼都要$200決定嗌一份！另一個set就揀咗黑豚西冷先送上2個餐包，暖，配湯食啱曬龍蝦湯，呢個好驚喜wor！濃淡適中，質感幼滑，好味道！而且有肉食到跟餐加少少錢叫咗一杯凍朱古力Cream面竟然有燒過，用心另外就叫咗黑牛未影得切相就篤咗一下落去，即刻勁出泡😂黑豚西冷先到帶子睇相都知合格有餘！面層燒得金黃肉質鮮嫩！黑豚西冷煎得啱啱好，肉質唔會鞋口配上青蘋果絲，中口膩感略嫌配菜嘅西蘭花帶點失色不過呢個價錢，又似乎唔能夠埋怨太多期待嘅威靈頓牛柳切落去，feel到個皮酥脆，係即整出黎但食落去又另一回事可能比d汁整林咗個皮牛柳夠林，配上嘅薯蓉幼滑Menu選擇都好多值得一提有個四眼?哥哥?叔叔頻頻加水又好細心！欣賞！

經過馬鞍山發現新開咗MW cafe and bar, 之前喺大埔店食過質數唔錯，見呢區新開分店裝修大好多，環境又舒服，決定試下。Dinner有好多選擇，餐牌好多款式。揀咗兩個餐，龍蝦餐湯好香濃，龍蝦味好重。威爾頓牛柳 店員放上枱好有驚喜，原來用酥皮包著厚厚嘅牛柳，同平日食開嘅好唔同，無諗過可以咁樣配搭，好特別，牛柳肉汁多，而且一啲都唔韌，好正👍🏻脆炸軟殼蟹墨汁意粉都好好食，原隻軟殼蟹，脆卜卜，另外加配沙律同薯菜 跟餐只係+$8好抵，要推介一下特式飲品，熱情果菠蘿梳打．荔枝蜜桃梳打都有粒粒果肉，Yummy😋馬鞍山食肆唔算多，從此又多一個選擇👍🏻

新開冇耐，冇乜人，唔使等位所以就去試吓啦！睇睇餐牌價錢都OK，午餐$50鬆啲，叫咗個煎龍利魚柳飯，跟餐送飲品同龍蝦湯。線上嘅龍蝦湯賣相唔錯，不過冇餐點有啲搞笑，塊面包就係咁樣放喺碗邊😅不過龍蝦湯味道唔錯。魚柳配飯味道OK，不過不失，同西餐廳就冇得比，但街坊生意來說，水準算係咁！相比隔離大X活，其實價錢真係差唔多，但係味道相比，就真係好過大X活。起碼環境都好啲，坐得舒服啲，唔洗自己排隊買餐、攞野食，呢度都值回票價。

其實之前喺大埔都食過水準十分之高，估唔到開咗分店嚟到馬鞍山，而且地鐵站行過去10分鐘都冇梗係要幫襯下啦入到去個感覺好綠油油，環境十分之好嘅西餐廳，同之前大埔嗰間感覺好唔同 今次同朋友嚟點左兩個套餐龍蝦汁鮮蝦意大利粉同牛柳條龍蝦汁十分配合意大利粉，而且唔會太鹹，出邊好多意大利粉都整到好鹹㗎，呢個未到我就十分之喜愛其次個牛柳條，有個酥皮係出邊十分驚喜而且唔會太硬總結，wm cafe 保持一貫嘅水準，令我去到沙田區都食到咁正嘅西餐，極力推介呀

今日特登去馬鞍山探朋友對呢一區完全唔熟悉於是就去左朋友介紹嘅嘅一間餐廳食晚飯🍽忌廉龍蝦湯+餐包龍蝦湯香濃 質感幼滑裡面有一絲絲龍蝦肉餐包就是某麵包供應商的普通餐包🍽龍蝦汁海蝦蟹肉意粉意粉煮得剛好少小彈牙有咬口醬汁濃郁 海蝦有大約5隻 算係新鮮無雪味蟹肉雖然鮮味 但份量較少🍽WM威靈頓牛柳賣相幾靚 外層酥皮焗到金黃色牛柳算係大件切肉鮮嫩有肉汁 食落軟腍無根作為配菜的薯蓉味道唔錯有粒粒薯仔 增加口感🍽熱情果波蘿梳打酸酸甜甜 很適合夏天餐廳食物唔錯環境清幽舒適員工態度有改善空間

今次叫左3樣野食，但2個人食到好飽好飽。波士頓龍蝦湯飲既時候已經飲到好濃既龍蝦味，為左令到湯既味道有更多的層次，係湯入面加入左好多不同的海鮮，有蝦﹑魷魚﹑帶子等等。但配料得一,兩粒雙層安格斯牛肉芝士漢堡配薯條一黎到既時候，已經嚇到我O左咀，佢成個包既厚道有一個手掌咁高，可惜食落同想象係有好大出入。D麵包硬既，生菜同蕃茄就算數啦...，既牛扒乾既...唉!成舊水呀大佬...香煎刺身帶子龍蝦汁意粉一上菜已經嗅到龍蝦的味道，但食落好油膩。

WM威靈頓牛柳 💲138烤石斑魚柳配芥末籽燒汁 💲98✅ 牛柳超厚🛳️ 肉質比較緊實😁 同外層既酥皮形成鮮明對比🎨 個人覺得以呢個價錢可以食到威靈頓 係物超所值😋✅ 石斑咬落有彈性🎣 配上德國 (粗粒) 芥末同燒汁🏺 風味獨特👅Taste：3.5/5💰CP值：3.5/5🙋🏻‍♀Service：3.5/5👁‍🗨Stylishness：3.5/5

馬鞍山一直都係美食沙漠，沒乜好食餐廳。一般都係大集團連鎖食肆，中央廚房。仲要唔平。難得新食肆「W M Café & Bar」落户，一定要幫襯下。星期六剛好接囡囡興趣班，食個午餐。餐廳新裝修，有品格，日市平民西餐，晚市酒呢小酌。餐牌選擇不少。基本上豬牛羊魚，飯麵意粉都有。點著兩個餐。附餐湯的。龍虾蘑菇湯。龍虾味道好濃醇。肉醬義大利麵係亞囡至愛。哩間份量不少，尤其係個醬。另一個餐要左鹿兒島黑豚西冷配北海道檸檬海鹽烤雞。配料强勁，味道亦有水準。整體不錯，以後週未凑囡必到！

今日行過雅濤居，見到商場有好多花牌，原來新開左間 WM Café and Bar 。格局似西餐廳，好有氣氛既感覺，仲有酒吧，有1664，老公至愛。於是入去食 lunch 。 價錢非常實惠，一般六十幾一個 set lunch 。龍蝦湯好香濃鹿兒島黑豚西冷配北海道檸檬海鹽烤雞配薯菜個名堂好勁😂😂😂黑豚豬扒好林，輕輕一界就切開。雞肉嫩滑，帶少許檸檬味，味道清新。薯條亦炸得乾身香脆。餐飲叫左朱古力，要加$8。大大杯仲有拉花，勁有奶味。